هذا الزهيري اتوقع للشاعر عبد الرحمن الجبوري
لمي ..
لمي يا دنياي حزن من الگلب لمي
وشوفي العل خدود دم الي نزل لو.. مي
لومي اليخون العشگ لا بس علي لومي
وغيري طباعو اذا راد يغدر غيري
وغيري عليه شلع گلبي الولف غيري ( من الغيره)
يل گلت اتي ورحت تلعب مع غيري
بسيطه لك اذا ما روح اگل لمي (امي )
تحياااااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
والله ما شيدت فوك الرمال القصر
وفيت وأبقى وفي وما بدر مني قصر
العمر ما همني ان طال ولا كصر
تدري بصدودك علي كطع قليبي وصل
خايف سبب حالتي لابن الشماتة وصل
يوم نويت الهجر آني على قبلة واصلي
مدري تمام الصلا صليت ما ادري قصر
اضيفت بواسطة:مصطفى العراقي | البريد الالكتروني: Super_cupra_90@Yahoo.com
|
|
زهيري ارجو الرد عليه؟
صديقي البادلك بالطيب ردة
لاتجفي وتروح بغير ردة
ياحلو شافاني وركض بالباب ردة
جزاهة الطيب سد بابة علية
كلبي بهورت الوديان ملوه
وخلو حطب بالنار ملوه
حبيبي لكثر الجيات ملوه
سولة كل عشرة ايام جية سولة كل عشرة ايام جية
اضيفت بواسطة:ابو الحارث الانباري | البريد الالكتروني: an_m1985@yahoo.com
|
|
دموعي دبكن المزن يوم لعليهم چفن
وأيام سعدي عكب طيب الليالي نچفن
يجوز مني السبب بالحصل بينه جيفن
چفنه ألحرامي لفوا عالدار عز الظهر
ومرضينه حچي الصدق والجذب بينه ظهر
الناس تتنه الولد تكبر تحامي الظهر
واحنه عندنه الولد حصت الكبور وجفن
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
يا طيب الريح ريحك من نشمه ورد
ضعت بدلالك وكلبي علمصايب ورد
من ايدي القلم سار خط الحروف عني ورد
يمتا انتلاكه روحي رايدة مواصلك
اني بالانبار وانت ساكن بموصلك
صدكني ماجيك يم بابك بعد موصلك
ملتني الناس من كد ما اروح وارد
يانايم الليل جفني والمنام عداي
بحلامك اتيه واني على الهموم عداي
لوعات منك شفت يامهجتي وعداي
صابر على الضيم بلجي على اليحبك ترد
ويجيبك اللال ومن دمع البيابي ترد
كل ما ادك هاتفك واكول انته ترد
مشغوله الخطوط وندب قسمتي وعداي
يامن من سنين عمري صغت الك لؤلؤه
دربك ياعيني عدل من يمنا للؤلؤه
انته بحياتك عشت مامرتك لؤلؤه
هل اكثر هموم ياهو اني اعد وانت اعد
يغفر الزلات كلبي للترف وانت عد
رغو الشباب انتثر ماضنتي وانت اعد
حبل الموده يرد بعد الكطع وللوه
ياصاح مرني بسنه ساعه ولو خاطري
تفرح بك الروح لوجيت ورحت خاطري
جرح البلكبود لاتضنه لتام خاطري
عاش اللي سماج ياسلوى وصدك سلوى
انتي شفاي ودواي وعلتي وسلوى
اصحاب موسى انكروا من منها وسلوى
ياناكر الطيب لخاطر عشكنا خاطري
اضيفت بواسطة:وقاص العبيدي الانبار _سد حديثة | البريد الالكتروني: shadoman_80@yahoo.com
|
|
يا صاح لفني بقميصك لو لفاني البرد
ادفى على صدرك لو چامن عليه البرد
طول فراگك ولا بردت گلبي برد
ما صارت اوصاف حسنك بس عند يوسف
گربك فرحتي وبعد يا ترف يؤسف
دگني حدر الظلع مدري رمح يو سيف
ناحل تراني صرت باردني شوگك برد
اضيفت بواسطة:وقاص العبيدي ابن حديثة | البريد الالكتروني: shadoman_80@yahoo.com
|
|
وهذا الموال ارسله الشاعر امين ابو غربان وهو في ديار الغربه الى والدته من ضمن قصيدة سعد
يا صاح وكتي لعد كلبي بناره ويه
وشعندي حس حشمت عينً ولامً ويه
كوم انتخيلي تره مالي ويه الذل ويه
هل ماتجيرن وهل ماتنتخيلي وهل
ترضاهه ليه اضل ماليه دار وأهل
ماجنت اضنن يهل بفراك أهلنه وهل
يا حيدر أهلال اشد من فتنه روح ويه
وقد عقب عليه الشاعر منهل هادي ابو بيادر من عفك برد بصيغة قصيده منها هذا الموال
ياصاح انه جيت عاني معتني ياهلا
حامل بشارة فرح يا من نده ياهلا
يا حيدر انهض نخاك من البعد يا هلا
غيرك يبو حسين منهو الينتخي للندب
حبكم ذنبنه ولو ماحبكم ماندب
لديار غربه التخلف بالضماير ندب
وانجان ماتنتخي ياهو البعد جاه اله
اضيفت بواسطة:خالد البوناشي | البريد الالكتروني: kjam62@yahoo.com
|
|
شفاف لابس وانه روحي اعله روحه ترف
ما وصلت ايدي لعد خده وعرفته ترف
فتك جروح الكلب جندوب روحي ترف
طين وخبط مايتي مافاد اصفي وشب
في بحر العيون جم شايب الغرك وشاب
لو مر عليه شعل نار بضلوعي وشب
سلمت حالي وله راياتي كامت ترف
اضيفت بواسطة:Ashjaan | البريد الالكتروني: linaalshekh@yahoo.com
|
|
ياصاح ضيم الوكت من لاحكم لاحنه
بس ظل ظهرنه عدل لاقوٌس ولا حنه
لو نبته وحده تظل مزهر يظل لاحنه
دنياك ياصاحبي لعبة ورق والزار
ماتلحم فتوكها لا با لخياطه والزار
شدينه كل الحزم وموزرين اوزار
كل هذا وإلكم كَلب لا رفرف ولاحنـه
*****
اضيفت بواسطة:Ashjaan | البريد الالكتروني: linaalshekh@yahoo.com
|
|
طارت طيور السعد ما وگع بس طيري
وماكو لحن للحزن يا صاح بس طوري
اكتب مغثا واسى من اليوم بسطوري
غالي وجفاني وعصر گلبي بغيابه عصر
ومحد مثل حالتي اصبح بهذا العصر
انى اگدر انسى الصبح وانسى الظهر والعصر
اجاني الغروب واحبابي مالهم طاري
اضيفت بواسطة:ابو يمامه | البريد الالكتروني: wameedhalani@yahoo.com
|
|
تحيه خاصه خي العزيز محمود العاني في مدينه الموصل وهذا الزهيري اله
هم المعاهد يا صاحب الگلب القى سم
وهمو گلبي ككثرت ما نقص منها قسم
بس ما عوف انا خوتي ياصاح هذا قسم
ونسهر لراحة مود نرعاه ونباري
ونصير جار الوكت يا صاح ونباري
ولوماكو ولد من الشركاط وانباري
والله يا صاحبي نا اسكن انا القسم
وتحيه خاصه الى اهل الشركاط وتحيه خاصه الى اهل الانبار الطيبين
اضيفت بواسطة:ابو يمامه | البريد الالكتروني: wameedhalani@yahoo.com
|
|
ياصاح بالك تثق بلي يكلك هلة
يضحك على بجاك مافاد دمع وهلة
اطلب زماني تظل مايوم ليلك هلة
من غير شفت النذل خان بمحبتك دوة
حب اليحبك صدق والي بغرامك دوة
الخان حبك وفي مالوا الزمان ودوة
ازرع بدارو لغم وانسف البيت وهلة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
الله اليجازي هلك بحراب خلوني
خلوني تحسر على ملكاك خلوني
اسوة ودليلي بجفة وبالعكل خلوني
وسكنت طول العمر جوة الحشة اة ألك
منهة دليلي ذبل ما طيب راحة هلك
يول اني كل يوم اذل النفس واجي وكل الهلك
خلوني اشوفوا كبل ما موت خلوني
اضيفت بواسطة:احمد الغريب المحمدي | البريد الالكتروني: aorora2003@yaho.com
|
|
يامن فلا أنبك ودي وحناني وطب
هل يدي جرح الكًلب لا وصفه فادت وطب
حالي منهد فركًتك لاهو تشافى وطب
عاشرت كل الملل سلام وكفرها وصب
ياهو الأكًصده غرز سهمه بدليلي وصب
بسرداب ولفي إحفظت وعليه ساتر وصب
تاليها واشي غفل ليه إعتناله وطب
اضيفت بواسطة:Ashjaan | البريد الالكتروني: l_80_@hotmail.com
|
|
سيف ربيع العمر توني الورد طالبه
و ابن ادم من الالم يصرخ اذا طالبه
ثارات الي وي الوكت للموت اضل طالبه
ابشاجور ضيم الوكت صف الفشك صفنه
و اليا مته بها لقسم نكضي العمر صفنه
ترضون يا ها لخلك بي بس زلم صفنه
محلاته يبقه الدرس لو عدنه بس طالبه
&&&&&&&&&&&&&&&
بحر الهجر مايلك وبحر الوفه (ماي الي)
وانا بهواك اعتقد غايه وطمع (ما ائلي)
ويا صاحبي ان چانك ذكي اعرب الي (مايلي)
لو كانه جابت خبر ينصب لو (ينضم)
ولو سر حچالك محب ينفضح لو (ينضم)
والعاشرك يا ترف ينسعد لو( ينضام)
والحمل يبقى عوج لو ينعدل (مايله)
&&&&&&&&&&&&&&&
مانمت انه الليل من هم العليه وارق
جلمود كلبه صخر ما حن عليه ورق
انسليت صرت برفع خيط البريسم وارق
اتمنى طيفه يمر حتى بطيافه بخل
وعملاته وياي مو عملات خل بخل
حنظل من ايده صفه زادي ويخلطه بخل
بعضاي نار اوجرت واعضاي شبه الورق
يا صاح رحلو غفل والدمع مني سل
ضاكت علي دنيتي والعود مني سل
لاجن كسر خاطري جي صاحبي ما سل
يا خوتي ومنيتي ويا سلوتي وهواي
ولو قل علية الهوة انتة التصير هواي
ما جنت اشوفك شخص جنت انة اشوف هواي
لاجن طفت نجمتي وتخيطت بسل
اضيفت بواسطة:كـــ{السلطـــاني}ـــرار عبد الاله | البريد الالكتروني: karar_122122@yahoo.com
|
|
لولة براسي عكل عكب الولف ماضل
وما جان ذيب الوهم فوكي هجم ما ضل
ناديت يا لامتي بدياركم ما ضل
ارفج معاهم يلولة تراب كلت الهم
كالولي ربعك اصبحت بالويل كلت الاهم
كالولي دمعك عجب ماسال كلتلهم
بجيت يوم نمشة ولفي ودمع ماضل
اضيفت بواسطة:احمد الغريب المحمدي | البريد الالكتروني: aoora2003@yahoo.com
|
|
انته مو حلفت وكلت ما احب غير حرف الصاد
شجاه الوكت واصبحت عني وصــــــــــاد
سيف الهجر خلاه بعيد وصـــــاد
تدري الگلب من طاع الك رايه
حاربت لاجلك انا وگلبي رفع رايه
فقت كل الحسن بالوصف صرت ايه
ياحيف انى النچر صرت بسهوله انصاد
تحيح خاصه لكل مشارك في هذا الموقع العراقي
اضيفت بواسطة:ابو يمامه | البريد الالكتروني: wameedhalani@yahoo.com
|
|
بيت زهيري منقول ..
من يوم حبك تره ناري اصبحت لاهبه
والصبر بيه التهه وانه اصبحت لاهبه
لاخير منك بدر لاشكر لي لاهبه
رب الحسن بس الك كل الحسن موهبه
وذوق تأليف الشعر عندي صبح موهبه
كالولي من محبوبتك صحت وكلت مو هبه
ضحكو وردو علي كالو چذب لاهبه
اضيفت بواسطة:ابن الانبار الوفي | البريد الالكتروني: لا يوجد
|
|
هذا بيت من الزهيري منقول ..
سبحان من صورج بأرض الصحابة علم
بغداد اسمج فكر دين وحضارة وعلم
خلي يسمع الماسمع وحتى الدرى والعلم
بنت الرشيد اعتقد تابى تظل مايلة
وان جفت ارض الوطن دمعي يصح مايلة
شخص الرصافي بقى ثابت ابد مايلة
وتبقين انتي اصل فوق العروبة علم
اضيفت بواسطة:ابن الانبار الوفي | البريد الالكتروني: لا يوجد
|
|
|
ياصاح اسمك حلولنك بسم ميسره وكل شده يا صاحبي لا بدلها ميسره ياصاح دمعي يهل لاكن شبه مي سرى من يوم فركاك ياصاحبي ودمعي يهل انتظرجيتك انا وانظراهلالك يهل بيايوم اشوفك انا مسرور كلي يهل بشده عمرك بده وعمري بده ميسره
اضيفت بواسطة:نصير علي الجفيفي ابن الانبار | البريد الالكتروني: naser8892@yhoo.com
|
|
