الكمر ينتظر خدة يهل بي
جمال الكون كلة يهل بي
تمنيتة يصير امًي يهل بي
واعلمة قراية بشفافي وبدية
هذه الابوذية سمعتها من الشاعر الكبير
سيد سعيد الصافي
اهم ووصل عذولي واردمنة
وحالي حال خصرك واردة منة
خدك ردت احوشن وردة منة
بشفاف وسيف لحظك فتك بية
اضيفت بواسطة:حيدر الهلالي | البريد الالكتروني: اhilali_86@yahoo.com
|
|
هذه الابوذيه منقوله بعنوان رسالة عامة :
عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه جرت منكم عليه
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
اعيون الما تشوفك كون يعمن
شلش يوم الكال لعليوي يعمن
صحيح اعليوي كلش حلو يعمن
لاكن هو وشلش بيهم حميه
اضيفت بواسطة:قاسم الشطري | البريد الالكتروني: km_22006@yahoo.com
|
|
مايصدر بيك العفو سجنك ترى بكلبي
شرطي اني صرت والقاضي ترى كلبي
حكمك مؤبد صدر موصوجي ترى كلبي
احكمك اني اعدام لو يطلع بديه
اضيفت بواسطة:مريام | البريد الالكتروني: لا يوجد
|
|
بفراكك جمر ابجي ونيران
يالوجهك يشع رحمه ونيران
تمنيت العراق انتَ وانَ يران
وحدودك دوم فاتحن علية
***** ***** *****
حبك ما ينوصف لوعه ولاهم
جرحت جروحي وبفكدك ولاهم
ليش انتَ ماتذكرني ولا هم
هضم فركاك شي يصعب علية
اضيفت بواسطة:ولـيد العبادي | البريد الالكتروني: لا يوجد
|
|
|
اريد ابقى يمك ليل ونهار ومن حبك شربت شطوط وانهار اوكع كلي من اشوفك وانهار وارجع انبني من تلزم اديه
اضيفت بواسطة:بنت العراق | البريد الالكتروني: لا يوجد
|
|
جرح الشوك بعدك وله مني
وسبب لفراك منك وله مني
بغيابك نضر عيني وله مني
ووجد حاجتي بطراف اديه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
مو حب بلكلب هذا ورم شاك
وذوب بشوفت عيونك ورمشاك
اظل للموت بس امشي ورمشاك
لان روحي التحبك مو بيدية
***** *****
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه
***** *****
انا ترفعت عن غيرى منازل
والى ويه اهل الكرم صدك منازل
انا لدرب العشق كبلك منازل
بس حضك حلو جابك عليه
***** *****
حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسعمية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
احوكن خيط من شوكك وشيعة
وخبر حبك اذيعنه وشيعة
ابد ما نختلف سنة وشيعة
وعلى الارهاب فزعتنة سوية
اضيفت بواسطة:احمد الهاشمي | البريد الالكتروني: ahmed_mechanic_84@yahoo.com
|
|
العمر انت ربيعه وانت صيفه
وثلثين العمر ضايع وانتصافه
كلي شوكت نتراهم وانتصافه
ونعيش بلا زعل عيشه هنيه
***** *****
الدنيا ابد ما انطتني مفكه
وزماني سد عليه بابه مافكه
اني العتب ويه الغدر بيه ما افكه
واظل اعتب على اليعتب عليه
***** *****
يدنيا وياي كافي ظلم بس عاد
اريد اني اعيش بيوم باسعاد
حرام اني اكظي الليل بس عد
نجوم وشوفتك حسره عليه
***** *****
الزوج الى الزوجه
ترف بهواك مْن مثلي وله دوم
بثناياها الخلل بْين ولهدوم
امل الفرس لوكبرت ولهدوم
شصبرك برذعة النامت عليه
ردالزوجة لزوجها
جد بهواك لليهواك وعره
وعمن جة عشرتي وياك وعره
بعد ماني بشظاظ وعره
الكل منه انشحن وانكر خويه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
صبر بايم هيج ثكال يراد
وأكلفك خبر البدار يراد
موش آنه البوجه الباب يراد (يرد)
أنة الصبيت بيبانك بدية
***** *****
صباح الخير يمدلل من الشام
يحلو الطول والوجنات والشام
اذا ينكطع عني الشوف والشم
تضل الروح خضره بهل الوطيه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
خلافك بعداسمر من ونادم
ومتحسر على شوفك ونادم
عيون الناس مي تجري ونادم
بجت عيناي من فركاك اليه
اضيفت بواسطة:كرستينا | البريد الالكتروني: لا يوجد
|
|
رد على الاخت العراقيه.....
ذبل عودي ودليلي انصاب به داي
والك عمري هديته وضاع بهداي
لون رايد تطلع الـروح بهداي
انته اخر نفس تصعب عليه
***** ***** *****
صب دمعي على الوجنات ياهل
أوماتدرون بيا اشصـــار ياهل
صرت عصفور جني وبيـد ياهل
أهـو يـلعب وانـا اشــنون بيه
***** ***** *****
أنا ماحسبت لن شــوقك وبالي
وعودي ذبل بفــــــراكك وبالي
أكوم أنا أويا الربع واكعد وبالي
بويا يمك ولشـــــواق أدور بيه
***** ***** *****
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه
اضيفت بواسطة:ياسر الفحام << البصراوي>> | البريد الالكتروني: real_love296@yahoo.com
|
|
هذه الابوذيه عن الموبايل وهيه منقوووله
شبكتك ...
أنا الصياد صادتني شبكتك.
حالم بيك جن بستك شبكتك
أدك عليك ! مشغولة شبكتك
أظن مغلق جهازك بس عليه!!!
تحياااااااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
هذه الابوذيه منقوووله
منعلمنه ..
تعلمنه ونشدنه من علمنه
وصفينه حجار ونشد من علمنه
نشيل الله واكبر من علمنه
ونحط الله كريم وهاي هيه
تحياااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
اسئلك عن خبر واحد وشاني
صدك ناسي وهملت امري وشأني
ومترهي وسفن تشرب وشاني
واني الماي مر طعمة علية
اضيفت بواسطة:ماهر الشمري | البريد الالكتروني: kkk12_1982@yahoo.com
|
|
عنك انشغل هيهات والهه
وروحي الشوفتك يعزيز ولهه
الها اعظم اثر بالروح والهه
مهابة وشوفتك عندي هدية
اضيفت بواسطة:ماهر الشمري | البريد الالكتروني: kkk12_1982@yahoo.com
|
|
يلطبعك ورد منحيط وصفة
انقة من العسل ياناس واصفة
لجروح الكلب والروح وصفة
وعزيز وطيب وغالي علية
اضيفت بواسطة:ماهر الشمري | البريد الالكتروني: kkk12_1982@yahoo.com
|
|
الشاعر امير جاسم الحلي
اشو كلبك تغير وك علينا
ترة الله العالي لا تعلى علينا
وحك عباس وحسين وعلينا
نهدك لو صرت بعلوا الثرية
اضيفت بواسطة:امير جاسم الحلي | البريد الالكتروني: ameerjasim@yahoo.com
|
|
رد على الاخ ياسر الفحام...
على ثوب الونين شكثر .. حالي
شباب وهل شبت من دون .. حالي
انشدج على احوالج مثل .. حالي
ضايع والهموم تشيل بية
الرد..
إهمومك هواي ما خلن عليّّ حال
فريضة وحبك من الله علي حال
يالتنشد على حالي علي حال؟؟
شيفيد النشد عالصار بية
اضيفت بواسطة:عراقية وافتخر إني عراقية | البريد الالكتروني: لا يوجد
|
|
