صباح الخير كت للبدر ومساك
كال اهلاً وفاح الطيب وامساك
رشفت فمه وصمت رمضان ومساك
وفوك الفم جست خدة بديه
اهداء الى جميع المشاركين و حبيبتي نورا الربيعي
اضيفت بواسطة:عدي القريشي | البريد الالكتروني: udy20072@yahoo.com
|
|
اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
**** **** ****
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
للشاعر فايق الكاطع حسن..
دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه
**** **** ****
حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه
اضيفت بواسطة:ياسر الفحام<< البصراوي>> | البريد الالكتروني: real_love296@yahoo.com
|
|
سواطير النوايب ثارمني
ويريد الوكت ياخذ ثارمني
حبيبي الصوج كله ثارمني
بريء انت واذب الصوج بية
اضيفت بواسطة:Heart Hanoun | البريد الالكتروني: sofmen_88@yahoo.com
|
|
هذه الابوذية سمعتهت من عطا السعيدي..
دردن ياسنين صباي دردان
ويساجي الكاس دير الكاس دردان
حرف سين اصبحت بحلوك دردان
وتخيل باللفظ شيصير بية
**** **** ****
وهذه للشاعر محمد الغريب..
يلمسوبط يمن تسحر عناباك
كلبي ماعنة بغيرك عناباك
رواية تكول عن جدك عنااباك
حور العين تاخذلك تحية
اضيفت بواسطة:حيدر الهلالي | البريد الالكتروني: hilali_86@yahoo.com
|
|
انخاك
أريد ارجع على العشرى و انخاك
لان دم الوصل واحد و انا اخاك
ادري الوكت هد حيلك ونخاك
لاكن تدري وكتي شسوه بيه
اضيفت بواسطة:darOoOo | البريد الالكتروني: darmeaat@yahoo.com
|
|
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
سلطه وجاه الك يمي ولك مال
وگلبي ماعشگ غيرك ولك مال
ألله يساعد الراسب والاكمال
والناجح ألف رحمه على ابيه .
اضيفت بواسطة:أنور آلقيس | البريد الالكتروني: لا يوجد
|
|
الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
جميل وصورك ربك من العين
واخاف عليك كل خوفي من العين
وحياتك لو غبت عني من العن
اهلك والومن واهلي سويه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
اجيلك عمـر يسـمر ماتجيلي
وثياب الحزن ضاكت ماتجيلي
كضت كل الرفاكه ومات جيلي
وبقيت انت وتشح وصلك عليه...
اضيفت بواسطة:علي الطعان ابو طيبه/البصرة | البريد الالكتروني: ali_risan@yahoo.com
|
|
رد على الاخ الفحام..
تصدك لانة من وشرك وصنفاك
وتأدب عاد وي غيري وصنفاك
آنة الصعدك باية وصنفاك
شلون تبيع مالاتي علية
اضيفت بواسطة:حيدر الهلالي | البريد الالكتروني: لا يوجد
|
|
وحق طه ونبي عيسى وصالح
بغرامك اني مخلص وصالح
لشوكت تظل تتزعل وصالح
شمحلاته العشك لو نفرح سويه.
اضيفت بواسطة:دانا البرزنجي | البريد الالكتروني: لا يوجد
|
|
حبيبي المانشد عني ولا سال
ودمعي لما جرى لغيره ولا سال
اخبرك لا مرض بية ولا سل
سوى هجرك يخايب عم علية
اضيفت بواسطة:احمد ال محمدي | البريد الالكتروني: لا يوجد
|
|
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب اليه
اضيفت بواسطة:بنت النجف | البريد الالكتروني: abr2005a@hotmail.com
|
|
تمايل شوگي مو مطرب ترابه
رفيف و يِحِن لبلادة وترابة
لأَن حبي ابحضِن دجلة ترّبّة
وعلى انغام الوَتَر وَّن ابخفّـِية
اضيفت بواسطة:كرملا | البريد الالكتروني: لا يوجد
|
|
تگدر لاني من وشرك وصنفاك
وتادب من تمازحني وصنفاك
العتب عالصعدك باية وصنفاك
اشلون اتبيع مالاتي علية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
ياصاح مرمر كليبي..بًعدكم
وسمج للحوت صرنا..بعدكم
متى تعودون يحبابي..بعد؟ كم
اتاني وصرت للشامت خطيه
اضيفت بواسطة:ياسر الفحام<< البصراوي>> | البريد الالكتروني: real_love296@yahoo.com
|
|
مثل عباس مايحصل وجوده
ساكي الخيم بجفوفه وجوده
ركيزة بالحرب ساعة وجوده
تصيح الغوث منه الغاضرية
اضيفت بواسطة:حيدر الشمري | البريد الالكتروني: www.haideralshimmary.@yahoo.com
|
|
اكوم اجلالا لحسنك وقفلك
وسجل كلبي ياخلي وقفلك
واحطك بي وقفلنه وقفلك
وطب بصدري وقفلكم عليه
للشاعر المبدع نائل المظفر..
اضيفت بواسطة:علي الطعان/ابوطيبه | البريد الالكتروني: ali_risan@yahoo.com
|
|
