أظل أكتب شعر للطيبين وأنشد
وأسأل على الصاحب دوم وأنشد
وأصير حزام وكت الضيج وأنشد
لكل عزيز وغالي عليه
اضيفت بواسطة:غزوان الجبوري | البريد الالكتروني: ghazwan_2006@yahoo.com
|
|
انا الصياد صادتني شبكتك
دخيل الله شكثر حلوة شبكتك
ادك عليك مشغولة شبكتك
كتلك بالجذب بس رمش عليه
اضيفت بواسطة:سرى الحديثي | البريد الالكتروني: لا يوجد
|
|
شهر سيف الهجر ضدي وسله
نساني وراح وي غيري وسله
عنب ماحصلت منه وسله
طلع ذيب وكتلني اربات ايدية
**** **** ****
يتمايل ياحلاتة.. مرة شفتة
مرة يعضلي اصبعة .. ومرة شفتة
عسل ياطعم شفتة .. منرشفتة
حظنتة وطاحن دموعة علية
**** **** ****
الهم غطالي الكلب ويروح
يعمري الخلص بس لجمات ويروح
ماظن ليل الاسود خلص ويروح
طويل اظلم مطر تاهت عليه
**** **** ****
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية
**** **** ****
سكر كاس الخمر من ضاك نفسك
اكو غيرك حلو بس ماكو نفسك
اريدك ياحبيبي تبوس نفسك
بس بداخلك تنويها الية
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
سعيدالمات من زغره ولا شاف
ولا جرب سوالفهم والشفاف
اني اشوف اوجوه تضحكلي والشفاف
اثاري كلوبهم سودة عليه
***** ***** *****
يكاس العمر ماظــلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه
***** ****** *****
حلو طبعك حبيبي من تعادي
احكمت كلبي قساوة وانتة عادي
تمنيتك حبيبي من تعادي
تعادي الناس اليوزونك علية
***** ***** *****
بعـــيد ولا جــنح عــندي وامرهم
وصرت خاضع لأمر الله وامرهم
البعد لابــد يــوم يخلص وامرهم
واعاتب كل محب ما ينشد علية
***** ***** *****
جرعت من الصبر كاسات مره
ولاسني ضحك للوكت مره
يالرايح للحبيب ارجوك مره
وخبره هوه بفرح واني باذيه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
تبنه من العشك واردود عدنه
وحسبنه سنين مره وتاه عدنه
هوايه بل السلف حلوات عدنه
ايلعبن علي جوده وكراتيه
يلوم المادره اب روحي شمرهه
ما غير الدهر عن ودكم شمرهه
ليالي فراكم والله علي شمرهه
ابجي من يمر طاريكم عليه
اضيفت بواسطة:عز الحبايب | البريد الالكتروني: ndsso@yahoo.com
|
|
ابد ما زلزلك حالي وهدك
عفاه شيحمل الكلفة وهدك
قصدي بس اصيدنّك وهدك
و أريد تصير حر وترد الية
***** ***** *****
افهمه بعشكي بالنظره و لا حس
و لا صوت الطلع منه و لا حس
قبل جنت حساس بس هسه و لا حس
من اشوفه ما يضل احساس بيه
***** ***** *****
الغدر هذا يا حلوه مو طبيعي
احبج والله حب مو طبيعي
من شفافج الحلوه موطه بيعي
عشر اكواب حاجز بس اليه
***** ***** *****
اريد ابتعد عن الشوك وخلاص
واشرد من غرام احلام واخلاص
بعد ما ظل وفه ايهل وكت واخلاص
وصفوا اهل العشك كلهم سويه
***** ***** *****
قلب صافي لوتدري قلبنة
ابد فد يوم عل الغالي قلبنة
احنة ضلوع الك وانت قلبنة
ونخاف على القلب من كل اذية
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
افكر بيك يا حبي ولا انام
ولا غمض جفن عيني ولا نـام
احب اكعد يمك ولا نــــام
بعيد وشوفتك حسرة عليــة
اضيفت بواسطة:فراشة عراقية | البريد الالكتروني: لا يوجد
|
|
مساء الخير هذه الابوذيات اهداء الى حبيبي(ح)
***
حبيبي جفاك للمعبود صبراي
حبيبي كمت أكل للروح صبراي
حبيبي من ذكرتك نفذ صبراي
حبيبي يصعب فراكك علية
***
حبيبي والله احبك .....
اضيفت بواسطة:فراشة عراقية | البريد الالكتروني: لا يوجد
|
|
تفرهد بالعشق جسمي وانتحل ...(صار نحيل)
جلابيب الحزن لابس وانتحل ...(انتحل شخصية الحزن)
صرت ورقة امتحانية وانت حل
ترك ماكو ترى نرسب سوية
اضيفت بواسطة:الصالحي | البريد الالكتروني: al9ali7i@hotmail.com
|
|
ترف شامة اعلى خدة بيرة بيهة
وجنتةالدمع حافر بيرة بيهة
ضكت طعم الشفايف بيرة بيهة
بستهن والسكر بين علية
**** **** ****
أنه الميت بطعناتك شعـــــدلاك
وحده اثنين شحسبلك شعـــــدلاك
عوج من جدمك لراسك شعـــــدلاك
عدلتك وانگطعت أبين أديه
**** **** ****
تهت ما تعرف الباعك والشراك
مثل طير الوكع بالفخ والشراك
دجوز من الكفر والشك والاشراك
وشوف الله بمحبتة اشلون نيه
**** **** ****
طمني عساك ابخير يالغالي وسلامه
واجمل تحيه الكلب يبعثلك وسلامه
نموت احنه وتعيش انت ابسلامه
ونظحي برواحنه الروك هديه
اضيفت بواسطة:باسر الفحام <<البصراوي >> | البريد الالكتروني: real_love296@yahoo.com
|
|
لجل حبچ سهر جفني ورج لچ(يبچي الچ)
وعساها ايدينچ انشلن ورجلچ
دعيت الله تموتي انتي ورجلچ
وابوچ يموت وي امچ سويــه
**** **** ****
عكب عينك عليًَ دنياي جدت
لعب وية غيري بس وياي جدت
وأنت تدري ايدي ابد ما يوم جدت
بهجرك راح أمد اثنين اديه
**** **** ****
قلب صافي لوتدري كلبنة
ابد ما يوم عل الغالي كلبنة
احنة ضلوع الك وانت كلبنة
ونخاف على الكلب من كل اذية
**** **** ****
ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه
**** **** ****
الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه
**** **** ****
يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
عفت روحي لمصايبهه لهاحال
نحيله ويخضع الشامت لها حال
تگول الناس كل محنه لها حال
خلصت روحي ومحنتي ذيچ هيه
اضيفت بواسطة:جريح بغداااااد | البريد الالكتروني: bagdad_harts@yahoo.com
|
|
اريد انصب عزة لنفسي وقيمة
لان ماضل لي قدر يمكم وقيمة
الناس مبربعة تمن وقيمة
وانه مركة الهوه حسرة علية...
اضيفت بواسطة:حسين العامري | البريد الالكتروني: lieutenant_iraq@yahoo.com
|
|
يا حاكم ليش حكمك ضلم وياي
شباب وما يلوك السجن وياي
اريد تنام ليلة بسجن وياي
تعوف الحكم والحاكمية
اضيفت بواسطة:سرى الحديثي | البريد الالكتروني: لا يوجد
|
|
حبيبي لاتشد راسك سلامات
مريض وجتني علومك سلامات
الناس اتعاركت طلعت سلاامات
وانا الحاجوز ست فشخات بية
اضيفت بواسطة:الضيف الغريب | البريد الالكتروني: diyahalami@yahoo.com لايوجد
|
|
شوف اشلون حالي من تسلني
وترى سيف صدك من تسلني
الدمع يغلب جوابي من تسلني
اضحك بالجذب غصبا عليه
اضيفت بواسطة:النورس الجريح | البريد الالكتروني: zaedon_2003@yaoo.com
|
|
غيابك فتت المهجة وسلها
وسهم هجرك مرد روحي وسلها
نجوم الليل حلفها وسلها
حرام النوم عكبك مر علية
اضيفت بواسطة:علي | البريد الالكتروني: alimathmatics_76@yahoo.com
|
|
شما تصعد تكول اشعار علمنصه
خل كلبك يقل نبضه علمه نصه
لأن حجيك حكم ودروس علم نصه
علاج تصير للعلته سريه
اضيفت بواسطة:Ashjaan | البريد الالكتروني: linaalshekh@yahoo.com
|
|
