الروح إخلافك امتيها عملها
غريبة ولاتظن يشفع عم الها
عيوني الما تحب شوفك عما الها
والف عين لجل عينك هدية
اضيفت بواسطة:اليعقوبي | البريد الالكتروني: h_alyaqoobi@yahoo.com
|
|
بيت جديد لي :
اشحلو أمرك عله كَليبي ومنهاك
أخذ روحي اذا تطلب وما نهاك
اشعجب ماتسمع:اعطيني. ومن هاك:
تمد الأيد وشفافك سويـــــّه!!
اضيفت بواسطة:الشاعر/ إسماعيل الراوي | البريد الالكتروني: esm63@yahoo.com
|
|
الى الاخ الدكتور مع خالص التحيه
عيوني من جفاكم صدك طفين
يلجفوفك لعد اعداي طفين
اذا انته اذكرت بالكون طفين
انا كل يوم طف يصير بيه
اضيفت بواسطة:ابو كوثر كربلاء | البريد الالكتروني: hamdkm@yahoo.com
|
|
سعـراي
جنابك مادرة بناري وسعراي
ولجلك رخصت سومي وسعري
عاشرلك عدو عاقل وسع راي
ولا جاهل صديق وبيه الاذيـة
لشـاعـر مبـدع بالابو ذيـة
لا يحضرني اسمـه
اضيفت بواسطة:حسـن الشمري | البريد الالكتروني: has_mar7@yahoo.com
|
|
حظوظ الناس حلوة ماله حظنه
ومثل حسنك يغالي مالحظنه
كون بيوم شخصك مال احضنه
قسم سنتين ماهده أمن أديه
اهداء الى كارمين
اضيفت بواسطة:وليد | البريد الالكتروني: irraqi_boy@yahoo.com
|
|
هواكم ملخ كبودي نخلها
وساهمك لاتظن مجفي نخلها
غلاتك تسوة بعقوبة ونخلها
وصلاح الدين والحلة سوية
اضيفت بواسطة:ضياء المحياوي | البريد الالكتروني: diaa_20080@yahoo.com
|
|
بحسابك بنات العقل طفين
جفيت وطوف همي زاد طفين
أما تعلم جرن بالكون طفين
طف بكربلة وطف صار بيـة
أجم حسرة أعلة شوفك حاسرتني
غبت وخيول هجرك حاسرتني
ألك عبرة شكبرهة حاسرتني
بكبر طركاعتي الطاحت علية
أبو ذيــتان لشاعر لقب بدكتور الابو ذيـة
وهو:: الشاعر رحيم الركابي من الناصريـة
اضيفت بواسطة:حسـن الشمري | البريد الالكتروني: has_mar7@yahoo.com
|
|
ترف يالزارع الشمام ويواي
و اله مشعل بلب حشاي ويواي
زركته من الخدود وصاح ويوي
ابيت اهلي وتمد ايدك عليه
اضيفت بواسطة:للشاعر البصري عبد الحسين الحلفي | البريد الالكتروني: لا يوجد
|
|
فرغ كّلبي المحبتك ماسكنته
ودكّلي شلون كَلبك ماسكنته
آضن مليون جني ماسك انته
لآن فد نوب مسودن عليـه
اضيفت بواسطة:بقلم حسنين البصراوي | البريد الالكتروني: matrixbasrah@yahoo.com
|
|
فقط كّلبي المحبتك مائل انا
وأبد محبوب غيرك ما آلي انا
ولون يعطش كّليبك ماء أله انا
وألك فدوة العمر انطي نطيــه
اضيفت بواسطة:بقلمي حسنين البصراوي | البريد الالكتروني: matrixbasrah@yahoo.com
|
|
أبوذياتي:
حروف اسمك وسط كَلبي نقشنه
وله اوصلنه النتيجه بكل نقشنه
اذا نقشك يناهي من نقشنه
عليّه تصير دنياتي زهيه
اضيفت بواسطة:الشاعر /فياض مخلف الطوفي | البريد الالكتروني: abdlovea@yahoo.com
|
|
فراكك حطم المهجة وسلها
وحبك صار الي غاية وسلها(وسيلة)
هاك عيوني يا حبي وسلها
اذا شافت النوم اعتب علية
بقلمي اهداء الى وقاص العبيدي
اضيفت بواسطة:احسان العبيدي_سد حديثة | البريد الالكتروني: kh_as75@yahoo.com
|
|
مايرنش
عجب خلخال ساكك مايرنش
جبح وعيون شخصك مايرنش
يرن منك مصايب .مايرنش
كرهتك لو ترد الراح اليه
........................
وراساج
كلبي شم عطر خدج وراساج
وعلى مرمى العشك حطج وراساج
احلف بالغزل واهله وراساج
معوفنج لمن تدنه المنيه
........................
لحسمنك
علي نظرتك باشر ..لحسمنك
ومثل يوم ابحياتي لحسمنك
لون مره تصحلي .. لحسمنك
سنه السكر يظل مرتفع بيه
........................
تشرشال
حجلها اعله الدرج بذني تشرشال
وبديها يلوك من تصعد تشرشال
نابليون اظن جدها وتشرشال
غزت كلبي بحربها العالميه
اضيفت بواسطة:عمار العراقي | البريد الالكتروني: am_ammad@yahoo.com
|
|
الوكت هيهات ما لحظة نصفنة
ونحيرة الشاف حالتنة نصفنة
نصف للغير ثروتنة ونصفنة
ضاع ابين كومة سرسرية
اضيفت بواسطة:ماهر الشمري | البريد الالكتروني: zzz_kkk10@yahoo.com
|
|
حبيبي انته ذهب صافي ومصفاك
دخلني فلتر همومك ومصفاك
اذا بوسة خذت منك ومص فاك
معفي وما تمر بيه المنيه
اجمل تحياتي
اضيفت بواسطة:ابو اماني الحجامي | البريد الالكتروني: لا يوجد
|
|
العمر يا صاح من هجرك تمرمر
بدليلي سهام احزاني تمر مر
انشدك هم كبل ضايك تمر مر
التمر مر بغيابك مر علية.
اضيفت بواسطة:حبيب القمر | البريد الالكتروني: moonlover_pc@yahoo.com
|
|
العشك نزفنة كلش وادمانة
وصفت ما تعرف اتحب وادمانة
العشك يكتل جمر ينزل يصيبك ذل تجيك اجروح تنسة الروح تضل تحتار وين اتروح..
انا الماريد حوا وادم انة
حتة انقذ الناس من الاذية.
اضيفت بواسطة:حبيب القمر | البريد الالكتروني: moonlover_pc@yahoo.com
|
|
أحب هنا أن أنوّه ان كل مااضيفه هنا من أبوذيات هي لي فأنا لا أكتب اطلاقاً شعراً منقولاً ,,, تحياتي ومودّتي ,, اسماعيل الراوي
عذولي ماوشيته وهَم وشاني
فعل فعلة نذل حاقد وشاني( مبغض )
يخايب يمته تتركني وشاني!
ولك حتى العدو اترحّم عليه
اضيفت بواسطة:الشاعر/اسماعيل الراوي | البريد الالكتروني: esm63@yahoo.com
|
|
جنت بيركَـ محبّه اوحب ولالي
ونَيم الشّوكَـ بحضاني ولالي
صُفيت ابوحشه لا صاحب ولا لي
حبيب يكَول تنمرله خطيّــه
***
حبيبي وَدّه بشواكَه ولا خص
وبعد عالعام ماشوفه ولا خاص
انااقره بكتب اشواكَكـ ولخّص
واريد افهم ومايطلع بديّـه
اضيفت بواسطة:الشاعر/اسماعيل الراوي | البريد الالكتروني: esm63@yahoo.com
|
|
حلو اطباعك بحبّك ولّعنّي
وتره عيونك يناهي ولّعنّي
انا المايوم همّي ولّه عنّي
تزيدلي المواجع والأذيّه!
***
يخلّي شبيك بالشّر متّهمني
اوسواليف الأراذل ماتهمني
اذا كَلبك فطير ومات هم ني
يظل بركان كَلبي وموش اليّه
***
مثل ثعبان شوكَكـ ورّماني
وهواكم هوَّ من هدني ورماني
اشعجب ترجع الحضني وره ماني
انتهيت وضيّعت عمري من اديّه!
اضيفت بواسطة:الشاعر/اسماعيل الراوي | البريد الالكتروني: esm63@yahoo.com
|
|
