هذا الزهيري اهديه ل احمد غريب المحمدي ولكل الموجودين والمشاركين
يازين طعم العسل مخزون في شفتك
روحي علي ترد لوله تحگل شفتك
شفتي تعاسه واسه صار الفرح شفتك
كلما اخلص خزن خزني عليه يعيد
وانچان ما صدكت هاك الجروح وعد
صايم ولا افطرت من مر عليه العيد
يصير اعيد وانته هلال ما شفتك
اضيفت بواسطة:وميض | البريد الالكتروني: wameedhalani@yahoo.com
|
|
سف يادهر عني وانــــــــا سف
واعذرني شما بدر مني واناسف
كله من ابو الشعر عالمتنين ناسف
من شفته وانا منكسر ظهري
وراني ويلي وانجوم ظهري
جنت اضنه بالشده احزام ظهري
طلع حزام بس للاسف ناسف
اضيفت بواسطة:وميض | البريد الالكتروني: wameedhalani@yaoo.com
|
|
يا صاح كلبي شكثر ياما تعب دارة الك
واكطعهة لو عتبت رجلي وتمر دار الك
بديت كاس الوفة صدري الذي در الك
وشغيرك يا ترف عني شعلامة شتصد
جي معدنك مو من ذهب لو من ذهب جا ما تصد
تنصبلي بيدك شرك ومتاني يمتة تصد
اشلع دليلي شلع لو فكر ودار الك
اضيفت بواسطة:ساره | البريد الالكتروني: sara_soso688@yahoo.com
|
|
تصورت حبك من الاحزان سلم لي
وسلمته كلبي وعذاب وضيم سلملي
مادام انته يساهي العين سالم لي
خله يدور الوكت وتصير كصابه
حلو وجميل وعليه تلوك كصابه
يلي عيونك شبيه السيف كصابه
ولي يطيح بهواها ان طاب سلملي
اضيفت بواسطة:مصطفى الجغيفي | البريد الالكتروني: m_alove1991@yahoo.com
|
|
حبج ربى بالكلب طبع انطبع زينه
عقلي انتلف بالهوى و ادري العقل زينه شلونج كلت يا كمر جاوبتي مو زينه
لو صيري زينة ترة لو راح اموتن وهج والله هذا الكلب من نار حبج وهج لو ماخدودج ترة ضي الكمر ما وهج هسه اني اعيد الحجي و كولي صرت زينة
اضيفت بواسطة:مصطفى الانباري | البريد الالكتروني: al_anbari_sniper@yahoo.com
|
|
أحسب جروح الوطن لاتحسب جروحك
لاتنطفي كالحطب بالشرف وج روحك
لو رادكاس الوطن يسكيك فج راحاك
وحبل الوطن بالعجل من ينكطع شده
لابد يصيبك عسر قبل الوصل شده
حايط ضلوعك على ساس الوطن شده
وجرح العراق ان نزف لاتبخل بروحك
اضيفت بواسطة:ahmed-gareb _mahmde | البريد الالكتروني: aorora2003@yahoo.com
|
|
نـام الخلي وناظري بس للنجم .. راعي
ارعاك وانت اصبحت لاهل الغدر .. راعي
لا تحسب جفاك عني لهالگلـــب .. راعي
ساجيت ارض الصبـخ مـن دمـع عيني .. ورد
ذنبي انا الما جزت واترك هواكم .. وأرد
يالطلع اصلك شوك وآنااحسب بعودك .. ورد
صح المثل وانضرب (( نعجة وألف .. راعي ))
اضيفت بواسطة:خالد الهيتي | البريد الالكتروني: myhlwa@yahoo.com
|
|
مسجون جان الوطن ونهرينه اله جامعه
وجن الكنيسة تون ويهل دمع جامعه
لكن بقه بهيبته وكل البخت جامعه
من حيث رغم الجره ما چف يمد طلاب
ومامن ذلول غده وفرسًُ وراه طلاب
من نار البكلبهم ركضوا على الطلاب
بلكت يموت الوطن من تنزف الجامعه
اضيفت بواسطة:علي حسين الحمداني | البريد الالكتروني: heero_555@yahoo.com
|
|
هذا الزهيري هو للشاعر المبدع صباح الهلالي
تخزرني خزره غضب وترفع علي حاجبك
بالله اريد اسألك عني منو الحاجبك
وياك انزف وفا مو طمع او حاجه بك
وصدكني اني اعتبر حُبك اليه مُلك
تلعب عليه لعب ما يوم گلبي مَلك ( من الملل)
وانت بجمالك صرت فوگ الخلايگ ملك
ومادام صرت الملك خلني اشتغل حاجبك (خادمك )
اضيفت بواسطة:مصطفى سامي | البريد الالكتروني: prince_haditha@yahoo.com
|
|
بعض المسامي يصير ادغارهم من تره
ما يصح كفاف مكنهم للدمع من تره
تجاه المعادن تره من تنشذب من تره
مانيش مليوم بس اتبع وراهم وصف
تعبان ظليت بيهم بس اجتف وصف
ذجر المعيدي يفيدك من تتبعه وصف
بيه اكتفي من تسمعه خير الك من تره
-------------------------------------------------
من عكَب زين المحاجي عاد سلتنه
صرنه خلف ماتفيد السيف سلتنه
من فوكَـ هذا الضعف دنياك سلتنه
يهل الهوه ممتحن كَلبي خذوني لكم
لو تنستر دمعتي بيدي ابجفاكم لكم
عفنه العنب ما نريده يارفاكَه لكم
لاجن نباري بعد وانريد سلتنه
-------------------------------------------------
ياكَلب لا تنهضم او تكَضي العمر وانتهم
بهواك اون بونين السمع وانتهم
من دون اهل الهوه آنه ابتلي وانتهم
مالي صديجن تألملي ولا لي صاح
جاني ايتغطرف كَلت سكران لا لا صاح
هميت امد ايدي اعله خده صاح
وانزعج واغتاض مني وكَال الي وانت هم
-------------------------------------------------
ثوب العليه ركد وأمسه بوجدك وصل
والهم لملم جموعه وجر عليه وصل
جانون هجرك دوه البين الجوانح وصل
اشجيلك الحال حال ايوب حالي وارد
لاجن يهون عليه يوم خطك ورد
وآني أشبهك لموسى العاد لمن ورد
لو ثوب يوسف لعد يعكَوب لمن وصل .
اضيفت بواسطة:Ashjaan | البريد الالكتروني: linaalshekh@yahoo.com
|
|
دار الملوك اظلمت عكَب الضوة بسروج
يهناك دمعي يكت إعله الوجن بس روج
والخيل لمن تردَّت واضلعت بسروج
والكدش اصبح لها عزمٍ شديد وباس
والزين دنَّكَـ على جف الزنيم وباس
والشهم لو عاشر الأنذال ما هو باس
من جلَّة الخيل شدو عل جلاب اسروج .
-------------------------------------------------
جم دوب أدافع عواذل ياخلكَـ بالهوش
حتى دعوني شبيه السارحه بالهوش
لا جان هذا ابضميري لا ولا بالهوش
من حيث إذاني دعوهن من حجيهم طرش
لا خط لفاني ولا جدمي عليهم طرش
ياحيف نكَضي العمر ما بين وادم طرش
لو تلزم اذنة لزم لو ما يكَف بالهوش !!
-------------------------------------------------
آنه الذي اليوم عودي من الحجي منجلي
يامالك الروح أبكَه الياوكت منجلي
وما بين الأنذال أصبح ما هو كوتي ايصير
واللي عكَبناه عنه يمتنع ويصير
آنه الذي دوم اسمي بالحصاد ايصير
ومن جور الأيام أصبح منجسر منجلي
-------------------------------------------------
اضيفت بواسطة:Ashjaan | البريد الالكتروني: linaalshekh@yahoo.com
|
|
بالطيف اجاني امس كمت وكلت هل هل
فزيت راح الحلم دم ناظــري هل هل
حلف وانـشد هلي بعـدك انــاهل هل؟؟
حبيت لو عاشرت لو شفت انـــا راحات
مو راحة وصط الجبد وصط الجبد راحات
ميــت اخــو شـامتي ولمن سمع راحتّ
كام علا حيلة اووكف بنص العزة وهلهل
اضيفت بواسطة:علي حسين الحمداني | البريد الالكتروني: HEERO_555@YAHOO.com
|
|
من مثلي بالناس توحش روضتي وحدي
وبزموم الهموم بيهن طوحت وحدي
أومي لهم كل مسا لابد كَعود او جزر
والزمن كلّه انفنه ما بين مد وجزر
دمعي الخلكَـ شبهت لو سال مد وجزر
عكَب السراجين بالظلمة صرت وحدي !!
*******************************
ياصاح بيضة ودادك ما وراها صفر
شنهو البذانك عليَّ من العواذل صفر
معتدل لونك ولوني من التجافي صفر
ينبيك حالي وصل للموت واشرافه
إي والسما والعرش والبيت واشرافه
عندي من اشوفك هلال العيد واشرافه
هاي المروة من اجيك اتكَول هلهل صفر
************************************
من يوم فركَاك جسمي من صدودك عود
هيهات عكَبك يسليني نديم وعود
كلما اعذل النفس روحي تكَلي عود
لي صاحبن كَط محد كَال إله لوله
وحياة من بالمهد جبريل اله لوله
لوما يكَولون واعرف بالحجي لوله
جنت احجي وياك لاجن بالزبيبة عود
***************************************
يا صاح لي ونتن يعكَوب ما ونَّها
ومن الحبيب انصبت بسهام ما ونها
يازي التجافي دبين لي الصدكَـ والنها
من حيث ان الخبر كل الخلكَـ شمته
واللي يعارج خصم اعله الجتل شمته
انكر ودادي وبيه اشجم خصم شمته
بالجير وياي ما طعت العذل والنهى
************************************
جم دوب أهج هاج ما جن الذرى ولفاي
امهجول ولا عاود الديرة هلي ولفاي
ما اطلب اديارهم طاري الفلا ولفاي
هايم بالوهاد من يوم النوو بالراح
مذهول مذعور حاير بس ادكَـ بالراح
جنة وجانوا وجان إلنه الهنا والراح
لا جنه جنه ولا جنهم كَبل ولفاي .
اضيفت بواسطة:Ashjaan | البريد الالكتروني: linaalshekh@yahoo.com
|
|
هذا الزهيري للشاعر مالك الحزين
يمه رماني الهوى وحيلي بده محلل
ونار البكلبي سعرت ما شافها محلل
ناديت ولفي تعال لشوك وامحه الليل
واكرب عليك النبي والواحد الاحد
وزيح همي البده من ثنين للأحد
واني ييمه ان متت لا تتهمون احد
جتالي ذاك الترف ماهوب ومحلل
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
ياصاح بيضه ودادك ما وراه صفر
معتدل لونك ولوني من التجافي صفر
ياهو من العواذل بذانك صفر
يلبيك حالي وصل للموت واشرافه
لا والسمه والعرش والبيت واشرافه
انه من الا گيك ا گول هل العيد واشرافه
هاي المروه من الاگيك تگول لا هل صفر
بير الوفه بداخلي دلوه انترس مندله
ولحبابي أصب ا گهوه من عيني مو من دله
دليته درب العدل بس گال ابد مندله
داس اعله گلبي ومشه رضه وگلت ما رضه
انوب هوه الزعل هو الگلب مرضه
راضيته هم مارضه او بوسته هم ما رضه
لا ترضه طبك مرض هسه انت فد مندله
شكرالكم لتلبية طلبنا باضافة باب للزهيري
اضيفت بواسطة:ع.الفراتي | البريد الالكتروني: aziz90iy@yahoo.com
|
|
راح و كسر خاطري و لملم طيوفه و شال
و نهر المودة نشف ضلت جروفه وشال
الزمن ما عافني رد عالچفوف و شال ( شل من الشلل )
ما عفت حبك انا گلبي على گلبك ضل
عالهجر شو تعتني عالوصل گلبك ضل ( ضل الطريق )
بچتافي اغطي الشمس بالصيف الملك ضل
و لو مر عليك الشتا لفني على صدرك شال
اضيفت بواسطة:مصطفى الانباري | البريد الالكتروني: al_anbari_sniper@yahoo.com
|
|
اكول
مارحتي هذا الگلب بوصال مرة انتي
و مرنتي گلبي على الهجران مرنتيه
ردنا تمرينمرة بشوگ مرة انتي
ما ردنا منج ذهب بس شوف وجهج بس
و شحيتي بمواصلج ليما زرعنا ايبس
حلوة وشبيه الكمر و خدود تسحر بس
مرة انت رغم الحلاة البيج مرة انتي
اضيفت بواسطة:عمر | البريد الالكتروني: amorti2005@yahoo.com
|
|
وهذا الزهيري للأديب سامي الفدعم من الشاميه
ياعلي جنت أنه لك وكت المصايب ذره
وبيدي اطعمك عسل وحسبالي تاكل ذره
وياك شو خوتي بالريح صارت ذره
يمكن لان بالعسل ماجان يوجد ملح
وانته هجرت خوتي وانه بودادك ملح
ضحكن اعيونك فرح وعيوني صارن ملح
وتكول ماكو فرق بين الذره والذره
اضيفت بواسطة:خالد البوناشي | البريد الالكتروني: kjam62@yahoo.com
|
|
بطرواك طول العمر صبح ومسه ذاكره
ولتكول عني ابد هذا الولف ذاكره
كليبي ناسي وامس طيفك اجه ذكره
طالبني رغم الجره بحنيه خايب شحن
ودموعي جي سافرت من عيوني صدك شحن
دبدوبي عالشاحنه ومن كال تم الشحن
كلت ارسل الروح جاوب ممليه الذاكره
اضيفت بواسطة:كرار عبد الاله السلطاني | البريد الالكتروني: ;karar_120120@yahoo.com
|
|
يابو الزعل ناضري دم يكت من نشفه
بس دهل خل بالحجو نشمت ونشفه
مرضه بسب فركتك ولوجيتنه نشفه
من حيث كلش زحم ياعزنا بعدكم
ماعرف حجي الصدك يمن يصح بعدكم
ياساعه كلش تمر شوطولت بعدكم
حته افرح بجيتك واسمع جمل ناشفه
اضيفت بواسطة:خالد البوناشي | البريد الالكتروني: kjam62@yahoo.com
|
|
