هذه ابوذيه وردت من صديق متذوق وهو ناقل لها
منو مثلي بضحى العالي يره نيوم
عليك ولا جرس منك يرن يوم
حبك خصب ابكلبي يورانيوم
ومفاعل صدت عيونك عليه
**************
وقد استنجدنا بالشاعر منهل هادي ابو بيادر من عفك فعقب قائلا
من اطش حبك على العالم وذره
يكفي ويجوي الشامت وذره
المفاعل عوزه المخصب وذره
تريد وشح يورانيومك عليه
اضيفت بواسطة:خالد البوناشي | البريد الالكتروني: kjam62@yahoo.com
|
|
عميت ومتت بفراكك وانا حب
تكلي ما احبنك وانا حب
طلبت الماي من غيري وانا حب
اموت واظل عطشان حبك للمنية
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
ابوذيات عن الفراك
بس الله لا يجيب الفراق انشاء الله
>>>><<<<
يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه
>>>><<<<
زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية
>>>><<<<
روى الزيتون من دمعي والراك
ولغيرك ما نحل جسمي ولا راك
اخاف اتطول غيبتنا ولا اراك
الوصل شيفيد من تدنى المنية
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
خلاني زماني بطرق خلقاي
نوب يفتره ونوب يضيج خلقاي
لخاطر حاجتي فظيت خلقاي
ورتجيت اعلى الرمح غصبن
عليه
*^*^*^*^*^*^*^*^*
بنيت اول جسر ياصاح وانهار^
ما افكر بعد بالراح وانهار
عبرت جسور يابو جسور وانهار
اوصل للنهاية انكلب بية
*^*^*^*^*^*^*^*^*
اضيفت بواسطة:Ashjaan | البريد الالكتروني: linaalshekh@yahoo.com
|
|
المرض كانون بضلوعي د وا لي
استفحل مابعد ينفع دوالي
ضغط سكر ربو قرحه دوالي
كله وناسور وعصابي رخيه
***************
علهم ولمصايب حالفاني
ولا فد يوم حظي حالفاني
تگلي اشلونه حالك حالي فاني
مثل حال الفنه ابصحراء ليه
*****************
بدايه وياك بالزينه وطيبه
وبيدك تشد جرح القلب وطيبه
ياهو الدخل بقليبك وطبه
وياهو الترك بيك ونه شجيه
اضيفت بواسطة:ashjaan | البريد الالكتروني: linaalshekh@yahoo.com
|
|
دورة...
حبك سرة بكل اعظاي دورة...
عزيز والك بالشريان دورة...
اذا شكيت هاك الكلب دورة...
اذا غيرك لكيت اعتب علية
اضيفت بواسطة:ابو جوانـــــــــــه(الفرطوسي) | البريد الالكتروني: wsam_firary@yahoo.com
|
|
سهام هوای طگنی ولاحن
ولامرة انکسر گلبچ ولاحن
آغنی لجلچ وارگص ولاحن
لان حب وحنان یصیر بِية
**************
الولف عظني بنيابة مايتاني
وبعدة شلون حالي ميت انة
أضل أسنين لجلة مية أتاني
بس عينة ردت تنصد علية
اضيفت بواسطة:الحسن عبد العزيزالموسوي | البريد الالكتروني: alhassan12371@yahoo.com
|
|
(اهداء الى ملهمتي وملاك قلبي شمس )
صرت دم المشه بداخل وريدك ومثل متريد
مشيني وريدك
فراكك حيل مرمرني وريدك
على اجروحي تدوس بلا خطيه
اضيفت بواسطة:الليث الابيض | البريد الالكتروني: laith_albasri@yahoo.com
|
|
البخل ماوصل يمي ... مالحاني
وتضل وحدة كلمتي ... مألح أني
أبن العراق اني ... مالح اني
معزب دوم يالتنشد عليه
ممكن تقبلوني صديق لكم
حبي واحترامي للجميع
اضيفت بواسطة:محمد البصراوي | البريد الالكتروني: mohamad_basem@yahoo.com
|
|
بعدنة كلمن يحب و يلينة
و قساوة بكلبك و جور وية لينة
مثل عدنان صرت انه و ية لينة
يحبهة و مستوي و ما تدري هيه
اضيفت بواسطة:مصطفى الانباري | البريد الالكتروني: al_anbari_sniper@yahoo.com
|
|
خدودك يا ترف من وردة حمرة
و شفايف كالعسل من غير حمرة
بس وياي تنطي العين حمرة
و ارق من النسيم وية البقية
اضيفت بواسطة:مصطفى الانباري | البريد الالكتروني: al_anbari_sniper@yahoo.com
|
|
حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضكت حلوتها ومرها
بويا طلع مــــرها أمر امن المنيه
**************
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
كمت صليت من غــصبن عليه
****************
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
*************
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
***************
المصايب بس على روحي تلافت
يكلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
**************
أتلعثم من أشوفــــــــن وسطك أنا
أومنهوالوشوش بذانك واسطك أنا
تكلي ويــنك أنتــــــــه وسطك أنا
تــدور بــالنـبـض تـعـــــثر عليه
************
أشلون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه
**************
أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه
***************
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكني بالشفا كبــــــــل المنيه
**************
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهه ودلاها عليه
اضيفت بواسطة:ياسر (*_*) الفحام <<البصراوي>> | البريد الالكتروني: real_love296@yahoo.com
|
|
أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
***************
يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحن وتهيج الساكن عليه
*************
ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه
****************
من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه
************
حبيبي أومهجتي أودنياي ونته
ترى المالوم صعب اهواي ونته
يصاحب تاه مني الكلب ونته
بس لو صادفك تلكاه إليه
************
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
**************
ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه
***************
غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
بودادك آخ للدلال فخار
جدب كلمن عليه الجد فخار
اختلاج الناس من صلصال فخار
وحبيبي اختلق بالقدره العليه
>>>>>>>
أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه
>>>>>>>>
عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه
>>>>>>>
روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
اضيفت بواسطة:ياسر (*_*) الفحام البصراوي | البريد الالكتروني: real_love296@yahoo.com
|
|
اله يومين محبوبي ميانه
لون يعطش اصيرله مي انا
اهي جلمة وحجيناهه بميانة
شو زعل وحمرن خدوده عليه
***************
وحك الي انكطع بالطف ((وريدة))
احبه وبي الي رغبة واريدة
لعوفنهه واخليهه ورة ايده
بلكي بهل زمان يحن عليه
****************
لون يصدك حبيب الروح جاياك
وهدر من لهيب الكلب جايك
جنت شيش بهواك وصرت جا يك
بعد ياهو اليجي ويسأل عليه
****************
سال دمعي ملا هيزة سنة سال
وسنة مجنون خلاني وسنة سل
وسنة بحبال ربطني وسناسل
وسنة هدني وكعد يضحك علية
***************
اريد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يعاتب كل خوي يخون بخوية
اضيفت بواسطة:علي حسين الحمداني | البريد الالكتروني: HEERO_555@YAHOO.com
|
|
هذه مجموعة من البوذيات المختلفة
ارجو ان تنال رضاكم
____________
احبابي شلون حالتكم بعدنة؟
شبدينة والوكت عنكم بعدنة؟
اذا انتو نسيتوا،احنةبعدنة!
بذكركم كل صباح وكل مسية.
************
دليلي من يون معذور شي به
ومثل حالي تكلي الناس شبيه؟
اذا توك يا احمد شفت شيبه!
انا مكمط وكون شيبات بية
************
شما داور جبلتي تندار يدهه
حزينة وحكت علراس يدهه
احبهه وابوهه بظهر يده
وهي تحبني وابوي بظهر ابيه
************
الف نعلة على ابوج وروح يداج
وعساهه بشلل كون تصير يداج
وج يوكحه شوكت انه صرت يداج
امس واهلي شترو كاروك اليه
اضيفت بواسطة:علي حسين الحمداني | البريد الالكتروني: HEERO_555@YAHOO.com
|
|
وحك التين والزيتون والمن
اجروحي الطابن امن اسنين ولمن
السدر والجفن والكافور والمن
كَبل طرت الفجر يسرون بيه
**********************
نحل جسمي وزاد اليوم مرضاي
على اللي ما شفت له شخص مرضاي
لو بات الترف بحشاي مرضاي
اكَله اكَرب يهل مبعد عليه
***********************
أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية
**********************
يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه
***********************
الزمان وي الجواد بسكَم كَصرن
ويبني بيوت للأنذال كَصرن
الكَصير يطول وال بي طول كَصرن
الصكَر يطلب من البومة هديه !
***********************
أنه بدنياي عيبن شفت راحات
أو علي مرت ليالي العسر راحات
أجيبن هاي كَالوا ذيج راحات
أخافن بالقيامة ذيج هيه !!
**********************
نحل جسمي وتظل روحي تعالي
هبطنه والنذل بينه تعالي
يجارة الدهر ما انصف تعالي
نخلط همومنا ونجسم سوية
*********************
وحكَـ المرتضى إيمامك وإما ماي
عبيط الدمع لفراكَك وما ماي
هوه الناكَه لفة خلفي وما ماي
الهوة مدري لوين ايريد بيه
***********************
آنه انشر للهوه وما طلع حباي
ومن ضعفي غديت انحيل حباي
لون غير الحمام ايصيب حباي
عتبت ولا عتاب اعله المنيه
وبيض اسيوفكم امست صديه
اضيفت بواسطة:Ashjaan | البريد الالكتروني: linaalshekh@yahoo.com
|
|
