وكتي ما شايف نظيرة وكتي شافه
وكليبي الخلص ينزف وك تشافه
جذب نيوتن هو واكتشافه
انه بحظنة اكتشفت الجاذبية
اضيفت بواسطة:حبيب محترف | البريد الالكتروني: a7la_iraqy@yahoo.com
|
|
عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدر طاؤوس من تكبل عليه
اضيفت بواسطة:مؤيد الدمـــــ اسير ـــــوع | البريد الالكتروني: aseer_aldmoo31@yahoo.com
|
|
يـــلايم لا تــــلوم الگــــلب دمعــين
جــــرح البــــيه مــــا يندمل دمعين
فــــايض بـــالجفن هـــاليوم دمعين
عـــلى مــصاب النبي وظلع الزچيه
$$$$$$
مـــــثل الـــــدوح للـــــونه نبـــيها
تــــــناوبنه ابحـــــزن واحـنه نبيها
اشـــــلون امــــه الـذي خانت نبيها
ونقـــــضت بـــــيعته وأمر الوصيه
$$$$$$$$$$$
اضيفت بواسطة:ابراهيم الاعظمـــــــــــــــي | البريد الالكتروني: ibrahemksm@yahoo.com
|
|
حسبتك الي ياخلي نداماي
يبير الما ابد منك ندا ماي
بعد شيفيد من تالي نداماي
مضه صواب التجافي وعمل بيه
اضيفت بواسطة:امير الحب المندلاوي | البريد الالكتروني: iraqeanairaqeana@yahoo.com
|
|
ريحه اتفوح من جسمك وردماي
واحملك كسرة اضلوعي وردماي
ابشرك كلبي كام ايظخ وردماي
اسمك بالوريد اشعمل بيه
اضيفت بواسطة:وظاح العميري | البريد الالكتروني: abunoor1999@ yahoo.com
|
|
كياني من القهر مختض وماجوج
ودليلي مسجر بنارك وماجوج
طحت مابين يا جوجك وماجوج
وشلع ما تنفع وياهم خطيه
اضيفت بواسطة:نصير عبد الرزاق | البريد الالكتروني: almqdaid@yahoo.com
|
|
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
اضيفت بواسطة:محمد روتانا | البريد الالكتروني: rotana86m@yahoo.com
|
|
مزيقة حزن خلخالك منيداي
ومنسولك لوه جيدك منيداي
الك نيه تحل حبلك من ايداي
يسير الله ويسيرك روف بيه
اضيفت بواسطة:غالب الياسري | البريد الالكتروني: ghabwo_ghabwo@yahoo.com
|
|
اريــد اعزف واغنيلك .. عتابه
وعليك الگلب ما بطل .. عتابه
احن لدارك ما انسه .. اعتابه
وتضل ذكـراك دوم تعم عليـــه
اضيفت بواسطة:خالد الهيتي | البريد الالكتروني: myhlwa@yahoo.com
|
|
هذه ابوذية منقولة ..
اظن ونّي تِرَس سمعـــك .. وكفّاك
من اگلك مدلي ذرعانك .. وكفّاك
گتلك ليّـه فـك كفك .. وكف فاك
تفك فاك وتكف كفك عليّــه ؟؟!!
اضيفت بواسطة:خالد الهيتي | البريد الالكتروني: myhlwa@yahoo.com
|
|
ذبح تفخيخ ياوادم خلصنه
بسبب للدين واليمّه خلصنه
يصاحب بالفرج عجل خلصنه
طغيان وظلم عم البريه
اضيفت بواسطة:امير المالكي | البريد الالكتروني: amooory_love@yahoo.com
|
|
الك هل دمع عيني والك صب
والك ساس بوسط روحي والك صب
سهم حبك دخل كلبي والك صاب
دليلي وصار طشاره بديه
هذة مشاركه من ساره انا ارد عليها اقول
نهر دجله مشه بمايه ولك صب
وسهم عينك دخل كلبي ولك صاب
لون بغداد يضل بيها ولك صب
تفزع بصوت ابن الناصريه
اضيفت بواسطة:محمد الناصري | البريد الالكتروني: m_m43220@yahoo.com
|
|
جمالك مو طبيعي حيرتني
بضوة عينك علية حيرتني (حجرتني)
كون أنكلب يمك حية ريتني
عليك ألتف لما تختنك بية
لنجم نجوم الشعر 2
الشاعر المتالق ايهاب المالكي
اضيفت بواسطة:حسن الشمري | البريد الالكتروني: has_mar7@yahoo.com
|
|
شكلك ماترك ذنهي ورسمك
وأسم ماألهج بحلكي ورا اسمك
يامن غاب
عندي عتاب
جم جذاب
مر علباب
كلت اسباب
واحنة احباب
وشتاك وعليك اكتب ورسمك
حبيبي الماغدر فديوم بية
هذه الابوذية تسمى المشطر
لنجم الثالث على برنامج نجوم الشعر 2
الشاعر حسام السبعاوي
اضيفت بواسطة:حسن الشمري | البريد الالكتروني: has_mar7@yahoo.com
|
|
حركتي ألثوب بلاهات وعباي
وحملت هموم جما وضيم وعباي
وضن جلب الكهب من صحت وعباي
نبح وأهل الكهف فزعو علية
هذا الابوذية كتباها الشاعر مودر الحلفي بعد أن تحرشت به أمراة عندما سمعت انه شاعر وهي كانت تحب الشعر
اضيفت بواسطة:حسن الشمري | البريد الالكتروني: has_mar7@yahoo.com
|
|
عله درب العدل نهجك ودانه
يلمثبت نهج جدك ودانه
نود شخصك يمنشخصك ودانه
ونقدم ارواحنه الشخصك هديه
غيرك مايصح للروح مرهم
تحير امريكا لو طاريك مرهم
وماينفع درعهم لا همرهم
اثنين اثنين نطبكهم سويه
اضيفت بواسطة:بنت النجف | البريد الالكتروني: abr2005a@hotmail.com
|
|
يصح عدنة الصحيح ويصح ماصاح @@
يصاحب لاتصيح الصاح ماصاح @@@
يصح صاحب صحيح ويصح ماصاح @@@
ويصح للبين مايسوة هدية @@@@
اضيفت بواسطة:ابن ميسان | البريد الالكتروني: m_ali898@yahoo.com
|
|
في مدح أمير المؤمنين علي بن أبي طالب (عليه السلام)
نفوس اهل الضغاين من فتاها
وفــتوات الملاحـــم مــن فتاها
أنـــشـــدك عن الامه من فتاها
ويـــا هــو الرفع رايتها العليه
في مصاب الطاهرة فاطمة الزهراء (عليها السلام)
مضـــرار الـــدهر للــزهره ولاهي
وگـلــبــها حگـه لو يــجزع ولاهي
لا هي الحــظت بالـــهادي ولا هي
تخلصت مــــن افـــعال الجــــاهليه
في مصاب الإمام الحسن بن علي (عليه السلام)
فـــرح ما شفت طول العـــمــر بسـهام
ومســـيل الدمع ظل يــسيل بـــســـهام
الحســـن نعشه وسافه انرمــه بسهام
ومنعــــوا دفــــنه يــــم ســيـــد البريه
في مصاب الامام الحسين بن علي (عليه السلام)
العـــلـه عــاف العله شانه ورحلك
وزمانك ما صـــفــه ساعه ورحلك
تــگـــطَّع جســـمك الطاهر ورحلك
تـــوزع شـــمله مـــا بـين آل اميه
ندبة للامام الحجة بن الحسن (عجل الله فرجه)
يـــبو صالـــح نـجومك علن وفلان
احــــل ويــــاك حبــل العتب وفلان
دينــــك طـــاح بيــــن فــلان وفلان
انـــوله لاچــن ولـــوه اشلون وليه
دليـــلي ابسـهم يبن الحسن مرمي
وعليك الدمـــع دم ايــســيل مرمي
ديـــنــك بيــــن هـــذا وذاك مـرمي
اجـــنـــازه ابلا أهـــل ظـــلت رميه
خطاب العقيله زينب لاخيها العباس (عليه السلام)
الــگــلب بـــالعزم صبــرته ومنته
وفرشته اعله الترب يـــمك ومنته
منته الكـافــــــل ظعـــوني ومنـــته
الجبتني وياك ليـــش اگــطعت بيه
اهمومي هموم فوگ الگلب منتل
وســــبّاح الـــدلـــيل إعــليك منــتل
گـــوم ارجــعــنه يـــا عباس منـتل
جبــتــــنه ويــاك لـرض الغاضريه
الـــدهر شتـــت شـــملنه بالظعينه
ودلـــيــلي سيـــوف اميه بالظعينه
وســافه الــشــمر يحدي بالضعينه
وابـــو فــاضـل عــلى الغبره رميه
يعــــباس اســتــمع عـتب ولا ماي
غـــريــبه وزادت ابفگدك ولا ماي
مهــجــنه بالعـطش تلهب ولا ماي
يخـــمد جـــمر لــوتــــنه السريه
عن لسان حال الصابره ام البنين (عليها السلام)
الـــليالي ما اصــدلهن ولا عــــون
دعـتني لا ضمد عندي ولا عــــون
لا عـــباس لا جعــــفر ولا عــــون
ولا عثـــمــان كـــلها اگــطـعت بيه
خطاب زينب لأخيها الحسين (عليه السلام)
يـــبو الـــسـجاد گلي شصار وجره
أهــيّــس نــار حـــدر الظـلع وجره
يگـــلــها الطفـــل دمـه سال وجره
رضـــيــع وفــطــمته سـهام المنيه
عن لسان حال ام كلثوم في غربتها
رهــــيــف العــسر لظلوعي حدبها
وشبيه الگوس والحـــاجب حـدبها
الظعاين عگـــب حـــاديها حدبـــها
الشمـــر وايـشومر ابسوط الرزيه
لسان حال الامام زين العابدين (عليه السلام)
اون ونحـــب وانـوحن وحن ويهاه
على الراح وچـــبـدتي ابنار ويهاه
الي والد شــبــيــه البـــدر ويـــهاه
الـبـدر عجـــبه ايــتوسد عــالوطيه
في شجاعة مسلم بن عقيل (عليه السلام)
بـــنه بـــيت العـــزم سيفه وحيفاه
عجيد ويدوي بالـكـــوفه وحيــــفاه
اخـــذ مـــن الخــصم حگـه وحيفاه
وغـفـت عــينه على سروج المنيه
خطاب سكينه بنت الحسين (عليه السلام) مع عمها العباس (عليه السلام)
لســـاني يلـهج باسمك ورديت
وعساني مثـــلك اتوذر ورديت
اجيـتك للنهر انحــب ورديـــت
خفــــت لــن النهر يشتمت بيه
خطاب الرباب لولدها عبد الله الرضيع
ضمـــيري ابكعـــبة المحنه يطفلي
ومهجتي من تشـــب دمعي يطفلي
آنـــه امـــك واهـــز مهــدك يطفلي
نســـيـت امصـــوب ابـسهم المنيه
خطاب رمله لولدها القاسم بن الحسن (عليه السلام)
يجـاسم يـــبني حيلي عليك دمعاي
ودلـــيلي بــالنحب والـنوح دمعاي ا
شلون اصبر وانشّف سيل دمعاي
وشفـــت دمــك يسيل اعله الوطيه
خطاب ليلى لولدها علي الأكبر (عليه السلام)
راســـي علـيك يالاكبر يشبلاي
وجمر فگـــدك ابدلالي يشبلاي
لوين أبعدت عــن امك يشبلاي
وعفتني بالغـرب واگطعت بيه
خطاب الطفله العليله لدار الاهل والاحبه بعد الفراق
الفـــلك مـــا يعتدل بالعكس يا دار
ولا ينشف دمـــع عــيـــناي يا دار
يــــدار الاهـــل اهــلـچ وين يا دار
گـــولـــي ولا تــخــليها خـــفــــــيه
جواب الدار لها
يــــهالتنشد عـن اهلي وين ماوين
تعنّوا كـــربـــله والظـــعن مــاوين
اشـــتــظن گـلبي عليهم ابد ماوين
يون وينوح كـــل صــبح ومـــسيه
خطاب الطفله حميده مع والدها مسلم بن عقيل (عليه السلام
زمـانــي عگـب عينك سلمتني
او راحـــات النــوايب سلمتني
رحــت عــدمن يـبويه سلمتني
يــتــيمه ويـا شهم وصيت بيه
اضيفت بواسطة:عمار العراقي | البريد الالكتروني: am_ammad@yahoo.com
|
|
بجيت ومحد من اهلي شربجاي
وعليه انصب شرك وكتي شربجاي
يعونه اليم عبد سير شربجاي
وتعلل للصبح لوبزغ ظيه
اضيفت بواسطة:نعيم الدريعي | البريد الالكتروني: aldraee.1975@yahoo.com
|
|
هرش حبك عله الدلال سدّه
تعله وماترده بعد سـدّه
گلبك لوصدگ ينقفل سـدّه
ومفتاحه تحطّه ابين اديّه
***********************
انمرد چبدي وطريح اصبحت بالدار
ولا واحـد ذكــرني ونشـد بالدار
الاحـبه وما ابدله ابذهـب بالـدر
اذا راح ايـشـظـل بـعـده بأديه
************************
الاشعار من تأليف المرسل رجاءا
اضيفت بواسطة:جواد الرميثي | البريد الالكتروني: jk>alrumaithy@yahoo.com
|
|
