الى من يهمه الأمر
بمنشاري لنحت كلمة اهواك وانشرهة
وياما دمعتي يبلهة الشوك وانشرهة
قابل بمحبتك يجيني بخيرهة بشرهة
لنك ملكت الجسد من جدمي لشعاري
واهواك حد ماصرت دستوري واشعاري
وان مارضيت بكلمة اهواك بشعاري
لطبع احبك على الانترنيت وانشرهة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
هذه زهيريات العيد للشاعر المبدع مالك الحزين ..
من صوبه ..
الوكت گلبو علينا بلوك من صبه
ومامره شفنا الفرح هل يمنه من صوبه ( من الجهه )
يذري سمومو علينا تگول من صوبه (صوبه تدفئه)
ينطي الخلايج هنا وانطانا بؤس احنا
وحالف علينا نظل اصحاب بؤس احنا
فرحانه كل البشر بالعيد بس احنا
نعيد بفواتح حزن وبيوت منصوبه
...........................
ماظل طعم للفرح والعيد منلنه
جف الحزن للهضم وابعدنه من تلنه
دور عمرنا المضى منا اولنه من تلنه (تالينه . احرنا)
نيران تسوى الگلب ورت گفاه وجاي
ومن حر لهبنا الجمر يتوگه منه وجاي
عيد علش تعبت نفسك علينه وجاي
ياعيد محنا الك يا عيد منت النه
تحياااتي ابن حديثه
مصطفى سامي الحديثي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
وكفته نص الدرب كتله ولو ثانيه
جبروني اهلي ترى خلوني احب ثانيه
وبشرني انه ازله ولى اصبحت ثانيه
وحلفلي هو بالله تبقين انتي اوله
ولمن شفته صدك رد حبنه مثل اوله
لوردت ولفك صدك تسال على اوله
ول ماتعرف اوله لتعاشرة ثانيه
******************
راح وكسر خاطري لملم اطيوفه وشال
ونهر المودة نشف ظلت جروفه وشال
والزمن ما عافني رد على الجفوف وشال
وما عفت انا عشرته قلبي اعلى حبك ضل
وللهجر شوتعتني ؟وعلى الوصل قلبك ضل
بجتاف اغطي الشمس وبالصيف الملك ضل
ولو مر عليك الشته لفني على صدرك شال
********************
يافرع الطول يالمضبوط حسنك كرم
جود بوصالك علي وحسبه منك كرم
عنكود حلكك رسم مرسوم جنه كرم
سبحان ربي الذي يمتلك قوة وحول
بزنبيل حسنك نزل حول لشخصك حول
يفقد جمال الوجه بعيونه يطلع حول
وشكد جميل الحول بعيون نجوى كرم
اضيفت بواسطة:عمار العراقي | البريد الالكتروني: am_ammad@yahoo.com
|
|
يمه رمانه الهوى وحيلي بده محلل
ونا بلگلبي سعرت ما شافهه محلل
ناديت ولفي تعال بشوگ وامح اليلل
واكرب عليك النبي والواحد الاحد
وزيح هم اللبده من الاثنين لللاحد
وانه ييمه ان متت لا تتهمون احد
جتالي ذاك الترف ماهوب ومحلل
اضيفت بواسطة:ميسر (ابو دعاء) | البريد الالكتروني: ms_kh87@yahoo.com
|
|
مامش صديج الذي لمن تسره يسر......
وبهالوكت مايصح زلمة شدايد يسر.....
وبجوف الانذال جم سبحه بطبعه يسر....
دنياك هيج اصبحت ياصاح واتعس بعد...
والظيم بيه كثر ماضن تعده بعد......
والوفى كوطر ياخي ودربه علينه بعد....
ولجدام الانذال جم نشمي تشوفه يسر.
اضيفت بواسطة:زهير الجابري | البريد الالكتروني: iraq_alrafdin@yahoo.com
|
|
يا ماخذ من الكمر خديدك من غزال
البر أخذت أللحض وي خصرك المنغزل
حاير بوصفك شكول من شعر من غزل
تمنيت عندي جنح فوك السمة واركبة
وانطر خيالك وظل طول العمر اركبة
حق اليلوم الكلب ما شاف ذيج الركبة
ولا شاف شعر من خيوط الشمس منغزل
اضيفت بواسطة:انا الغريب | البريد الالكتروني: لا يوجد
|
|
شوكت وياك ياولف الجهل نصفي
واحنة برد الشتة من حبكم نصفي
صرنة باحرالشمس وانتة صرت نص في
من حيث نارك بلب حشاي وعماها
اني المساري عليكم دوم وعماها
ان جان همك صعد على عين وعماها
من كثرهم الجسم صابوا شلل نصفي
اضيفت بواسطة:انا الغريب | البريد الالكتروني: لا يوجد
|
|
ممنوع عني الفرح مامرني بس الهم
عزاز يومن مشو مانحت بس الهم
اطحن بجمر الغظه هامات بس الهم
يبقى عدهم رسم لاوالذي انزل
محكم كتابه وابد عن دربهم منزل
دفان گبلن تحط اللبن بس انزل
اطبع بشفتي على الخدين بوسه الهم
اضيفت بواسطة:احمد الغريب | البريد الالكتروني: لا يوجد
|
|
يا منبع الجود يا بحر الندى ما شفت
صديت عني وعلى كل الاعادي شفت
تميت حاير بأمري وبس اعض الشفت
وبقيت ااداري الاناذل وصفك الراحات
وتلومني يا فتى كيف اصفج الراحات
كلت اترك الراح بلكي اكسب الراخحات
زاد العنى بالترك ما يوم راحه شفت
اضيفت بواسطة:shosho | البريد الالكتروني: لا يوجد
|
|
خيم علينا الفكر من بوش جا غازي
بانزين ما يلتكه لا كاز لا غازي
وطيور بيها بله لابيض لا غازي
ولا صوصي ينقر بعد لاديك لا وزة
والوجبة ضلت اسم لاجاي ابو الوزة
اجمع سجور وحطب لتنوركم وزه
لئن رجعنا بوش النذل لعهد الملك غازي
اضيفت بواسطة:دلشاد العراقي | البريد الالكتروني: dilshad315@yahoo.com
|
|
ياصاح كلبي بغيرهم ابد ماهوى1
بلب الحشا وهم النشمهم هوى2
حيث السلب مهجتي اسمر مرومح هوى3
يتاجر بحبي وطلع ودعاني شبه الفحم4
يهلن اعيوني دمع مثل الطفل ليفحم5
اللي صبغ هالكلب ودعاه جنه فحم6
خلوني بس اسئله يعرف العشك والهوى7
اضيفت بواسطة:ارشد مزاحم | البريد الالكتروني: arshdmzahem@yahoo.com
|
|
بسم الله الرحمن الرحيم
اهي الى الاخوه فلاح البصراوي وضياء والى الاخ من سد حديثه لانه اني هم من حديثه هاذه الابيات وان شاء الله تعجبكم
تميت انوح بحون مهموم انعي وارد
على هلغوالي الگبل جانولي مثل الورد
اغرف اغرف يگلبي من بحور المرار وارد
ليما يسلك عنين بجاك والافئفه
يا داراهلنه جذب لو لج معاهم وفه
ماجان بيج نبت عگب الغوالي ورد
مع تحياتي لكم دوما عمر ألانباري
اضيفت بواسطة:عمر | البريد الالكتروني: ha_ha7850@yahoo.com
|
|
سهام سهام رمت لب العقل شيماء
وعاجبني فوك اللحظ يا منيتيشيماء
امي امشي بزودج مثل الجبل شيماء
وارمي بطرف اللحظ عالينظرون سهام
عيني تسوين كل الخلك ومن الاموال سهام
ولو خيروني بمنى ونادية وسهام
كلبي علية يحكم ماريد بس شيماء
هذا هدية الك خوية عاشق الشيماء بس هوة مو الي وهذا للامانة الادبية
اضيفت بواسطة:عابر سبيل | البريد الالكتروني: ms123ms2003@yahoo.com
|
|
اهداء الى كل العراقين بمناسبه العيد
واهداء خاص الى احمد المصلاوي
طيف العزيزين كل غيبه شمس ياعيد
من يوم شالو غفاهم وحادهم ياعيد
هم ذبلوك على سنين الهجر ياعود
بين عليك جثير الشوك من لونك
وبنار حبهم مع الغربي يملونك
جانو احبابك يخايب مايملونك
ياعيد علش اگبلت من دونهم ياعيد
لو يرهم نگول بالمرسال عن الهم
انو دليلي بنار الشوگ عن الهم
حسيت جسمي ورة المچفين عان الهم
وانو الحوادي تشومل عالرحيل وعيد
وناديت ياسامعي گصر شويه وعيد
الناس تضحك فرح لو مر عليهه العيد
واني دليلي صباح العيد عن الهم
اضيفت بواسطة:احمد الغريب المحمدي(الحر الجريح) | البريد الالكتروني: aorora2003@yahoo.com
|
|
هذا الزهيري للشاعر مالك الحزين
ملعون كلمن رضخ للأجنبي وغراب ( غربه)
مالو نكر ملتو واصبح مع الاغراب
تبقى شمسنا ضحى شما مر عليها غروب
وتبقى الشجاعه سما معدوده بسمانا (اسمائنا )
وتبقى العراقه الاصل تلگاها بسمانا
احنا جبال الارض عالين بسمانا (السماء)
وگلي شظر الجبل لو حام فوگو غراب
تحياااتي
مصطفى الحديثي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
النـاس في راحتـةٍ وانا في شقـا وامْـرارْ
والماي يصبح بريجـي به مَـرار وامْـرار
ما طيـج انا الـزاد به بعد الحـلاة امـرار
يا متلـف الـروح يلّـي ما بحالـي شَعَـرْ
شمتـان في بلـوتي من يوم غنّـى وشعـر
الراس صـابه صـداع وما بُقـى بهْ شَعَـرْ
يا أهـل الوفـا بس قولولـه يمـر امـرار
*********
من عاب عابـوه فـي نسْبـه وفـي حسْبـه
العيـب في داخلك ياشيــن بـس حِسْ بـه
عيبـك عـدد شعـر راسـك عـدّده حِسْبـه
منتـه مـن اللـي غـدا للمـرجلـه كسَّـاب
أصـلـك رديٍّ ولا انـت بـالكـرم كسَّـاب
ومن يسمـع السب ويرضى هو ترى كسَّـاب
قالـو بالامثـال كـل حسبــه ولها حِسْبـه
***********
قلبـي دعيتـة من الفرقــا كمــا منخـل
والكبـد ذابـت تقـول امطلّعَــهْ من خـل
ماكـو خليـلٍ مـرض الاّ جِفــا من خِـل
عذّبتنـي يـا مليــح الــزول و الوقفـه
يازيــن زولـك اذا هــو اقبـل او اقفـه
خُبـْري بـك العــام اذكـر ليلـة الوقفـه
واليـوم دارت سنـه وعقلـي غـدا مِنْخـل
************
لـه معـدنٍ كالذهـب زلات مـا ظـن لـه
يا زيـن مستقبلـة ويازيـن مـاضـنٍ لـه
واضح وضـوح العَلـَم لـو تِهْـتْ ماضِلّـه
كريم نفـس وبطـل وقـت الفعـل ماضـي
يأبى المهانـة جـزوع بحاضـر وماضـي
فعـل الرجـال افعلـة و بخطتـة ماضـي
أبصم بعشـري وغيـر العشـر ماضٍ لـه
*********عشـريـن عـامٍ اقـيّـد بالليـالي وَعِـدْ
يا عونـة الله تـرى وعد الحرايـر وَعـدْ
يا ما شـربنـا زلالٍ من شفـاكـم وعِـدْ
عشـريـن عام أتحـرّى قبْلتـك لي تهـل
مثـل الذي ظامـيٍ ينطـر مـزونٍ تهـل
انظـر نجوم السمـا ودمـوع عيني تهـل
واقـول يا يوم جيبـه لي سـريـعٍ وعَـدْ
************
زرْنـاك ويــومٍ للـزيـــاره عيــد
وشهالقطـاعه شَـرَدِّد يا زمـن شاعيــد
ان قلـت متكبّــرٍاقـول ما هـو بعيــد
وان قلـت شايـم بعـد يا حـول يـاقـوّه
مااقدرانـا اقـول يا بـالطّيــب يـاقـوّه
يكفينــي منّـك سـلام وكلمـتـك قـوّه
وما كل يـومٍ ترى هو للصبــايا عيــد
*************
ادعَجْ غَنَـجْ غَضْ بَضْ امْقرْمـزات اشفـاه
زار المريـض ويضـن بـزيارتـه اشفـاه
مـايـدري انـه مُحـبْ وفي شفـاه إشفـاه
يا زاير اعرف تـرى كل امرضـه باسبـاب
هجر وجفا منك مع حاجـب مهو بَـسْ بـاب
واصبح سجيـن وغـدا كالمنْربـط بسبـاب
وَلَّـتْ حياتـه وراحـت فرحتـه وشفــاه
**********
يحتـاس بالـي وفكـري لامن اسْمِـكْ وَرَدْ
واهيـم هـومات وبابـكْ رايـحٍ لـه وَرِدْ
مثـل الـذي يلعـب اللعبـات صَـدٍ وِرَدْ
عِقْـب الوفـا والوصل حطيت لي حاجِـبْ
عافت عـيوني الكرى ومن الاكل حاجـب
ياناس ما صـار عيـنٍ تِعـتِـلي حاجـب
فـن كِنْت انا مرْ فالحنضـل اصـوله وَرِدْ
************
انتـم ترهمـون لي وانـا لكـم مـرهـم
ارهـم مع اللي لجرحي بلسـم ومـرهـم
وأرهـم معَ اللي يْتشـرَّه ليش ما مُـرهـم
وأرهـم مع من فقـدنـا سـاعـةٍ مَـرنا
وأرهـم معَ اللي يشـارك حلـونا ومُـرنا
وأرهـم مع الابتسـامـه وكِلْمِتـه مـرنا
ولا منّي مـرّيت يعاتبنـي بَعَدْ مُـرْ هَـمْ
************
أهـل الوفـا وين غابـوا واختفـى ظلهـم
تمّيـت ادوّر نزلهـم بس ذكـر ظـل لهـم
بالامـس ما جد عنـاهـم واحــدٍ ظلهـم
مـن البعـد دوم بس تسمــع فناجيلهــم
أهـل الشهامات راحـوا وانفنـى جيلهــم
يا مـالك المـوت اطلبنـي فنا جـي لهـم
يطيـب لي قربهـم واسعـد بمـاضٍ لهـم
************
كلنـا مزاييـن وانـا بينهــم كحلــه
كًحّلْ لـي الكـاس انا خرمانـةٍ كحلــه
لاتشوفنـي عقب كاس تقول ذيك احـلـى
الكـاس الاول يغيـر سُمْــرتي شقــرا
وتغور عيني ولا اعرف شَكْتِب او شَقْــرا
وانسى هلي ومنبتـي وْحْبَيْبِتـي شقــرا
دنيـا إتْـرَنـّق اراها صفـرتةٍ كحلــه
*************
ضـاحي تشَـرّهت وما في الشره شي يبنـي
ضـاحي تعبـت بـربـاك وشـوف شيّبنـي
ضـاحي انـا معك شـي يهـدم وشي يبنـي
خلنـا نتفـاهم يا ضـاحي خـل يقـوم البنـا
الـوقـت مـا ينلحــق يالله تــرى ولبنـا
جــدّك لاجلنــا يعـاف إحْليْبتــَه ولْبِنـَه
مـا قـال ولّيـن إلهـالـدنيـا إشّيّـيبـنـي
*************
أنصـاف الحلول مو كل حال فيها أنصـاف
والأثـلاث يا ذا الربـع ما تستوي أنصـاف
وما يطير طير إنّتف ما يطيـر الا إن صـاف
هيهـات مـا يجتمع حاضـر معـا ماضـي
مشعـاب في محزمك مـو خنجـرٍ ما ضـي
وسـمي مـا يلتفـت لا صـوّتـوا ما ضـي
وِرقيّـه مـا تلتفـت لا صـوّتـوا انصـاف
اضيفت بواسطة:وقاص العبيدي الانبار _ سد حديثة | البريد الالكتروني: shadoman_80@yahoo.com
|
|
عيد ودليلي هضم عشرين عام يعيد
ابچي ونوح وعلى بچاي الزمان يعيد
العيد لمن يمر عالمسعدين اي عيد
لاكن عليه هكبت البين لوجاني
ماريد اشوفو ولاني بيوم لوجاني
مالوم عگلي صباح العيد لو جاني
لان لوجاني العيد كل حزنن قديم يعيد
*********************************
عيدي علي الحزن يادنيتي عيدي
وعيدي جروح الگلب باسرع وقت عيدي
راح العزيزگبل وياة مواعيدي
وماشفت ابد فرح بچفاه بس وني
وياترف سور العشگ لايوگع بس وني
عيدك سعادة وفرح يازين بس اني
وضيم ومئاسي وشگه وهم وقهر عيدي
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
هاي محاورة بين شاعرين
مالك الحزين
مارحتي هذا الكلب بوصال مره انتي
ومرنتي كلبي على الهجران مرنتيه
ردنه تمرين مره بشوك مره انتي
ما ردنه منك ذهب بس شوف وجهج بس
وشحيتي بمواصلج ليما هرشنه يبس
حلوه وشبيه الكمر وخدود تسحر بس
مره انتي رغم الحلات البيج مره انتي
رد برهان العراقي
السمر زادن عذابي وضيم في همنه
واصبحنه جنه بعيون السمر فهمنه
اذكر سمعنه اغنيه بلسان فوه امنه
ياحلوه مري بزعل لدياري مره انتي
تطفح غديري اذا تملين مره انتي
شلون حلوه وكمر وتكول مره انتي
خربطت يمنه الغزل بس عود فهمنه
رد مالك
جرب وظوك المكر بصحونهن مره
اتوب وبعد ما تمر لديارهن مره
بيهن دهاء شكثر ادها من اخو مره
وبيهن نجايد مثل خيل التبك برهان
وبيهن اتعاند يلو تلكه الف برهان
ماحاجه تسال ولا تحتار يا برهان
حلوه حلاوت شكل بس بالطبع مره
عيونك اسهام انبتن بكليبي ومخالف
ضليت اون بعبرتي اعجاز ومخالف
اشلون املك وهم سمعت مي خالف
المجرى ورجع بالعكس رد وصعد راسي
حبك كتلني وغرامك با الكلب راسي
وايد بس لو متت توكف عند راسي
وتكول احبك ولو با الچذب ميخالف
واجب علينا نجي وانزوركم لو ما
هرج العواذل كثر ياخلّتي ولومه
لو آني أعرف سحر جان اسحرت لامّه
من زود حبك بالكلب وليه وله فيك
من سنين كلبي نفطر لوما الهيه فيك
وان يوم صابن عطش ابقى انا الهي فيك
لانّك بالنسبه الي انت الهوى والماي
--------------------------------------------------------------------------------
يا صاح تحت الصفر مقياس حالي صفه
حكمي مؤبد صدر وسنين اكسر صفه
ابحر الاوهام اغرگت والمي عليه صفه
لا لي صديق وفي ولا لي رجه بقاربي
والدنيه مثل البحر صعبه بلا قاربي
يا دنيا كافي بعد شويه علي قربي
سايم عليكي النبي وبجاة مروه وصفه
ياصاح هام الكَلب بيه من شفتها
وانزاح هم الكَلب لحظة شفتها
سعيد عمر ار توى من مي شفتها
وراها ماظن بعد بيوم ابدن ظما
امنيتي آني من العمر منها اتحَصَل ضمه
لو طاع هو وسمع بكَلبي أنا اضمه
ومن آني احس بعطش شفته ارشفتها
اضيفت بواسطة:فلاح البصراوي | البريد الالكتروني: as2007flah@yahoo.com
|
|
شرها
ياروحي أخذ روحي وعالخلكَ شرها ............... علﮔها
بس ألك حُبهه ولليحسدون شرها ............... الشر
أحبك أودك شنساك شرها .............. شضعف
وإنته حُبك كالجلد والعظام ................ العظم
وصيتك عبر ليلى والعظام .............. المشاهير
ماظمه الماي ﮔلبي ولع ظام ............. عطش الولع
وروحي بمحبتك الحد اليوم شرها ................ جوعانه
ونصه
أبد ماطيح حُبك العالي ونصه ............... أنزله
يظل عالي الصوت حُبك وان صه ............... لو سكت
أجالك من الﮔلب مرسال ونصه .............. مضمونه
ماروى حُبك ﮔليبي ولك ضام .............. عطش حُبك
ولاطلع حسنك الغيري ولك ضم ............. الضم
ترى عاف لجلك هالبشر ولك ضام .............. أحتفظ بيك
وممنون ربعين الـﮔلب يفديلك ونصه ............... النص
اضيفت بواسطة:ضياء العاطفي | البريد الالكتروني: alshaar_deaa@yahoo.com
|
|
يرد
ثوب أنتظارك عتكَ سويته بعدك يرد ............ ورق
وماظن شوگك ألي من بعد هجره يرد ........... يرجع
اسأل گلبك عن أفضالي ويرد! ........... جواب
يگلي مره فضلك أسويت إنته بعد ......... زايد
وبنص طريق الشوكَ يتركني وبعد ........ البُعد
وهمه بس ينسيني حُبه ويغلطني بعد .......... الحساب
وسيف هجره يضرب بگلبي ويرد .......... يگص
لاحنه
ياصاح الظيم من لاحكم لاحنه ................ صابنه
يفلش بگلبي بحقد لاصاب ولاحنه ............... الأنحناء
الهم مثل اللحن وبيه الوكت لاحنه ........... اللحن
دنياك ياصاحبي لعبة ورق وزار ............ زار اللعب
خلت الهم يجي ضيفنه وزار ............. الزياره
بس ماصحت وأله توزرت وزار ........... الوزاره
ومنه لاهمني فرح لاورد ولاحنه .............. حنة الرأس
اضيفت بواسطة:ضياء العاطفي | البريد الالكتروني: alshaar_deaa@yahoo.com
|
|
