حبيبي الشوك لا تكطع وصاله
الك بالكلب كم غرفه وصاله
نجوى تروحلك فدوه واصاله
ولجل عينك لطيفه التونسيه
اضيفت بواسطة:ليث الخفاجي | البريد الالكتروني: laeth_haz@yahoo.com
|
|
شريعة سيد الكونين وضحه
وسعيد الي مشاهه بخير واضحى
يعيد كل سنة بكل فطر و اضحى
يشارك بالفرح صبح ومسيه
اضيفت بواسطة:ابو طارق | البريد الالكتروني: walid_adnan123@yahoo.com
|
|
وحك عباس ومصابة وسكنه
لا دار البكه عندي وسكنه
الألم لوهاج ياذيني وسكنه
ويضل هايج ألم فركاك بيه
اضيفت بواسطة:حميد زعال اللهيبــــــــــــــــــــــــــــــــــــــــــــي | البريد الالكتروني: zaal_1978@yahoo.com
|
|
تنام الناس نص الليل وناي
أون محد سمع ياناس وناي
تعال أسمع لحن هالروح وناي
تعال وشوف حالي اتحن عليه
اضيفت بواسطة:حميد زعال اللهيبي | البريد الالكتروني: zaal_1978@yahoo.com
|
|
هذا الابو ذية مهدى الى طلاب هندسة السيطرة و النظم:
اندمر هذا البلد رايح تجي سيطرة
وامريكا اتوقعت الها غصب سيطرة
يحتاجلنا درع من نمتحن سيطرة
همر د. سامي ومحضر بلية
اضيفت بواسطة:ميدو | البريد الالكتروني: fewlove1 @ yahoo.com
|
|
احبك من زمن جدك وجـــدي
وحب كلبي الك ثابت وجـدي
اريد اوكف انه ابابك وجدي
بلكن ينكسر كلبك عليــه
اضيفت بواسطة:البصراوي | البريد الالكتروني: yousif_dj_1122333@yahoo.com
|
|
طعم حبك يمحبوبي شفانة
تشابكنة ولا واحد شفانة
تتذكر من سوى طبكن شفانة
سكرنة وللارض طحنة سوية
اضيفت بواسطة:غيث حداد | البريد الالكتروني: alhasany_k@yahoo.com
|
|
العمر ماي وتبدة غفل وانجب
وصفيت اعثر واطيحن وكع وانجب
الوكت من زمخ كتلة انلصم وانجب
وخزرتة بغيض من عاين علية
اضيفت بواسطة:حيدر الهلالي | البريد الالكتروني: hilali_86@yahoo.com
|
|
زمان صباي كوطر وله جنه
وصرت مثل اليتيم الوله جنه
عفتنا يا مدلل والله جنه
انتباها بيك من دون الملا
**** **** **** ****
ذبحتونا يبو كذيله بلا موس
وهمت مجنون من ضيمك بلا مس
احبابي من ذكرناكم بالامس
بجينا دموع بللنا الثياب
**** **** **** ****
ابد ملكا مثايلهم بالاجرى
وراهم اتعبت جدمي بالاجرى
يوينه اليوصل كتابي بالاجرة
بشير الخير لو ردلي الجواب
**** **** **** ****
عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب
اضيفت بواسطة:وقاص العبيدي الانبار _سد حديثة | البريد الالكتروني: shadoman_80@yahoo.com
|
|
الكرخي اهداء للطيبين..
الوكت وكعنه وكنعه وكلبنه
وابد مايوم على غالي كلبنه
احنه ضلوع الك وانت كلبنه
وانخاف اعله كلبك من كل اذيه.
اضيفت بواسطة:الكرخي | البريد الالكتروني: لا يوجد
|
|
الرد على ألأخت بنت الزهراء حيث قالت..
علي يالطلك الدنيا ومردها
اجيتك والمرض روحي مردها
امد ايدي على شباجك مردها
بجاه حسين مد ايدك عليه
الرد..
يناعي لو شفت شيعة وسادة
أخبرهم بالجرة علينا وساده
حسين الرمل صايرلة وساده
ثلث أيام مرمي عالوطية..
تحياتي
اضيفت بواسطة:الشاعر علاء الساعدي | البريد الالكتروني: عاشق أبي تراب@yahoo.com
|
|
حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية
اضيفت بواسطة:زهراء | البريد الالكتروني: لا يوجد
|
|
كلب صافي لون تهوى كلبنه
وابد مايوم عـالصاحب كلبنه
احنه اظلوع الك وانت كلبنه
ونحافظ عـالكلب من كل اذيه
اضيفت بواسطة:محمد الكناني | البريد الالكتروني: kinane_kk@yahoo.com
|
|
|
دفيت امن المصايب ما دفني شموس الكيظ كلهن ما دفني اخوي المتت بيده ما دفني ركض للدود دلاهن عليه
اضيفت بواسطة:اياد زهراو | البريد الالكتروني: talaba_auaad@yahoo.com
|
|
سلامي وياك للخوان وصله
لهلي اهل الكرم والطيب واصله
صدكوا لو بقى من الجسم وصله
تبقى تحن لارض العامرية
سلام وطيب يحبابي وصلنه
وعسى ما ينكطع منكم وصلنه
الهوى اليهب منكم وصلنه
اشمه وترد روحي عليه
اضيفت بواسطة:ابو عبدالله | البريد الالكتروني: a_krshw_70@yahoo.com
|
|
جمالك مو ملك احد فلك بيك
وانتة لكل فلك شاهد فلك بيك
من اكظنك اريد العب فلك بيك
يهودي وكظ فلسطيني بزوية.
اضيفت بواسطة:eng>mohanad | البريد الالكتروني: al_muhtadi@yahoo.com
|
|
أحب اثنين بس أهلي والأعراق ..(العراق)
وحبك يا وطن بية والاعراق ..(ولع راق)
كل طيبة جذر مني والاعراق ..(جمع عرق)
من طيبة أهل خير البرية
تحياتي الى الشاعر الحسيني عدنان الطفيلي في كربلاء..
اضيفت بواسطة:أحمد أنور كاظم الزيادي | البريد الالكتروني: ahmed_anwer_kadhom@yahoo.com
|
|
اريد انشد شعر فصـحـى و شعـبي
و اشـيد بشيمة اجدادي و شعـبي
و اخبر كل شعر عنهم و اشـع بي
و أﮔـول اشعارهـم و الابوذيــة
اضيفت بواسطة:المهندس الطيب | البريد الالكتروني: aaa_essa@yahoo.com
|
|
هلي خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين ادية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
