هذا البيت هديه لكل المشاركين وخاصه عاشقه الاسمراني
بقاموس قلبي تره بس اسمك انت ورد
والعطش ماهمني كلت الكه عدكم ورد
حسبالي انت الي وطشيت عمري ورد
ثاريك ابد ماتحب لن مسألت عني
ولاهمك انت الجره وشنهو سبب عني
مدامك انت الكلت روح ابتعد عني
رايح انه للأبد لضن احنن ورد
اضيفت بواسطة:الدليمي | البريد الالكتروني: love_toop2003@yahoo.com
|
|
ياساهر الليل كافي من السهر لامتى
الكبلك سهر على السهر واهل السهر لامته
صدك وحك الذي يشفع غدا لمته ضيم العليه جره ماعلى ابن ادم جره دم ودمع علوجن من النواظر جره
ضاق على شعر الكلب وبكل قساوه جره
شو نشرني بهوا ووادم غرب لمته
اضيفت بواسطة:عاشق الليل | البريد الالكتروني: amar_iraq_1987@yahoo.com
|
|
ما غاب طيفك عن عيوني ولا تنور
ولمن نجي عل الصدك تميل وتناور
زكلما اكلك ذبت اتكلي اتنة ور
كلبي بغرامك والك بيتن بنصة عمر
وصدك شما ابلعو يا منيتي بلعو مر
منة تقل حلاة البشر كلما كبر بالعمر
بس انت طبع الكمر من تكبر تنور
اضيفت بواسطة:ابو سارة الحديثي | البريد الالكتروني: zozo_200861@yahoo.com
|
|
|
سلماني وافتخر.... تمنيت تنشل يميني كبل جفك سالم اني.... ولا تضنحجيي خفت عكل لاسالماني ...انشد لو ردت تنشد وسل ماني...ناوي اسندك هم لو جبت غربال وتغربي...ومولان هذا اصلي واريد انغربي ....لكن ياصاح لو تنطح الشرجي والغربي .................................تشوف الخلك ترتجف لو ينذكر سلماني...ابو عبير...اريد رد
اضيفت بواسطة:ابو عبير السلماني | البريد الالكتروني: abu_aber20062000@yahoo.com
|
|
اي والعظيم الذي لم يولد ولم يلد
عصات وكتي بدت تيلد بضهري يلد
انه الجنت بالشدايد ماأهاب ويلد
ماجنت اضن زغير عندك اصيرا وهن
جي شفت حيلي ركد والجسم مني وهن
مريت واتشمتت ياصاح بيه وهن
مرن وماسلمن ماحطن ايد ويلد
اضيفت بواسطة:غالب سلام الياسري | البريد الالكتروني: ghabwo_ghabwo@yahoo.com
|
|
ياماخذ الروح ردها الخاطري ردهــه
ومن يوم هدت زلم چفي الك ردهه
ومن صابك انت المرض گلبي فتح ردهه
ومستشفى كلي صرت ومنك ردتلي اجناح
كسّرت جنحي وطرت هم تنكسر يجناح
بياذنب تحكم عليّ يامتــــــــــهم يجناح
كيديه تالي اصبحت والقاضي الي ردهه
اضيفت بواسطة:عامر العراقي | البريد الالكتروني: alsahr_al2007@yahoo.com
|
|
صرح المحبه انبنه بس عفته اني....شُهر
امنته سر العمر وبسري ذاع و.......شهر
وماطول بعشرته يادوب شفته.....شهر
وانه الچنت ساعده واتمنى خدمه...اسد
ولو ادري طبعه غدر ابواب گلبي....اسد
اعزل اجيته وخفت وهوه گدامي...اسد
وياهو اليجابه اسد لو حتى سيفه شهر
اضيفت بواسطة:عامر البغدادي | البريد الالكتروني: alsahr_al2007@yahoo.com
|
|
سألوا تعرف الفرح لا جاوبت معرفه
وسالوا تعرف الحزن اى جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه
للشاعر ضرغام العراقي /الديوانيه
اضيفت بواسطة:على الخالدي | البريد الالكتروني: لا يوجد
|
|
حتى لو اموت وكطعوني..
واذا اهلي وعمامي كاطعوني..
اتحدى جميع الكاطعوني..
واجيك واوصل لبيتك واخلصك..
تدريني انا احبك واخلصك..
ويا دمعي اريد انزلنك واخلصك..
ولو خلصوا دموعي كطعوني..
اضيفت بواسطة:عرااقيه حتى النخااع | البريد الالكتروني: لا يوجد
|
|
تخزرني خزره غضب ترفع علي حاجبك
وباالله ارد اسئلك عني منو حاجبك
انبده وياك بوفه موطامع وحاجبك
ياصاح انا اعتبر حبك الي ملك
تلعب عليه لعب مايوم كلبي ملك
وفوك البشر ياترف صرت بجمالك ملك
مادام صرت الملك خليني انا حاجبك
اضيفت بواسطة:رضاااااااوي | البريد الالكتروني: s_morteda@yahoo.com
|
|
مافاد كسر الدليل اجبار والحومي ايضا ولا فاد عذل الناس والحومي فراك الاودهم اهرى الثوب والحومي
وظهور الجمال من ثكل الحمول ادبرن
وجموع ربعي فلاظن بالنصيحه ادبرن
تدري شجرى بحالنا يوم الليالي ادبرن
صرنا فريسه لبوحصنان والحومي
اضيفت بواسطة:زيدان اللهيبي | البريد الالكتروني: Abu_zen50@yahoo.com
|
|
من يوم حبك ترا ناري اصبحت لاهبه
و الهم بيه التههو اني اصبحت لا هبه
لاخير منك بدر لا شكر لي لاهبه
ربي الحزن بس اللك كل الحزن موهبه
و ذوق تاليف الشعر عندي صبح موهبه
كالولي من محبوبتك كمت و صحت مو هبه
ردوا و ضحكوا علي و كالولي لا هبه
اضيفت بواسطة:ابراهيم الاعظمي | البريد الالكتروني: ibrahemksm@yahoo.com
|
|
موقع عراق الوفه وبيتي انا حاسبه
وهوه المفضل الي من افتح ال حاسبه
لويوم عنك غبت هاك الكلب حاسبه
اسمك صعد للنجم بالعالي عله وسمه
والشعر بيك انوصف صار الجبينك سمه
وكل عضوبيك ارتقه وبالصدر شد وسمه
انته الوحيد الذي حبك انه حاسبه
الشاعر سعد الربيعي
اضيفت بواسطة:الشاعر سعد الربيعي | البريد الالكتروني: alkeba_2006@yahoo.com
|
|
ياصاح خلي الگلب وكت الشدايد يلد
والخوف لو يگربك بلصوط يلده يلد
لتگول جسمي ضعف بس ظال عظم و يلد
المهم عزمك يظل مثل البحر رايه له
و ابخيمة اهل العگل زين الزلم راي اله
شخص اليذل النفس ما ترتفع رايه له
و كون الجبان و غبر ابتر يظل ما يلد
اضيفت بواسطة:ashjaan | البريد الالكتروني: linaalshekh@yahoo.com
|
|
كلمن ضحكلك جذب صدك تره جاملك
ولمن اشوفك تجي افرح واكولن اجه ملك
صوره جميله صرت وانه صبحت جامه الك
بس عني لمن رحت ضلت عيوني ترف
عايش حياتي عدم وانت حياتك ترف
صح انت ربك صورك وانطاك طيبه و ترف
بس عمري ما جاملت وهسه صبحت اجاملك
اضيفت بواسطة:ashjaan | البريد الالكتروني: linaalshekh@yahoo.com
|
|
زهيري للاعيبن منتخبنا الغالي
يبو لعب النضيف شكثر ___يونس
انشدك عن خصيمك هم شرد؟ __يو نس؟
وأسود الي دخلو الميدان __يوناس
واحدهم وجهه من الطيب __ وي نور/ وج نور
ويضوي بنص ضلام الليل __وينور
يضل محمي الهدف للدوم___وينور
وخصيمك لو يجفتك للهدف __جا سم
وتضل للكرم والطيبات __جاسم
لزم خط الدفاع بزود __جاسم
لان من دجله راضع لبن__حي در
ومنو مثلك للوطن __حي دور / احيا الدور
وكف ابن الامير الحيد__حيدر
وخصمك صبح يا حيد__باسم
وشرق وجه العراق اليوم ___باسم
ضبط جنح اليسار الشهم__ باسم
من احسن ينقل اللعبه __على احسن
ولو ضاكت يخي ذبهه __عالحسين
منو يلعب مثل لعبك __علي حسين
وياك الغيره من صباك __نشأت
ومو نشآه الك بالتاريخ_نشآآت
هنيال الحبيبه عليك __نشأت
لانك علخصوم تغير __هوار
جبال وسهول تصيح __واهوار
يعيش الفارس المغوار __هوار
ايس فريق الخصم والفوز عنه__قصي
يا دنيه احلى قصص عالمنتخب_قصي
دوخ صفوف الخصم هذا ابو سميره__قصي
من زود عزمك صرت للغانمه __كرار
هديت صف الخصم وانته لهم__كرار
خبطهم خبط يوم الهجم __كرار
اكو مثلك للعب يا حيد __صالح
بفوزك يخي بين الناس __صالح
شهم غيره وعزيمه يفيض __صالح
من الله هالمنتخب يا ناس__مهدي
حبكم من صباي وجان __مهدي
منهو الوكفه من صال__مهدي
وفرح كل العراق بكلتلك_ يـــــونـس
اضيفت بواسطة:warda | البريد الالكتروني: لا يوجد
|
|
وياك راح العمر بالحلوة والمُرَّه
وما راح من عمرنا ما عاد بالمره
ولو كنت تزعل علي مره بعد مره
وأرضيك وأرضى عليك وبلب على حالي
من يوم لازم يجي وأكون أنا لحالي
ما كن عشنا سوى بالمر والحالي
ومن فات ما مرني معقول أنا أمره
اضيفت بواسطة:الشاعر/ د. شائم الهمزاني | البريد الالكتروني: shaham4@gmail.com
|
|
عباس شمره علي وحملاته لازمهه
والرايه بي تفتخر بيمينه لازمهه
يالتكصد لحضرته كضاي لازمهه
ولو زعل راعي الوفه تجدح عيونه يمر
بالنهروان العسل بالريج خلاه يمر
والزلم عالكنطره من كدر منهه يمر
من يعبر الكنطره وعباس لازمهه
اضيفت بواسطة:عمار الطائي | البريد الالكتروني: ammar.muslim@iraqiaf.org
|
|
بجروحي العب لعب بس هالجرح خله
وياوكت بس يلجم راد الكلب خله
ومن كثر ظيم الهوى صاب العكل خله
ما اعتب اعلى الوكت وياك جي ما طاب
بس اعتب اعلى الجدم حيف اعله بيتك طاب
داويت جرحه بدي واتعبني لمن طاب ومن صار بيه الجرح حفنه ملح خله
اضيفت بواسطة:للشاعر المبدع عادل محسن | البريد الالكتروني: ammar.muslim@iraqiaf.org
|
|
محلاها شمس الصبح كل يوم بالجامعه
الحسن بيها قمم من كل حلو جامعه
وان جان حبك قسم حبي الك جامعه
الحسن كله الك يا بو قسم ترجمه
نظرات عينك حجر يا هو اليجي ترجمه
نظرات عينك حجي ارجوك وك ترجمه
تدري لوما عيونك ما اجي واطب الجامعه
اضيفت بواسطة:حبيبة روحي (جامعة البصره) | البريد الالكتروني: iraqiina_2007@yahoo.com
|
|
