اخوي بعسر حالك شاعر اني
وعراق بيوم حشم.. شعراني .. شاعر اني
يهل تنشد عليه شاعر اني
ابـــــ فياض ـــن اصلي الناصريه
جدمك بيدي ارد امسح ترابيه
واذا كفيت اخذ شوفي ترابيه
لاتسئل شبي كلبي ترى بيه
انت وانت وانت وهاي هيه
اسف بغداد من عالي هويتي
حره شلون للغاصب هويتي
على سوارج غرب شكو هويتي
شلت طينج صفه بجيبي هويه
طرت عالي يريتك ناصي ريتك
وانه البيام ضيجك ناصريتك
وحشه اضن بعدك ناصريتك
ولاجنهه هذيج الناصريه
ارجو من الاخوان المشرفين والمتسابقين والزوار ان يقبلوني صديق لهم ... اخوكم الشاعر رعد الفياض من اهالي الناصريه
اضيفت بواسطة:الشاعر رعد الفياض/ الناصريه | البريد الالكتروني: raad_love90@yahoo.com
|
|
علت والعاليات وياي..نصن
اريد اخبرك جرى وياي..نصن
صار الكلب عليـــك...نصين
نص ألك ونص اليـــــه
***** *****
وحگ من نزل الكوثر والايات
راحت روحي بخلافك ولا يات
فاضت دول بدموعي ولايات
وافيض كون اذا ما تمر عليه
***** *****
وحك سورة تبارك والتلاهه
الك نار بدليلي واتلاهه
يبد الذات تلعب واتلاهه
عفتني وما دريت شصار بيه
***** *****
ساعه سمسم هواكم ساعه فلفل
وساعه اشد بحبل وصلك وساعه افل فل
وساعه اركض من ذكر اسمك وافل فل
وساعه رد زحوف بثنين اديه
اضيفت بواسطة:ياسر الفحام <<البصراوي >> | البريد الالكتروني: real_love296@yahoo.com
|
|
اذا كلبك علي صرح صراحة
مقيد كلبة مايطلق صراحة
اتريد الصدك واحجيلك صراحة
ترى اهواي كمت اتعيل بية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه
اضيفت بواسطة:ياسر الفحام<< البصراوي>> | البريد الالكتروني: real_love296@yahoo.com
|
|
|
جمالك عذب المخلوق صفين ومن هجرك دموع العين صفين علينة من تمر انصير صفين صف ينحني وصف ياخذلك تحية
اضيفت بواسطة:سركون زومايا | البريد الالكتروني: لا يوجد
|
|
اجابتي على مصطفى
عذولي من البواجي جار مني
عليك الدمع من دم جار مني
اريدك كون تصبح جار مني
واضل مكابلك صبح ومسية
اضيفت بواسطة:فادي | البريد الالكتروني: fady@yahoo.com
|
|
ادك عليك ايكول الطلب جاري
وعليك الدمع فوك الوجن جاري
ريتك يلعزيز تصير جاري
وشوفك كل صباح ومسيه
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
ولك گلي تلين شوكـــــت وتحن
وانا الوصلك أدور الفرص واتحن
ولك أنت تخضب چفـــــوف وتحن
وانا بدمعي أحني چفوف اديـه
***** *****
يمن هجــــرك بلب احشاي وسم
يخايب ليش بيـــه تبيع وتسم
اخير الروح بين الخنك والسم
السم والخنك رادتهن ســـويه
***** *****
فاتحتمن بعسر غير المصايب فتحتمن
وسهم غدرك ابكلبي فــــات حتمن
اكتلتني وجاي تسئل فـــــاتحتمن
ولاجنك رحت جناز بــــــــــيه
اضيفت بواسطة:ياسر الفحام <<البصراوي>> | البريد الالكتروني: real_lovr296@yahoo.com
|
|
بيك الطيب والزينات وفرات
يمن مايك عذب يازين وفرات
دجلتك وانته خويه صرت وفرات
وبكرمه علي نصبح سويه
***** *****
أودك من جنت يشكر من الليل
بجمالك مأأظن يوصف من الليل
وحكك مانمت ساعــه من الليل
لأجلك ونفرض حبـــك عليــه
اضيفت بواسطة:ياسر الفحام<< البصراوي>> | البريد الالكتروني: real_love296@yahoo.com
|
|
سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية
***** *****
يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية
***** *****
ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه
***** *****
سألت عالطير انت لو شجرتك؟
سلالة وفه وناصح من شجرتك
مدحتك يم هلي وناسي وشجرتك (شكرتك)
لون ترسل رساله ترد عليه
اضيفت بواسطة:ياسر الفحام <<البصراوي>> | البريد الالكتروني: real_lovr296@yahoo.com
|
|
تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية
***** *****
بجت روحي بتوالي الليل ونعت
وتذكرت الزمان الفات ونعت
جنت مهيوب هسة اندفع ونعت
تمنيت الموت ولايصير الصار بية
***** *****
بسك يقلبي وجوز منهم
حبيت بوفه والعيب منهم
غيظ شكد احملت ومنهم
تظل انت الاصل وهم الوطية
***** *****
وحك القاب والقوسين ودنه
الغيرك مايلف ويدور ودنه
اكربلك ردت بخطاي ودنه
لاجن تبتعد عني بردية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
سرح شعرك تهدل صوبي وأنساب
وطفح دمعي على الوجنات وأنساب
أسألك ياهو گلي وياك وأنسب
وتجازي افعالي الطيبة بردية
***** *****
اسكي ضماي من شفاك وردة
يل خدك جميل اتكول وردة
ردية احوالي يبن الناس وردة
اذا بالبوسة هم تبخل علية
***** *****
بسك يا فرح وشوكت شفتك
تطوخت بغرامك حين شفتك
مريض انة ودواي بطرف.شفتك
تصل لشفاي واشفة من المنية
***** *****
مر مره حبيبي ومره دانه
اخذ يسحك بكلبي ومردانه
غديت اخلع قميصي من ردانه
لأن بس العظم والجلد بيه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
الكمر ينتظر خدة يهل بي
جمال الكون كلة يهل بي
تمنيتة يصير امًي يهل بي
واعلمة قراية بشفافي وبدية
هذه الابوذية سمعتها من الشاعر الكبير
سيد سعيد الصافي
اهم ووصل عذولي واردمنة
وحالي حال خصرك واردة منة
خدك ردت احوشن وردة منة
بشفاف وسيف لحظك فتك بية
اضيفت بواسطة:حيدر الهلالي | البريد الالكتروني: اhilali_86@yahoo.com
|
|
هذه الابوذيه منقوله بعنوان رسالة عامة :
عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه جرت منكم عليه
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
اعيون الما تشوفك كون يعمن
شلش يوم الكال لعليوي يعمن
صحيح اعليوي كلش حلو يعمن
لاكن هو وشلش بيهم حميه
اضيفت بواسطة:قاسم الشطري | البريد الالكتروني: km_22006@yahoo.com
|
|
مايصدر بيك العفو سجنك ترى بكلبي
شرطي اني صرت والقاضي ترى كلبي
حكمك مؤبد صدر موصوجي ترى كلبي
احكمك اني اعدام لو يطلع بديه
اضيفت بواسطة:مريام | البريد الالكتروني: لا يوجد
|
|
بفراكك جمر ابجي ونيران
يالوجهك يشع رحمه ونيران
تمنيت العراق انتَ وانَ يران
وحدودك دوم فاتحن علية
***** ***** *****
حبك ما ينوصف لوعه ولاهم
جرحت جروحي وبفكدك ولاهم
ليش انتَ ماتذكرني ولا هم
هضم فركاك شي يصعب علية
اضيفت بواسطة:ولـيد العبادي | البريد الالكتروني: لا يوجد
|
|
|
اريد ابقى يمك ليل ونهار ومن حبك شربت شطوط وانهار اوكع كلي من اشوفك وانهار وارجع انبني من تلزم اديه
اضيفت بواسطة:بنت العراق | البريد الالكتروني: لا يوجد
|
|
جرح الشوك بعدك وله مني
وسبب لفراك منك وله مني
بغيابك نضر عيني وله مني
ووجد حاجتي بطراف اديه
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
مو حب بلكلب هذا ورم شاك
وذوب بشوفت عيونك ورمشاك
اظل للموت بس امشي ورمشاك
لان روحي التحبك مو بيدية
***** *****
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه
***** *****
انا ترفعت عن غيرى منازل
والى ويه اهل الكرم صدك منازل
انا لدرب العشق كبلك منازل
بس حضك حلو جابك عليه
***** *****
حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسعمية
اضيفت بواسطة:ياسر الفحام <<البصراوي>> | البريد الالكتروني: real_love296@yahoo.com
|
|
