اريداكعد على الحبلين حفشه
وذليل المامشى بثنين حفشه
جنت يهواي دليل الما يحفشه
وشنو الرباط بهالابوذيه
اضيفت بواسطة:حشاشه | البريد الالكتروني: لا يوجد
|
|
العشك يهديب عمري كلفاني
وحبنه بغير حبكم كلفاني
سهمك من رميته كلفاني
شك صدري وجزاني ورد عليه
اضيفت بواسطة:قاسم خلف الشطري | البريد الالكتروني: km_22006@yahoo.com
|
|
حبيبي معدنك ياقوت 00000يندار
ودليلي لا تضن للغير0000 يندار
ومن اشفافك لذيذ الخمر000يندار
وعيونك سحر بيهن جاذبيه
اضيفت بواسطة:دمعة شوق | البريد الالكتروني: لا يوجد
|
|
خزرة عيونك طير شاهين
عليك الروح والدلال شاهين
يالجمالك صعد فوك الهام شاهين
والك نبيلة عبيد تأخذ تحية
اضيفت بواسطة:دمعة شوق | البريد الالكتروني: لا يوجد
|
|
احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه..
اضيفت بواسطة:دمعة شوق | البريد الالكتروني: لا يوجد
|
|
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
اضيفت بواسطة:دمعة شوق | البريد الالكتروني: لا يوجد
|
|
قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية
اضيفت بواسطة:دمعة شوق | البريد الالكتروني: لا يوجد
|
|
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
اضيفت بواسطة:عمار العراقي | البريد الالكتروني: am_ammad@yahoo.com
|
|
اتركني يا ثجيل الجدم عديت
انا ابصبري صبر ايوب عديت
اذا انتة انجوم الليل عديت
انا انجوم الضهر طلعن علية
اضيفت بواسطة:بكر البصري | البريد الالكتروني: www.bacaer2002@yahoo.com
|
|
نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه
اضيفت بواسطة:عمر السلطان | البريد الالكتروني: s_h_19802000@yahoo.com
|
|
شكثر احسب انا الجيتك وعدلك
سهرت الليل انا متاني وعدلك
اريدن بيدي اعوجنك واعدلك
واعدلك لو متت مابين اديه
اضيفت بواسطة:قاسم خلف الشطري | البريد الالكتروني: km_22006@yahoo.com
|
|
نجن كلبي من شافك ودرباك
وحرت اشلون اعلمنك ودرباك
كضيته ازحوف شارعكم ودرباك
وزلغت الركب وعكوس اديه
اضيفت بواسطة:قاسم خلف الشطري | البريد الالكتروني: km_22006@yahoo.com
|
|
عيونك كحل يهواي لو شهد بيهن
حزن وفرح واحلام كلبي شهد بيهن
اوصاف بيك هواي شلزم شهد بيهن
اذا كلهن يوصلن للمنية
اضيفت بواسطة:بزونه حنونه | البريد الالكتروني: لا يوجد
|
|
يالعني مشيت بعيد وانه.
عزيز وخلصت بالكلب وانه.
صدگ بالله تنام الليل وانه.
حرام الچان غمض جفن ليه
اضيفت بواسطة:بزونه حنونه | البريد الالكتروني: لا يوجد
|
|
وحك الصاح ع الشيطان كلا
الك يروح فدوة العمر كلا
بغلاتك لو تطكني الف كلا
اكلك زيد كلاتك عليه
اضيفت بواسطة:بزونه حنونه | البريد الالكتروني: لا يوجد
|
|
دخيل عدالة وياي ونصـــــــــــــاف
عيونك كطعني ارباع ونصــــــــــــــاف
شوكت نلتم انه وياك ونصــــــــــــــاف
ويجينه العيد ونعيد سويـــــــــــــــــــــه
اضيفت بواسطة:بزونه حنونه | البريد الالكتروني: لا يوجد
|
|
السلام عليكم ورحمه الله وبركاته
اليوم جبتلكم قصيده بالابوذيه تسمى زنجيل ابوذيه للشاعر محمد رحيمه الطائي
خبرنـي اعله گلبــــك .. من جنابي
ويحبك غيــري آنــــه .. من جنابي
إذا تقصيــر حاصــــل .. من جنابي
أجيب الروح الك بثنين أديه
وسوي اشما تريـد وياي .. واحكام
وضيقلي الخناق ابعمـد .. واحكام
أجيب الحبس والمامـور .. واحكام
وصير القاضي وترئس عليه
وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعون
عصت موسى آنه ابين اديه
وأبطل بالعصـــى سحرك .. وكيداك
وآخـــذ حگي أنا بيدي .. وكيداك
جـــوه وتشلع ابگلبـي .. وكيداك
دجر ايدك ، شنو ماتحس بيه !؟؟
لو واهــــس خـــــذاك وردت .. گلبي
دخــــذه الصبر مـــــن ازمان .. گلبي
يدنيا السهم بيــــدچ صــــــار .. گلبي
ومثل شيبوب صيري انتي قويه
وحيل اترادفـي الطعنه .. وطعني
لأن طيري اللــي طيرته .. وطعني
گلبي الما أخذ شــــــــوري .. وطعني
هم امسايره واجب عليه ؟؟
لو أمشي ابهوى راســي .. وعقلاي
وأجازي ابرده الربيته .. وعقلاي
يروحي اشبيچ وچ هيدي .. وعقلاي
اشو سيفچ گبلهم هد عليه
ووصل بسيوف هجـره .. واصلتني
واصيح النار واصـرخ .. واصلتني
طحت وادري المنيــــه .. واصلتني
بس ابلا وعي مديت اديه
وصافحت التعلــــــم .. من هوانه
ذل وعاش ذلــــــــه .. من هوانه
انا امــدد ويســــأل .. منهو آنه
وگبل يومين چنه احنه سويه !!
تحياتي الكم
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
هوى حبكم شطر كلبي شطرتين
شطر زيتون والثاني شطرتين
هاي اصبحت مو شطره شطرتين
شطره بصره وشطره ناصريه
اضيفت بواسطة:قاسم خلف الشطري | البريد الالكتروني: km_22006@yahoo.com
|
|
÷÷÷÷ جواب للابوذي الي كتبته بنت ذي قار÷÷÷÷
جدمي ارد اخطفه لحد قصركم
لغم بتار موش بطبر قصركوم
وأذا واحد يذمكم لو قصركم
افخخ روحي واشوي ابو ابيه
اضيفت بواسطة:قاسم خلف الشطري | البريد الالكتروني: km_22006@yahoo.com
|
|
هذه مجموعه ابوذيات للشاعر صباااح الهلالي
گطره حيا انا وات گصه
يعرفني النشد عني واتگصه
احنا بجسم واحد واتگصه
جفك لا تظن كصيت اديـــه
..........
اختلفنا باولياء الله و ضعنا
و احنة الساس للدنيا وضعنا
و ربك ما نغير من وضعنا
شرط الا تحط ايدك بدية
............
بسواد العين يسمر منت رابي
شعجب گلبك تغير من ترى بيه
انا ماظن ترابك من ترابي
حظنتك والعسل جلب بديـــه
............
سلالتكم نسب يوسف نسبها
الدنيا بغير نظراتك نسبها ( نشتمها)
الوادم ميه بالميه نسبها
بس نسبه جمالك سبعميـــه
... تحيااااتي
عاااااشق الشعر الشعبي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
