|
ليل وسهر واشواك طبكن سوية *** وسفة التعبت وياه يروح من ادية
اضيفت بواسطة:صقر العراق | البريد الالكتروني: لا يوجد
|
|
رد للاخت الغريبه حيث تقول..
هم غربه هم فراك هم باجر العيد *** والروح شوك تزيد ملكاكم تريد
الرد..
الروح شوگ تريد بس هوه وينه *** جوه الارض مدفون يختي الحزينه
رد للاخ رياض الفريجي حيث يقول..
مخلص اظل وياك حد يوم الوداع *** هم انته مثلي تصير لو تنكر بساع
رفرفت مثل الطير روحي على فركاك *** لا يمي افرح بيك لا اگدر انساك
حيرني طيب البيك خلاني مديون *** اتمنى ارد الدين ما اعرف شلون
صدگني عالخوان دوم اسئل بشوگ *** الخوه ياطيبين بس الكم تلوگ
الرد حسب التسلسل..
مخلص اظل وياك وانا ابقه ممنون *** بس لو خنت يفلان غيرا گلب الكون
رفرفت مثل الطير وتريدك بساع *** للنجف واتعناك واحفرهه للگاع
للطيب نمطر طيب للصاحب الزين *** وافديله حتى الروح وعيوني الاثنين
غالي وتظل يفلان تاج على راسي ** انته الاخو والخال حتى اغلى ناسي
والى اخر اللحظات حيث يقول..
بالحلم جنك جيت من ذاك الغياب *** كبل ايدي شفت الروح فتحتلك الباب
خايف أدك عليك وخايف تملني *** فز كلبي تالي الليل وعنك سألني
الردحسب التسلسل..
بالحلم جنك جيت جن عايدتني *** بستك ثلث مرات بس ما بستني
رمشلي بس ترميش تلگاني يمك *** ومصدگه هيه الروح تگعد تشمك
والى الاخ البصراوي حيث يقول..
انتي استكان الجاي واني الشكر بيج ... صح اني لمحليج بس ابقة ذايب بيج
الرد..
انته الشكر والجاي وانته الجگاره *** والگلب من فرگاك مشتعله ناره
والى كل القراء الي يريد جواب دارمي اني حاضر بس دز الدارمي واطلب من الحجامي الرد واني بخدمتكم
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
رد للاخ رياض الفريجي حيث يقول..
دمعي نزل موجات سواهه هوسه *** نتحاسب انا وياك بكل دمعه بوسه
الرد..
كل دمعه بوسه تريد اقبل يمحبوب *** دمع الهملته عليك خلاك مطلوب
والى الاخت الحنين حيث تقول..
سبت واحد واثنين احلى ايامي *** بيهن اشوف هواي وبيهن احلامي
الرد..
سبت واحد وثنين شفت التحبهه *** احلم اشوف بيوم واحد يشبهه
والى اخر اللحظات حيث يقول..
بالحلم جنك جيت من ذاك الغياب *** كبل ايدي شفت الروح فتحتلك الباب
الرد..
زين انته عمي تنام تحلم بالاحباب *** ما غمضت العينين وانطر على الباب
والى الجميع..
هوه البجي شيفيد لا والله هيهات *** لا رجع العدلين لا رجع المات
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
|
حبل اليجذب اگصير بالك تشده *** ترى ينگطع ولله وي التوده
اضيفت بواسطة:رجاء سليم كاطع الربحاويه | البريد الالكتروني: rgaa74@yahoo.com
|
|
لاجلك صمت رمضان والدمع جاري *** دهر انا اصومه عليك لو صرت جاري
وين البخت يفلان وتگلي مبخوت *** وانا طلعت محسود حتى على تابوت
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
رد للاخ ابو نورس حيث يقول..
بالشطره من مريت حجامي واكف *** ويه الكرم و الجود وهل المظايف
للحجامي افدي الروح و عيوني لاثنين *** و العمر فدوه يروح للصاحب الزين
أخوي انته و عزيزي و تاج فوك الراس *** و غيرتك يا سبع من غيرة العباس
الرد حسب التسلسل..
ماقصرت وياك لوبيه مريت *** احنا النظل خطار وانتم اهل بيت
عالحگ نظل للدوم ما نعرف نحيد *** ولد العراق اكرام كلهم اجاويد
سالم يبعد الروح كون انته سالم *** والله وتظل للدوم بالدنيه غانم
تحياتي..
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
|
صحبتنه صحبة عمر وخوتنه حد الموت .... يمكن اعوفك نعم بس واني بالتابوت
اضيفت بواسطة: عبدالامير الغزي | البريد الالكتروني: hha_1971@yahoo.com.
|
|
|
عيد اليمر عألناس لا تظن عيدي *** عيدي امن اكون اوياك وايدك بأيدي
اضيفت بواسطة:ابو علي الزيادي | البريد الالكتروني: hussain_r40@yahoo.com
|
|
|
نوح وقهر وفراك وجماله غربه *** والعيد بغداد بس الله ربه
اضيفت بواسطة:الغريبه | البريد الالكتروني: لا يوجد
|
|
|
كل اعيادي بالغربه والناس ابتلت بيه *** غريبه الدار مهمومه والدمعات عيديه
اضيفت بواسطة:الغريبه | البريد الالكتروني: لا يوجد
|
|
|
صح الشعر كلمات عالورق مكتوب *** بس منتزع معناه بوسط الگلوب
اضيفت بواسطة:الدكتورة | البريد الالكتروني: لا يوجد
|
|
|
يا كمر تالي الليل سمعني الاخبار *** نايم حبيب الروح لو مثلي محتار
اضيفت بواسطة:الشاعرة االعانيه | البريد الالكتروني: لا يوجد
|
|
رد للاخت الغريبه مع اعتزازي حيث تقول..
حسره وألم وهموم لو يكبل العيد *** تنحب تنوح عليك تعرفه شتريد
الرد..
ندري شتريد الروح يااغلى لاحباب *** بس انا جوه الگاع غطاني التراب
مع خالص تحياتي لاختي..
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
يلمبعد من الروح ما لحظه ناسيك *** اتمنه اشوفك دوم وبكلبي اخليك
دم ينترس ويفيض كلبي من الفراك *** ارحم بحالي شبيك صدكني مشتاك
اضيفت بواسطة:رياض صبحي غضبان الفريجي | البريد الالكتروني: riyad_lord@yahoo.com
|
|
من گلبي اكصلك وصله لو مسك الجوع *** والمالكيت شياش شيش بالضلوع
اهلا وسهلا بيك يالچنت غايب *** والگلب من فركاك ظاك المصايب
نار التشب بالگلب للوجه تجوي *** خلفله عالعينين تجري وتطفي
اهداء خاص الى ريم السحل وغزاله الباديه والى سارة البياتي..
اضيفت بواسطة:بنجاب (الطائر الجميل ) | البريد الالكتروني: لا يوجد
|
|
|
بيك احجي بيك ارتاح بيك انسى الهموم *** كل لحظه من فركاك تنعد بألف يوم
اضيفت بواسطة:البغدادي _ابن العامرية | البريد الالكتروني: zom_zom77@yahoo.com
|
|
اهدي الى الاخ ابو نورس والى غصون واسير الشوگ
اكول الكم..
كل مر جرعته يهون بس مر الفراگ *** اشهگ بشهگه موت من گلبي يشتاگ
تقبلو تحياتي اخوكم عمر من الانبار..
اضيفت بواسطة:عمر الانباري | البريد الالكتروني: ha_ha7850@yahoo.com
|
|
|
سبت واحد واثنين احلى ايامي ***بيهن اشوف هواي وبيهن احلامي
اضيفت بواسطة:الحنــيــــــــــــن | البريد الالكتروني: لا يوجد
|
|
الى اعز وارق وانبل انسانه..
مياده من اشتاگ تنزل دمعتي *** واعرف انا الغلطان وانتي الكبرتي
دوم اللهج بذكراك وتكلي ناسي *** الگلب لو ينساك گصيت راسي
مايدري ملك الموت باخلاقكم هاي *** جا ما خذاهه الروح جا شربك ماي
گول شكتبلك حبيبي بس الك يحلى الشعر *** گول بس سمعني كلمه واخذ كل باقي العمر
ظفتك على الايميل ما جاوبتني *** وليش قبلت تنظاف يلظيفتني
والى احبتي مشاركين وقراء
بسك تدز گوام بسك تهدد *** ما شرداني الموت جا منك اشرد!
لعبت علي دنياك كلشي وكلاشي *** تالي العمر ظليت زعطوط اماشي
يا يمه بس للضيم جبتيني انتي *** يمه اللطم والنوح صارن مهنتي
اضيفت بواسطة:ابو اماني الحجامي | البريد الالكتروني: alhagamy@yahoo.com
|
|
|
نرسم صورة الاحباب بدموع العيون *** ونصبر بهالروح بلكت يمرون
اضيفت بواسطة:مرتضى الاسدي | البريد الالكتروني: lovesick_3m@yahoo.com
|
|
