ياحلوى الزعل طول صاحبينة
وبهجرج عضم ماضل صاحبينة
جنة برضة وجانت صحة بينة
زعلتي وزعلت الصحة علينة
اضيفت بواسطة:فادي | البريد الالكتروني: fady@yahoo.com
|
|
مو عشرة تراهة وياك طلعت
ومن كثر الجروح الروح طلعت
شفت مرة شمس بليل طلعت
اكل للناس ميصدكون بية
اضيفت بواسطة:فادي | البريد الالكتروني: fady@yahoo.com
|
|
ذبل هرش الكلب لاجلك وخاوه
وطمع ما ردت منك وخاوه
الفخر مو للذي عاشر وخاوه
الفخر للطيب اليذكر خوييه
اضيفت بواسطة:حسين فاهم مناف | البريد الالكتروني: hwitwit_2000@yahoo.com
|
|
بصحرة شوگ ضامي ارجوج... ميعاد
اعد والزمن واكف ابد... ميعاد
اباوع عالوجه والطول... ميعاد
شمس تمشي بملابس جامعيه
اضيفت بواسطة:مســتــــر طـــابــوقـــة | البريد الالكتروني: fakeuword@yahoo.com
|
|
هذه الابوذيه منقووووله
والك مال ..
الك حن الگلب يسمر والك مال
وذاب الگلب من هجرك والك مال
لآني ناجح بحبك ولا كمال
ولا راسب واكلك حيل بيــه
تحيااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
وحك الله وبطل خيبر بدرنه
شنهو البدر من عدنه بدرنه
تغيب الشمس من يطلع بدرنه
واشوف النجم ياخذله تحيه
اضيفت بواسطة:الساحر | البريد الالكتروني: moode_iraq88@yahoo.com
|
|
مثل صوت الذيابه صوته لاحن
لأن انياب الك بالعظم لاحن
لا رجف كلبك علي لاحن
لأن بذات وافعالك رديه
اضيفت بواسطة:الساحر | البريد الالكتروني: moode_iraq88@yahoo.com
|
|
هذا الابوذيه الى الشاعر امين الغزي..
شجاك وياي باديهه من النص
كمت ما ميز العلوه من النص
جزء مفقود واصلني من النص
رساله اشلون تحسبهه عليه
**** **** ****
اجابه الشاعر احمد الساحر..
ليش وياي باديهه من اخر
كمت الطش جزء انه من اخر
شجاك وياي رافعهه المناخر
تدنك حته انحلهه القضيه
اضيفت بواسطة:الساحر | البريد الالكتروني: moode_iraq88@yahoo.com
|
|
ارضعتني الدنيه همه من نهدهه
طحت والطيحه من اهدهه
والله بصدري حصره من اهدهه
ابجي المن صخر كلبه عليه
اضيفت بواسطة:علي كريم القريشي | البريد الالكتروني: ali_num2002@yahoo.com
|
|
الك بايع دليلي وانته حربي
اموت انه بجمالك وانتحر بي
وفجر كلمن يحبك ونتحر بي
لان مخصوص حبك بس اليه
اضيفت بواسطة:علي كريم القريشي | البريد الالكتروني: ali_num2002@yahoo.com
|
|
وعينك...
تنخاني بشدتك وعينك
وشغلك بوسط كلبي وعينك
اريد اسأل ربي الخالق خدك وعينك
يحرسك دوم ويحفظك اليه
اضيفت بواسطة:عبدالرحمن الخزرجي | البريد الالكتروني: rahomy_baghdad@yahoo.com
|
|
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجديه
اضيفت بواسطة:قاسم الشطري | البريد الالكتروني: km_22006@yahoo.com
|
|
حبيبي اديارنا لــوجيتوا مرها
أونفسك عالوفـــا والطيب مرها
أنا عشرتك ضگت حلوتها ومرها
بويا طلع مــــرها أمر امن المنيه
اضيفت بواسطة:مستر طابوقه | البريد الالكتروني: fakeuword@yahoo.com
|
|
هجم حبك على سنيني غزلها
وروحي بمغزل الحسره غزلها
القصايد بس الك لايك غزلها
شكد افرح اذا تسأل عليه
اضيفت بواسطة:شمس الحب | البريد الالكتروني: لا يوجد
|
|
جروحك بالكلب خزن واذاني
صلاتي بعد ما تنفع واذاني
عيوني ما اضن يصحن واذاني
انسدت وضلمة الدنيا عليه
اضيفت بواسطة:مصطفى | البريد الالكتروني: ana_lak_77@yahoo.com
|
|
دمع عيني حبيبي غرك انه
اخوي انته وصديقي غرك انه
اذا فد يوم احبن غيرك انه
نذل بذات واطباعي رديه
اضيفت بواسطة:ساحر ومسحور | البريد الالكتروني: moode_iraq88@yahoo.com
|
|
احينلك فرص ان لم تحن لك
واحن عليك مثل لم تحن لك
اذا ماقاري صدك لامتحن لك
واجيب بكل درس امتحنه ميه
اضيفت بواسطة:ساحر ومسحور | البريد الالكتروني: moode_iraq88@yahoo.com
|
|
تظل نجمه ياضي العين بسماي
ويضل اسمك صديق العمر بسماي
ما يروي العطش بجفاك بس ماي
العطش ترويه من تسأل عليه
اضيفت بواسطة:ابن اليرموك | البريد الالكتروني: لا يوجد
|
|
ملون هل العراق وصار عادي
وخسر كلمن أجانه اليوم عادي
بينه شما تمر صعبه عادي
رضعنه رصاص ومن البندقية
اضيفت بواسطة:ahmed_gareb_mahmede | البريد الالكتروني: aorora2003@yahoo.com
|
|
انا روحي رجيجة وحيل خضرة
لام شعر الذهب وعيون خضرة
بعت الها الكلب باعت لي خضرة
ريحان كرفس اربعة بمية
اضيفت بواسطة:عراقي انا | البريد الالكتروني: hwitwit_2000@yahoo.com
|
|
