السلام عليكم ورحمة الله وبركاته
ابوذيات جديده اكتبها بقلمي
لكل عشاق الابوذيه مع تحياتي لكم
***********************
كلتلك رد حبيبي وكلت مارد@
واحس حجيك بنص احشاي مارد@
صرتلك حتى بالفانوس مارد@
كمت كالساع تتامر عليه
***********************
كلبك جان ياولفي محنه@
وليالي الهجروالفركه محنه@
وين بعدت يالكلك محنه@
فراكك صعب يالغالي عليه
***********************
تعال وشوف كلبي ولك سل بي@
لان وياي حجيك دوم سلبي@
يدنيه شما سلبتي بعد سلبي@
بعد ماخاف لو تدنه المنيه
***********************
الكلب حبك وغيرك ابد مختار@
ولدروبك يغالي صبح مختار@
بحبك تاه مخه وصار مختار@
يحط عالناس بس ميحط عليه
***********************
تعال ودوزن بكيفك وتاري@
وصرت لعبة طفل بيدك وتاري@
تور البسمه حطت وتاري@
خبط ويه الشعل وبعَد عليه
**********************
يحلوه حساب احسبيلي وعدي@
اذا خالفت يوم وياج وعدي@
من حبج عليل اصبحت وعدي@
تخاف الناس محد يمر بيه
**********************
اجيتك وبمشيتي الك هميت@
وبيك من الزغر ياترف هميت@
انه بفركتك محسوب هميت@
و بجيتك ترد الروح بيه
**********************
حبك بالكلب غالي وشلته@
ودمعي بيوم هجرانك وشلته@
احب كلبك وصحبانه وشلته@
واحبك حيل يالمبعد عليه
**********************
الك مسكن وسط روحي غرفتين@
واريدا من عسل شفتك غرفتين@
مو بس عسل بيك انته غرف تين@
اطينه من غرف تينك شويه
*********************
اريد اعزف وغنيلك عتابه@
وعليك الكلب ما بطل عتابه@
احن لدار ما انسه عتابه@
وتضل ذكراه دوم تعم عليه
*********************
بثوب العوز اجيتك وانه داوي@
بلهيب النار اطفي وانه داوي@
جرح الكلب ينزف وانه داوي@
اداوي الجرح والعله خفيه
********************
اريد اهل الوفه احسبهم وعدهم@
واضل انتضر جيتهم وعدهم@
لان الكلب ضل يمهم وعدهم@
يضل يمهم لما يعودون اليه
*******************
يدنيه بحبل عتيني وجري@
وحيل بنار جويني وجري@
الوادم سمج مزتهه وجري@
وانه اللبلبي حسره عليه
*****************
اون عليك طول الليل ونهار@
ودمعي فيض الوديان ونهار@
دليلي تمرد بفركاك ونهار@
يمته تعودلي ونلتم سويه
******************
عليك الروح نص الليل ونت@
لان برغي الكلب مفتوح والنت@
ادور عليك بالقاعات والنت@
وينك يا حلو بس رد عليه
*******************
موال الغدر يطرب لبسته@
وعلي ثوب الحزن لايك لبسته@
الفرح من صاحلي انه لبسته@
لان ثوب الفرح ميلوك اليه
*********************
الصاحب من عكس وكتي جريده@
وصرت سعفه بنخل بالي جريده@
مو انه الجنت بيدك جريده@
تحطني ابين اديك وتقره بيه
*********************
تعال ومر عليه وردشوفك@
انه عطشان ميت وردشوفك@
تره انه منشوفك ورد شوفك@
وعطرها يفوح كل ساعه عليه
*********************
مو مثل البتوت الروح بتها@
دشوف شكد بديها يلوك بتها@
احب الشايله عالمتن بتها@
تروح الروح من اتمر عليه
*********************
اخوكم الشاعر سعد الربيعي
اضيفت بواسطة:الشاعر سعد الربيعي | البريد الالكتروني: alkeba_2006@yahoo.com
|
|
بعد ماظل امر بالكون يبساط
وعلي صرتن صعاب شلون يبساط
تضحك ماابيعك تظن يبساط
وانه القوري بعته ورد عليه
اضيفت بواسطة:علاء الصدري | البريد الالكتروني: alaa.husen@yahoo.com
|
|
الدهر سهمين اله بكلبي ونابين
والمصايب هدمن حيلي ونابين
حبيبي الجنة ساكنهة ونابين
نارة اونار ذاك الشمت بية
اضيفت بواسطة:الحياوي | البريد الالكتروني: fathil_aaa@yahoo.com
|
|
الكاع شلون وك يوكع علمــــــهة
وهي ابعد بلد يعرف علمــــــهة
يجاسي شلون وك تجسي علمهة
بـــغــداد الجميلة ابلاثــريــة
اضيفت بواسطة:عاشق القيصر | البريد الالكتروني: hadar_2008@yahoo.com
|
|
شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة
اضيفت بواسطة:ابراهـــــــــــيم الاعظمــــــــــــــــــــــي | البريد الالكتروني: ibrahemksm3@yahoo.com
|
|
عجب خلخال ساكك مايرنش
جبح ودموع عينك مايرنش
يرت منك سوالف مايرنش
كرهتك لو حياة اتصير الية
اضيفت بواسطة:الحياوي | البريد الالكتروني: fathil_aaa@yahoo.com
|
|
وحق الريت و الياريت وليت
مفرع واندعي من يوم وليت
ياوالي من علية بجفاك وليت
وبعد عينك منو العينة علية
جروح شوكك بعدك ولمني
وسبب الفراك منك وله مني
بغيابك نظر عيني وله مني
كمت اوجد حرثتي بطراف ادية
روحي من الصبر طف طف وعاها
عليلة ولاخليل الها وعاها
اعاني من خلل بيها وعاها
حنينة وماتميز الناس هية
على درب الاحبة ودي اعاني
ذبح كلبي بغيابة ودعاني
بدموع ايتام شفتة ودعاني
شلع كلبي شلع ذيج المسية
اضيفت بواسطة:أُُُثير التميمي | البريد الالكتروني: atheer_first@yahoo.com
|
|
جم حسرة على شوفتك حاصرتني
غبت و خيول هجرك حاصرتني
الك عبرة شكبرها حاصرتني
بكبر طركاعتي الطاحت علية
اضيفت بواسطة:احمد التميمي | البريد الالكتروني: arabsword121@yahoo.com
|
|
نحيل الجسم من بعدك تراني
واريدك دوم بعيونك ترانـي
أفكر بيك كل ساعــة تراني
أفكر والبعد يصعـب عليــه
اضيفت بواسطة:الأيوب | البريد الالكتروني: moh_an3@yahoo.com
|
|
|
اصيح بصوتك و انت وياي ردرد احبك لا تروح بعيد ردرد اذا جتك رسالة شوك ردرد لان ردك يرد الروح الية ....
اضيفت بواسطة:كلوفر | البريد الالكتروني: لا يوجد
|
|
ليالي السود كثرن والتمني وحلمنه شوكت يخلص والتمني واحسن انه منك وانته مني
واحسنك خبط مخبوط بيه
اضيفت بواسطة:نوري الفريجي | البريد الالكتروني: snoori36@yahoo.com
|
|
خاص الى الفراشه
هاك اخيوط روحي هاك ابرهه
ولو صاير بحرهه ها كبرهه
الك حسره بدليلي ها كبرهه
علي ثكلت مثل ثكلك عليه
اضيفت بواسطة:حسام حنون حسن | البريد الالكتروني: hrorh_1988@yahoo.com
|
|
مصايب عل الكلب لصبح والو
الهلبت ما نفعني بعد والو
احبابي بلا ذنب للغير ولو
طبعهم غدر ما بيهم حميه
اضيفت بواسطة:حسام حنون حسن | البريد الالكتروني: hrorh_1988@yahoo.com
|
|
هاك اخيوط روحي هاك ابرهه
ولو صاير بحرهه ها كبرهه
الك حسره بدليلي ها كبرهه
علي ثكلت مثل ثكلك عليه
اضيفت بواسطة:حسام حنون حسن | البريد الالكتروني: hrorh_1988@yahoo.com
|
|
حبيبي عليك كلي من تجنه
اليكلك نار جذب منته جنه
تعرف شيصير بيه من تجنه
كبل باب الكلب ياخذ تحيه
اضيفت بواسطة:حسام حنون حسن | البريد الالكتروني: hrorh_1988@yahoo.com
|
|
حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه
اضيفت بواسطة:رضاااااوي | البريد الالكتروني: s_morteda@yahoo.com
|
|
شمس لو نور وجناتك وجن بيك
ويظلمك من يوصف وجن بيك
اعذرة الهايم بشوكك وجن بيك
صفات البيك بس بالحور هية
انة شمجبل جبلتي تصير يدها
وجيت اخطب انة اليوم يدها
احبهة وهية بظهر يدها
وهي تحبني وابوية بظهر بية
اضيفت بواسطة:حيدر الهلالي | البريد الالكتروني: hilali_86@yahoo.com
|
|
|
اريد اعكد حبل ودك وحله واهب بالعشك كلبي وحله عشت سنتين بالبصره وحله ابد ماشفت مثل الناصريه
اضيفت بواسطة:علي مالك الاديب | البريد الالكتروني: ali_m_yo@yahoo.com
|
|
يبن ادم جم مرض زارك وعليت
ولا يوم غسلت كلبك وعليت
يا طير شما طرت انتة وعليت
تطيح وحفرتك مترين هية
اضيفت بواسطة:يوسف توتي | البريد الالكتروني: more2006k@yahoo.com
|
|
خربنة يا وطن كلة بدينة
وصارت طائفية وكلمن بدينة
ليش ما نرجع من اول ما بدينة
نحل الصار ونشوف القضية
اضيفت بواسطة:يوسف توتي | البريد الالكتروني: more2006k@yahoo.com
|
|
