يصاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه
**** **** ****
اكظي الليل كله اني بيك هام
وكون البيه مره يصير بيك هم
جزاء انت واليلعب بيك بيكهام
يجيب الكول من غصبن عليه
**** **** ****
امشيلك ابدال الميل ميلان
وحبك على كلبي يميل ميلان
اذا نادي عراقي غلب ميلان
يصير سهل نسيانك عليه
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
حفرت أسمك بنص الكلب بيران
عليك تصب الدموع بيران
أحلفك بالرضا المدفون بيران
تحبني صدك لو تضحك عليه
**** **** ****
أكتبلي شماردت تكتب وأردلك
أزعل وابتعد وامشي و أردلك
بساتين بوسط كلبي ورد لك
يابحر الاخوه الصافي ميه
**** **** ****
يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه
**** **** ****
الك ياما نبض كلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه
**** **** ****
اهداء الى البصراويه
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
شاب الراس من هجرك دواوين
انة بحيك صرت اطبع دواوين
مريض ومرضي وين الكة دواوين
دوا حضنك يهل مبعد علية
يرفرف فوك كل عالي علمنة
ويظل ينفع العالم علمنة
الفرح من نزل لينة علة منة
علة وشرد خاف من المنية
اضيفت بواسطة:حيدر الهلالي | البريد الالكتروني: hilali_86@yahoo.com
|
|
عذرا لون روحي .. حاسبتكم
لانكم جزء منه .. حاسبتكم
بجاه الحسن تعطل .. حاسبتكم
شاشه وكيس والفارة سويه
اضيفت بواسطة:صادق الجبوري | البريد الالكتروني: abuzahraa_alsheekh@yaho.com
|
|
الايام اشلون اخلصهن وعدهن البنات اليوم مايوفن وعدهن
عدمن وفن يا صاحب وعدهن وعدهن للمحب غدران واذية
**** **** ****
اطلبة واجا دياني سوادين شدهني وصارن براسي سوادين
يحق احزن عليك البس سوادين الوجة والثوب اصبغهن سوية
الابوذيات منقولة
اضيفت بواسطة:مصطفى البصراوي...الطويسة | البريد الالكتروني: mustafa_aljezany@yahoo.com
|
|
عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه جرت منكم عليه
اضيفت بواسطة:البصراويه | البريد الالكتروني: لا يوجد
|
|
زنجيل خاص الى اهل البصرة
**** **** ****
زمان الچان يزهي گبل مادام .....
وبچيت عله الخدود الروح مادام....
عگبهم گلت اسم الروح مادام....
مشوا عني بعد چا شلي بيه....
؟مشواعني شلي بروحي بعدهم
وكت كل غايته عني بعدهم
عيد المايحط چفه بعدهم
حرام انچان يهنه العيد اليه
حرام انچان يهنه العيد ويطيب....
ولاجرح البعد يلتام ويطيب...
الي بركان حدر الضلع ويطيب....
يطگ من تمر ذكراهم عليه....
يطگ من تمر ذكراهم وليراي...
الي چانوا نهر عشره وليراي...
لهم راي اليفارگنه وليراي...
اسيرويّ الضعن ماصح بديه...
اسير ويّ الضعن گصدي ولاصاح. ..
بشر لاعدل ظل عدها ولاصاح....
حده حدايهم سكته ولاصاح....
حد هو گطع بگايه الروح بيه....
حده وگطّع غفل روحي منحدا....
هوعميت وماعرف حدي منحدا....
هسوه ماكو فرق وحده منحدا....
هالنوايب ذيچ بيك وهاي بيه....
النوايب دارن وصكن بعدكام....
وگضن عشرين من عمري بعد كام....
گضت كومه من جروحي بعد كام....
يمين اچان اداويهن بديه....
يمين انچان اداويهن ولاروف....
وبعد لاأرحم بحالي ولاروف....
تهت لاماي ظل عندي ولاروف....
فقط دمع الوجة نهران بيه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
الكلب يسال عليك وانت داري
و بعدك وين اروح وانتة داري
اني طول العمر جنت اسهر واداري
وانتة تال الوكت اتخون بية
**** **** ****
عرفتك وعرفت لغزك وحلاك
سبحان من جملك ياسمر وحلاك
صعبه اهدنك من ايدية وحلاك
لان بفراكك يعني المنية
**** **** ****
انكتب حبك بنص الگلب كتبـــه
وصرت طالب وضاعن بيك كتبـــه
العبت اَنه بغرامك طـــره كتبـــه
ولا مره كسبت الداس ليــــه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
يهنياله الكعد يمك وشافك
وشرب من ماي خدينك واشافك
اذا معلول انه الطب واشافيك
وكلي انكلب لاجلك صيدليه
**** **** ****
امس وانه برغد نومي .. طفت بيك
مثل ما طوفن بروحي ..طفت بيك
ابشرك لنار البكلبي .. طفت بيك
وشعل شمع لو جابوك اليه
**** **** ****
اقدم روحي اباقه وردلك
وكولن بعد ما رد وردلك
اجم مرسال من عندي وردلك
ولامنك جواب يرد عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
لجلك دم دمع عيني تــراسل
واخبرك يا ترف عودي تراسل
لون مكتوب من عنك تراسل
اطيب وما يضل كل الم بيه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
شجاها العين يمك دوم تنظر
واخاف العين لجل العين تنظر
لون اسأل حبيبي الوين تنظر
وانا المحتاج نظراتك عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
الملوك ارحلت بس تبقى دولها
وجثيره الماتت وماكو دولها
جهنم بالحشر تسمع دوي الها
حطبها البشر بـ فعاله الرديه
اضيفت بواسطة:عباس السيلاوي--الحله | البريد الالكتروني: www.al_selawy2000@yahoo.com
|
|
الوكت غثانه كلش ولمانه وتراده ووله خيره ولمانه
هدم بيت الجمعنه ولمانه
وخرايب ظلت الجانت زهيه
اضيفت بواسطة:عباس السيلاوي --الحله | البريد الالكتروني: www.al_selawy2000@yahoo.com
|
|
وحك راس النبي والحسن والحاج
علي نكبات دهري ارداف والحاج
شب نارك يشامت كوم والحج وخلي شما يصير يصير بيه
اضيفت بواسطة:السيلاوي --الحله | البريد الالكتروني: www.al_selawy2000@yahoo.com
|
|
اشرفنك على العالم وفضلك
ودمعي ماجرى لغيرك وفضلك
انا منذكر بعض طيبك وفضلك
اشكرك كل صباح وكل مسيه
( منقوله )
ارجوا مراسلتي بالشعر الابو ذيه على عنواني .... وشكرا
اضيفت بواسطة:فضل المشرفاوي | البريد الالكتروني: fdelabdalhaleem@yahoo.com
|
|
يبو صالح ولانه الوكت .... مرنه
عطاشة ومن بحركم دوم .... مرنه
زلم عندك ترج الكون ..... مرنه
متى تظهر يا حامي الثنية
اضيفت بواسطة:دمعة شوق | البريد الالكتروني: لا يوجد
|
|
حبيبي شلون عنده عيون فله
وشعر راسَ اعله ايدي فله
تمنيت انا وياه فرد فله
واشوفه الغرام اشعمل بيه
تحياتي للجميع
اضيفت بواسطة:دمعة شوق | البريد الالكتروني: لا يوجد
|
|
ترف عشرين عمرك ماتعدة
واذا كلبي هجرتة ماتعدة
تعدلي هواي لاجن ماتعدة
ذنبك من طحت تضحك علية
اضيفت بواسطة:فادي | البريد الالكتروني: fady@yuhoo.com
|
|
اشحلات الترف من يامر وينهه
ابحسنه دمر العالم وينهه(جننها)
يناهي لو تره مثلي وينهه(الونه)
وعلي جان انكسر كلبك عليه
**** **** ****
شامخ بل الكلب شخصك وحفضه
وجفن رسمك فوك العيون حفضه
يصونك الباري بطيبه وحفضه
ويحرسك من كل اذيه
اضيفت بواسطة:عز الحبايب | البريد الالكتروني: ndsso@yahoo.com
|
|
هذه الابوذيات ليونس محمود
وهيه منقوووله
يونس گال عن خوفه هدفنة
ونصول بزود ونكوّل هدفنه
اسعاد الشعب هوة اكبر هدفنه
نفرحة وثم نفرحلة سوية
**** **** ****
ابد ماهام برد الجو وحرة
واسود المنتخب حلوة وحرة
يونس من ضرب ضربة وحرة
صاروخ انفجر بالمرمى هية
**** **** ****
النهائي اشگد سهل بيكم وصولة
يل فن اللعب عدكم وصوله
اذا صحت بعد فرصة وصولة
يصير الكاس النة اجمل هدية
تحباااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
