هذه الابوذيات ليونس محمود
وهيه منقوووله
يونس گال عن خوفه هدفنة
ونصول بزود ونكوّل هدفنه
اسعاد الشعب هوة اكبر هدفنه
نفرحة وثم نفرحلة سوية
**** **** ****
ابد ماهام برد الجو وحرة
واسود المنتخب حلوة وحرة
يونس من ضرب ضربة وحرة
صاروخ انفجر بالمرمى هية
**** **** ****
النهائي اشگد سهل بيكم وصولة
يل فن اللعب عدكم وصوله
اذا صحت بعد فرصة وصولة
يصير الكاس النة اجمل هدية
تحباااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
|
اريد امشي نهار الصيف خيال--وعلى اللي داكه عل الورج خيال--- جم مهره عزوم بغير خيال -- جم خيال راكبله رديه
اضيفت بواسطة:السيلاوي --الحله | البريد الالكتروني: www.al_selawy2000.@yahoo.com
|
|
غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه
اضيفت بواسطة:البصراويه | البريد الالكتروني: لا يوجد
|
|
عكب فركاك دلالي تمرمر
عليه سهام عدوانه تمرمر
بحياتك هم شفت كلي تمر مر
التمر بجفاك حنضل صار اليه
اضيفت بواسطة:البصراويه | البريد الالكتروني: لا يوجد
|
|
گلبي مافرح عـگـــبك ولاسار
وجدمي ماخطى الغيرك ولاسار
أخبرك مابقت جـــلمه ولاسار
فضحني الدمع من غصـــبن عليه
اضيفت بواسطة:الاسد المهاجر(سلام الفلوجي) | البريد الالكتروني: salam_s_1988@yahoo.com
|
|
حلو ما شوف عندك رحم وأنصاف
وغده كلبي عليك رباع وأنصاف
من أشوفك أرتعد يا صاح وأنصف
ولساني ينعكد ويخون بيه
اضيفت بواسطة:بزونه حنونه | البريد الالكتروني: لا يوجد
|
|
عيونهَ كبل شفاه شتمني
وأنذهل علي ودليي شته مني
انهجم بيتج يروحي شهه التمني
تمنيتي الذي يصعب عليه
اضيفت بواسطة:بزونه حنونه | البريد الالكتروني: لا يوجد
|
|
|
وحك مهد الجمعنه مربينه شبه الطيف شخصك مربينه مره الصوج بيكم مربينه لاكن بالعهد خنه سويه الشاعر اثير الناصري
اضيفت بواسطة:اثير الناصري | البريد الالكتروني: aaa_bmw2002@yahoo.com
|
|
سل ألرماح ألعوالي عن معالينا
أذا جتك أطلابة كلهم ماعلينا
شكثر عدنان كظاهة يركض مع لينا
وتاليهة يجي عبسي يفيك علية
اضيفت بواسطة:أنمار ألعقرب | البريد الالكتروني: scorpion_sting2003@yahoo.com
|
|
وساره..
بحر العيس لغطه وسوره
وياهو الوصل حده وسوره
خليل الله ابتلى بهاجر وساره
واني بيك ابتليت شلون بيه
تحياتي وارجو ان تقبلوني صديقا لكم
اضيفت بواسطة:ابن بغداد | البريد الالكتروني: mbc20_love@yahoo.com
|
|
زنجـــــيل ابوذيه الــــى العشــــاق فقط
حبي انفضح لاجلك صار شعلة
وانة النورت دربك صار شعلة
اشعلة الكلب رايد ؟؟ صار اشعلة
اقفلة الكلب لاجلك ؟ صار اقفلة
ولباب الكلب حبك صار قفلة
اكوم لحسن عينك؟ صار اقفلة
اصد الشمس عنك ؟ صار اسدها
ولبحيرة كلبي حبك صار سدها
يلبوة حسن كلبي .. صار اسدها
الاسد لو شاف طولك صار حرمة
العمرك عمري اتلفة وصار احرمة
احرم شوف غيرك ؟ صار احرمة
اعلة موتت شوفي اعينك ؟ صار اعينك
ويكلبي بنص ضلامك صار عينك
تريد بروحي اعينك ؟؟ صار اعينك
شعين بية كلبك صار اداري
وية ظلك انة ساكن صار داري
حبيبي بروحي اخدمك صار اداري
حديد الكلب لاجلك صار فضة
العتب وياك اختمة وصار افضة
افضلك دمع عيني ؟ صار افضة
ونزل دمعي اعلة خدي وصار جاري
وانة الاجرت كلبك صار اجاري
اجاري عناد روحك؟ صار اجاري
اعلة روحي اتريد اسيرك ؟ صار اسيرك
وكلبي بقفص حبك صار اسيرك
عذابي ايسر جنابك ؟ صار اسرك
حبك حكم كلبي وصار ابوية
وصبغ كل هذا حجيك صار بوية
اسكت ما اعاتب ؟ صار ابوية
عليك اتريد اسلم؟ صار اسلم
ورتقائك كلبي غاية وصار سلم
اسلمة الكلبي بيدك ؟ صار اسلم
تريد بكلبي اقدسك ؟ صار اجلك
واذا انتة الكبر مسك صار جيلك
زحف رايدني اجيلك ؟ صار اجيلك
واجالك زحف كلبي وصار طفلك
وطفي بشفتي نارك صار اطفلك
مقام اتريد ازورك ؟ صار اطفلك
بشعرك طاف كلبي وصار مشرك
وريدي بحبل شعرك صار مشرك
حرام ادكلي تشرك .. صار مشرك
شركت وهسة حبك صار ديني
وذنب حبك خطيتي وصار ديني
شخصك هسة جاني ..وصار ديني !!
شوكت تدريني مشرك ؟ صار مدة
وجرحي بدم غيابك صار مدة
بطولك جرحي امدة ؟ صار امدة
جرحي بكبر طولك صار طولة
وتكلي شوية طولة . صار اطولة
اذا انتة النجم رايد ؟ صار اطولة
حبي شعمرة تسال ؟ صار قبلك
وينار بشفتي ابوسك صار اقبلك
يكلشي بكلشي اريدك صار اقبلك
تريد بظلي اشوفك؟ صار اشوفك
وبشمع عشر الاصابع صار شوفك
اكشف كلبي اشوفك ؟ صار اشوفك
خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خاللي
شكلك وانتة ابوية وخال الية ........
وان شاء الله يعجبكم ..
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
رسايل مو بخط وقلم وديت
وتفصلني عله طولك ترف وديت
جثيره حمول ذبو علي وديت
وبعد حملك ثكل واصعب عليه
%#%#%##%#%#%%#%#%#%
شعره مخربط مفلفل فلافل
وكلبي مجلب بكلبة فلا فل
اذا يتغدة محبوبي فلافل
لو ياكل كباب شلون بيه
%#%#%#%#%#%#%#%#%#%
بيتك راح ازورنه واحني
يدنيه شويه رحميني وحني
احمر تلبس الوادم وحني
وانه ثوب الحزن لايك عليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
عليهم شاب كلبي و راسي
وبلم حبهم بشط ألروح راسي
هواهم على ألكلب حاكم وراسي
حكم فرعون بيامه ألخليه
**** **** ****
تون بس ونه لا محزن ولا حاد
ولا سبت اليمر تنشد ولا حاد
كل مطرود اله مده ولا حاد
وطردهن ظل وراي سويحليه
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
وريدج....احبج يابعدعمري...وريدج
وعلى كليبي اعبرنج...وردج
انه اتمنى ويريت اصبح.وريدج
حتى دماج تصبح تسري بيه*
اضيفت بواسطة:ياسر (*_*) الفحام <<البصراوي >> | البريد الالكتروني: real_love296@yahoo.com
|
|
حطين..
وحك صفين والخندق وحطين...
لملش الراس بغيابك واحط طين...
اطير من الفرح صدك واحطن...
اذا بالحلم مرة تمر علية...
الى شريكة قلبي ام جوانه
اضيفت بواسطة:ابو جوانه | البريد الالكتروني: لا يوجد
|
|
اريد الزم اخديدك وشتمنة
واريد انعل ابيك وشتمنة
تدري اشراد كلبي وشتمنة
على صدرك اموت وهاي هية
تحياتي للحلووات
اضيفت بواسطة:محمد الطائي | البريد الالكتروني: mnmm36980@yahoo.com
|
|
قلم كلبي تداين ورقة منك
لان ماكو بجماك ورأقة منك
اسجلنك انتة الاول ورقمنك
واكتب لافتة محجوز الية
اضيفت بواسطة:فادي سعيد | البريد الالكتروني: fady@yuhoo.com
|
|
هذه الابوذيه ليست من كتاباتي بل منقوله
احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
ونعيش العمر ياَ مدلل سويه
مع تحيات ..
مصطفى سامي الحديثي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية
........................
منقول للامانه
اضيفت بواسطة:توته | البريد الالكتروني: لا يوجد
|
|
مثل جنح الفراشة شفاك وارقى
وربيع العمر منك راد ورقة
اذا بوسة حبيبي انطيك ورقة
واذا حضن بحضن دفتر هدية
منقول للامانه
اضيفت بواسطة:توته | البريد الالكتروني: لا يوجد
|
|
