لولة براسي عكل عكب الولف ماضل
وما جان ذيب الوهم فوكي هجم ما ضل
ناديت يا لامتي بدياركم ما ضل
ارفج معاهم يلولة تراب كلت الهم
كالولي ربعك اصبحت بالويل كلت الاهم
كالولي دمعك عجب ماسال كلتلهم
بجيت يوم نمشة ولفي ودمع ماضل
اضيفت بواسطة:احمد الغريب المحمدي | البريد الالكتروني: aoora2003@yahoo.com
|
|
انته مو حلفت وكلت ما احب غير حرف الصاد
شجاه الوكت واصبحت عني وصــــــــــاد
سيف الهجر خلاه بعيد وصـــــاد
تدري الگلب من طاع الك رايه
حاربت لاجلك انا وگلبي رفع رايه
فقت كل الحسن بالوصف صرت ايه
ياحيف انى النچر صرت بسهوله انصاد
تحيح خاصه لكل مشارك في هذا الموقع العراقي
اضيفت بواسطة:ابو يمامه | البريد الالكتروني: wameedhalani@yahoo.com
|
|
بيت زهيري منقول ..
من يوم حبك تره ناري اصبحت لاهبه
والصبر بيه التهه وانه اصبحت لاهبه
لاخير منك بدر لاشكر لي لاهبه
رب الحسن بس الك كل الحسن موهبه
وذوق تأليف الشعر عندي صبح موهبه
كالولي من محبوبتك صحت وكلت مو هبه
ضحكو وردو علي كالو چذب لاهبه
اضيفت بواسطة:ابن الانبار الوفي | البريد الالكتروني: لا يوجد
|
|
هذا بيت من الزهيري منقول ..
سبحان من صورج بأرض الصحابة علم
بغداد اسمج فكر دين وحضارة وعلم
خلي يسمع الماسمع وحتى الدرى والعلم
بنت الرشيد اعتقد تابى تظل مايلة
وان جفت ارض الوطن دمعي يصح مايلة
شخص الرصافي بقى ثابت ابد مايلة
وتبقين انتي اصل فوق العروبة علم
اضيفت بواسطة:ابن الانبار الوفي | البريد الالكتروني: لا يوجد
|
|
|
ياصاح اسمك حلولنك بسم ميسره وكل شده يا صاحبي لا بدلها ميسره ياصاح دمعي يهل لاكن شبه مي سرى من يوم فركاك ياصاحبي ودمعي يهل انتظرجيتك انا وانظراهلالك يهل بيايوم اشوفك انا مسرور كلي يهل بشده عمرك بده وعمري بده ميسره
اضيفت بواسطة:نصير علي الجفيفي ابن الانبار | البريد الالكتروني: naser8892@yhoo.com
|
|
كصت شعرها الخلك بس مو مثل كصتك
وما شفت بين الخلك طولك ولا كصتك
جن انته ولا انس كلي شني كصتك
عجبني طيفك معاي يبات عجبني
وكلما اسوح بدرب الكاه عاجبني
تدري انته شنهو الفتني وبيك عاجبني
عاجبني كلك حلو من جدمك لكصتك
اضيفت بواسطة:سالم سعيد الجغيفي | البريد الالكتروني: salim_saeed69@yahoo.com
|
|
الاخ العزيز احمد الغريب المحمدي ضاف زهيري (وحدنه) الي هو نهايه قصيده ميلو بينه للشاعر مالك الحزين .. وانا اضيف زهيري بدايه القصيده
....
ظليت انوح بحزن مهموم انعي وارد
على هالغوالي الگبل جانولي مثل الورد
اغرف يگلبي من هموم المرار وارد
ليما يسلك عنين بجاك والافئفه
ما اطلب بضعنهم حيف عليه وافه
يادار اهلنا جذب لو لج معاهم وفا
ما جان بيج نبت عكب الغوالي ورد
تحيااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
هامات كبل بعلو وكت السقوط سقطت
واخلاق بعض الربع مدري شبلاها سقطت
ياريت ام النذل باول حملها سقطت
من كان قطعة لحم ومن الشهور اربعه
ياحيف باع الوطن بأوراق (100) اربعه
خله جرح بالكلب تاريخ (9/4)
حتى طفلنه بجه بغداد يوم سقطت
اضيفت بواسطة:ابو مصطفى اللـــــــــــــهيبي | البريد الالكتروني: chemistry_1983@yahoo.com
|
|
هذا الزهيري لشاعر الفرات ابو عوف(فايد ملحان الدليمي) حيث القى هذا الزهيري في مسابقة قصيدة التحدي..
ياطير هاك الگلب روح لهلي وصله
غلطان كلمن نكر من هم هله واصله
وعنهم يدير ظهره ويگطع حبل وصله
بنادم شما كبر وشما علا شانـــه
لا ينسى أهله شكثر ضحوا على شانه
ياطير بيت الأهل شان الجسد شانه
بكل عضو يسري الألم من تشتكي وصله
تحيـــاتي
اضيفت بواسطة:محمد الجبوري | البريد الالكتروني: mohammed84j@yahoo.com
|
|
بالطيف شفت الولف كمت وصحت ... ياهله
وحسيت لسه الكلب ويه العشك ... ياه اله
وانه ادري برويحتي بهذا الدرس .. ياهله
ولفراش طيف الولف رديت هايم ... وشم
بالكلب مو عل لحم اسمه طبعته .. وشم
حسنه ترس ناظري طول ومحاسن ... وشم
ترضون اجيبن هلي مشيه واجي ياهله ؟؟
اضيفت بواسطة:laith shahrestani | البريد الالكتروني: lshahrestani@gmail.com
|
|
سهم الجفه بالگلب ياصاح خلاني وشربت
كاس الصبربجفاك خلاني اهن علي اللي رحل مني وخلاني ابچي بدمع الهمل فوك الوجن مرسال واركب هدش الولف نوبه علي مرسال لو تفتكر ياحلو چم ارسلت مرسال تا تشوف ليش الگطع منك يا خلاني
اضيفت بواسطة:من مصطفى الجغيفي الى اياد الجبوري | البريد الالكتروني: aeidaljibwore@yahoo.com
|
|
من يوم شبيت شاباني الحزن والهم
اب للمصايب صرت ياصاحبي والهم
مافادني عل الاذى كل الصبر والهم
وكل يوم بحشاي جانون الهجريسره
وسوّّّّّه يميني الدهر ياصاحبي يسره
معلوم مذكور من بعد العسر يسره
ماگول سمسم صدگ لمن اگظ ولهم
*** *** ***
گلبي بودادك ترف من يوم شافك علگ
ويطيب من المرض لو حصل منكم علگ
شوباش اصيحن واحط ابيض بداري علگ
واذبح ذبيحه نذر وبيرغ بحيكم يرف
وانفض اغبار التعب وجناح طيري يرف
الشايب اشما كبر گلبه بهواهن يرف
خايف اگول وانجتل لوردت منكم علگ
اضيفت بواسطة:ع.الفراتي | البريد الالكتروني: aziz90iy@yahoo.com
|
|
يازين انت ذهب من كال عنك صفر
انه انتضرتك شهر عاشور كله وصفر
الوجه من شوكه الك بدل خدوده صفر
لان انت دكة كلب وبصدري انه معلمك
عالهجر يا منيتي منهو الذي معلمك
ياريت يرهم نقل واصبح انه معلمك
(90) احطلك سعي حتلو درجتك صفر
اضيفت بواسطة:ابو جنات الجبوري | البريد الالكتروني: ahmad_a787@yahoo.com
|
|
دنياي تمشي عكس ومن كل كتر مايلة
وسابج انهاري تصب وكل خوي مايه له
ناديت يامسندي هاك الگلب مايه له
تميت وحدي اون مهموم وبحالي
كاس المرار اشربت ما ضگت انه الحالي
ارجيت رب العرش ينضر على حالي
يعدل ضروف الدهر وما تضل مايله
اضيفت بواسطة:ahmed_gareb-mhmede | البريد الالكتروني: aorora2003@yahoo.com
|
|
هذا الزهيري للشاعر مالك الحزين
......
طعناتك غماگ ما فادن شداد والف
وعدن بالحساب فوك المئات والف
مر مره مره عشك وافطن لخلك ولف
وعلم بأني بشر واحساس وانساني (انسان)
وياما لحزنك صرت يا زين ونس اني (ونيس)
تيه انت وابعد مع التهواه وانساني (انسه)
واني وراك ان طبت بلكي الكه غيرك ولف
تحيااااااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
احنة سيوف الوطن بالدين هوحدنة
مايوم خفنة من الكلفات او حدنة
احنة سياك الدجة ونحود منحدنة
وماثار منة ابد بالناس والكوني
ويكون حدنة فلا تمناة او كوني
ونخانة لو حشمت وبساعت الكوني
نفنة العمار ولا عادي يطب حدنة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
ياصوتي علام صيح ومن منامي كعدة
وكلو نزيف الوطن ما ينكطع بكعدة
وحشمهة كلهة طفل شايب شباب كعدة
ياصوتي كلهم ترة بغداد ماسورة
وتلفهة سورة غدر وترده الف سورة
بلة يابة اشهضيمة وطنة منهدم سورة
وكوموا تراهي فلا ضلت عليهة كعدة
اضيفت بواسطة:ahmed-gareb_mhmede | البريد الالكتروني: aorora2003@yahoo.com
|
|
ابيع عمري برخص ياصاحبي بسمر
من كثر شوگي الك راس الگلب بسمر
ملكاك طعم العسل وفراكم بس مر
مرو علينه ولو بالعام لو ساعه
وسود العقارب على الدلال للساعه
وياولف تاه العقل بفراكم ساعه
والله يردلي العقل لو بس علينه تمر
وتحيه خاصه لاهل حديثه الشرفاء
اضيفت بواسطة:وميض ابو يمامه | البريد الالكتروني: wameedhalani@yahoo.com
|
|
اهدي هذا الزهيري لكل طالب بالجامعه وخصوصا جامعه الانبار
محلاها شمس الصبح كل يوم بالجامعه
الحسن بيها قمم من كل حلو جامعه
وانچان حبك قسم حبي الك جامعه
الحسن كله الك يابو قسم ترجمه
نظرات عينك حجر ياهو الليجي ترجمه
نظرات عينك حچي ارجوك وك ترجمه
تدري لو مو عيونك ما اجي واطب للجامعه
اضيفت بواسطة:وميض | البريد الالكتروني: wameedhalani@yahoo.com
|
|
هذا الزهيري اهديه ل احمد غريب المحمدي ولكل الموجودين والمشاركين
يازين طعم العسل مخزون في شفتك
روحي علي ترد لوله تحگل شفتك
شفتي تعاسه واسه صار الفرح شفتك
كلما اخلص خزن خزني عليه يعيد
وانچان ما صدكت هاك الجروح وعد
صايم ولا افطرت من مر عليه العيد
يصير اعيد وانته هلال ما شفتك
اضيفت بواسطة:وميض | البريد الالكتروني: wameedhalani@yahoo.com
|
|
