روحي سواها القهر همها مع ريحا
من غاب عني وشذر عيني ومحاريها
منهة تحريت بس هاذي ومحاريها
تاخذ عزازي وعلي حكمك يوكتي دار
وتصبغ هدومي عكب لون الفرح بالدار
امشي وسفنة الحزن بس من اجي علدار
عبرة تخنكني اذا جيت بمحاريها
اضيفت بواسطة:احمد ال محمدي | البريد الالكتروني: لا يوجد
|
|
لو عسعس الليل أشب وأنوح وألف
حسبات كلبي عقد مابين مية وألف
جرحي تحبر بعد مابية شد وآلف
ومنوزل يدمع الحزن بالعين تاسيلك
ومسعد يمالك جثير كلوب تاسيلك
حرام مالي شغل مريت تاسيلك
حزن المضيع وطن مثل لمضيع ولف
لو عسعس الليل مال الطم وأنوح واطن
نايل مفارج هلو وهموم وزنة وطن
على هل العراق الذي جدام الأعادي وطن
ارضو عكب مازها وياحيف زرعو يبس
ومامرة زار الفرح مر على ورودو وبس
حزن المضيع ولف يكظي وبسيطة بس
حزن الثكالى يخي حزن المضيع وطن
اضيفت بواسطة:احمد ال محمدي | البريد الالكتروني: لا يوجد
|
|
اريد اشكيلك من هذا الزمن يسرى ...
عاداني الوكت وما شفت بهذا العمر يسره...
انا انسان شاف الضيم وما من خبر سره...
حتى لو تصير ويفرحني الوكت احس بالفرح منه...
وتشوفين كل اثار العذاب الي بالجسد منه ...
تصدگين صارت دگات الگلب يمنه....
عگب ماجانت دگات الگلب يسرى
اضيفت بواسطة:حمد رشيد الفراتي | البريد الالكتروني: alforaty_2005@yahoo.com
|
|
هذ البيت من الزهيري كتبته عند رحيل الاخوه من القسم الداخلي في الموصل ... واهديه لكل طلبة القسم الداخلي ... ايا دنيا ولا صاح بالدار خليتي...
وبفراگهم ولا دمعه بالعين خليتي...
يا دنيا مو عاهدينا نضل سويه؟ عجب بالعهد خليتي...
يا دنيا اكو بغلاهم وهل ؟...
اكو اغلى من اصحاب بيت واهل ...
وتنشديني عجب اذرف دموع واهل...
مو بفراكهم يوف وسط الحشا خليتي...
اخوكم حمد الفراتي من الانبار /القائم
اضيفت بواسطة:حمد رشيد الفراتي | البريد الالكتروني: alforaty_2005@yahoo.com
|
|
اهل البلاش اربحو والمالهم مصلحه
وانه الجنت لو خرب شي منهم مصلحه
بالقطعه لا تنتظر لو فاتتك مصلحه
من حيث ماضن يردبعد اليفوتك باص
واجفه شر العدى امشي عل دربك بص
هوايه كبل حضرتك بالعشك كصو باص
غير الندامه ابد ما حصلو مصلحه
اضيفت بواسطة:عموري | البريد الالكتروني: لا يوجد
|
|
من يوم شبيت شاباني الحزن والهم
اب للمصايب صرت ياصاحبي والهم
مافادني عل الاذى كل الصبر والهم
وكل يوم بحشاي جانون الهجريسره
وسوّّّّّه يميني الدهر ياصاحبي يسره
معلوم مذكور من بعد العسر يسره
ماگول سمسم صدگ لمن اگظ ولهم
*** *** ***
گلبي بودادك ترف من يوم شافك علگ
ويطيب من المرض لو حصل منكم علگ
شوباش اصيحن واحط ابيض بداري علگ
واذبح ذبيحه نذر وبيرغ بحيكم يرف
وانفض اغبار التعب وجناح طيري يرف
الشايب اشما كبر گلبه بهواهن يرف
خايف اگول وانجتل لوردت منكم علگ
اضيفت بواسطة:مشموشه الحليوه | البريد الالكتروني: لا يوجد
|
|
هذا الزهيري اتوقع للشاعر عبد الرحمن الجبوري
لمي ..
لمي يا دنياي حزن من الگلب لمي
وشوفي العل خدود دم الي نزل لو.. مي
لومي اليخون العشگ لا بس علي لومي
وغيري طباعو اذا راد يغدر غيري
وغيري عليه شلع گلبي الولف غيري ( من الغيره)
يل گلت اتي ورحت تلعب مع غيري
بسيطه لك اذا ما روح اگل لمي (امي )
تحياااااااتي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
والله ما شيدت فوك الرمال القصر
وفيت وأبقى وفي وما بدر مني قصر
العمر ما همني ان طال ولا كصر
تدري بصدودك علي كطع قليبي وصل
خايف سبب حالتي لابن الشماتة وصل
يوم نويت الهجر آني على قبلة واصلي
مدري تمام الصلا صليت ما ادري قصر
اضيفت بواسطة:مصطفى العراقي | البريد الالكتروني: Super_cupra_90@Yahoo.com
|
|
زهيري ارجو الرد عليه؟
صديقي البادلك بالطيب ردة
لاتجفي وتروح بغير ردة
ياحلو شافاني وركض بالباب ردة
جزاهة الطيب سد بابة علية
كلبي بهورت الوديان ملوه
وخلو حطب بالنار ملوه
حبيبي لكثر الجيات ملوه
سولة كل عشرة ايام جية سولة كل عشرة ايام جية
اضيفت بواسطة:ابو الحارث الانباري | البريد الالكتروني: an_m1985@yahoo.com
|
|
دموعي دبكن المزن يوم لعليهم چفن
وأيام سعدي عكب طيب الليالي نچفن
يجوز مني السبب بالحصل بينه جيفن
چفنه ألحرامي لفوا عالدار عز الظهر
ومرضينه حچي الصدق والجذب بينه ظهر
الناس تتنه الولد تكبر تحامي الظهر
واحنه عندنه الولد حصت الكبور وجفن
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
يا طيب الريح ريحك من نشمه ورد
ضعت بدلالك وكلبي علمصايب ورد
من ايدي القلم سار خط الحروف عني ورد
يمتا انتلاكه روحي رايدة مواصلك
اني بالانبار وانت ساكن بموصلك
صدكني ماجيك يم بابك بعد موصلك
ملتني الناس من كد ما اروح وارد
يانايم الليل جفني والمنام عداي
بحلامك اتيه واني على الهموم عداي
لوعات منك شفت يامهجتي وعداي
صابر على الضيم بلجي على اليحبك ترد
ويجيبك اللال ومن دمع البيابي ترد
كل ما ادك هاتفك واكول انته ترد
مشغوله الخطوط وندب قسمتي وعداي
يامن من سنين عمري صغت الك لؤلؤه
دربك ياعيني عدل من يمنا للؤلؤه
انته بحياتك عشت مامرتك لؤلؤه
هل اكثر هموم ياهو اني اعد وانت اعد
يغفر الزلات كلبي للترف وانت عد
رغو الشباب انتثر ماضنتي وانت اعد
حبل الموده يرد بعد الكطع وللوه
ياصاح مرني بسنه ساعه ولو خاطري
تفرح بك الروح لوجيت ورحت خاطري
جرح البلكبود لاتضنه لتام خاطري
عاش اللي سماج ياسلوى وصدك سلوى
انتي شفاي ودواي وعلتي وسلوى
اصحاب موسى انكروا من منها وسلوى
ياناكر الطيب لخاطر عشكنا خاطري
اضيفت بواسطة:وقاص العبيدي الانبار _سد حديثة | البريد الالكتروني: shadoman_80@yahoo.com
|
|
يا صاح لفني بقميصك لو لفاني البرد
ادفى على صدرك لو چامن عليه البرد
طول فراگك ولا بردت گلبي برد
ما صارت اوصاف حسنك بس عند يوسف
گربك فرحتي وبعد يا ترف يؤسف
دگني حدر الظلع مدري رمح يو سيف
ناحل تراني صرت باردني شوگك برد
اضيفت بواسطة:وقاص العبيدي ابن حديثة | البريد الالكتروني: shadoman_80@yahoo.com
|
|
وهذا الموال ارسله الشاعر امين ابو غربان وهو في ديار الغربه الى والدته من ضمن قصيدة سعد
يا صاح وكتي لعد كلبي بناره ويه
وشعندي حس حشمت عينً ولامً ويه
كوم انتخيلي تره مالي ويه الذل ويه
هل ماتجيرن وهل ماتنتخيلي وهل
ترضاهه ليه اضل ماليه دار وأهل
ماجنت اضنن يهل بفراك أهلنه وهل
يا حيدر أهلال اشد من فتنه روح ويه
وقد عقب عليه الشاعر منهل هادي ابو بيادر من عفك برد بصيغة قصيده منها هذا الموال
ياصاح انه جيت عاني معتني ياهلا
حامل بشارة فرح يا من نده ياهلا
يا حيدر انهض نخاك من البعد يا هلا
غيرك يبو حسين منهو الينتخي للندب
حبكم ذنبنه ولو ماحبكم ماندب
لديار غربه التخلف بالضماير ندب
وانجان ماتنتخي ياهو البعد جاه اله
اضيفت بواسطة:خالد البوناشي | البريد الالكتروني: kjam62@yahoo.com
|
|
شفاف لابس وانه روحي اعله روحه ترف
ما وصلت ايدي لعد خده وعرفته ترف
فتك جروح الكلب جندوب روحي ترف
طين وخبط مايتي مافاد اصفي وشب
في بحر العيون جم شايب الغرك وشاب
لو مر عليه شعل نار بضلوعي وشب
سلمت حالي وله راياتي كامت ترف
اضيفت بواسطة:Ashjaan | البريد الالكتروني: linaalshekh@yahoo.com
|
|
ياصاح ضيم الوكت من لاحكم لاحنه
بس ظل ظهرنه عدل لاقوٌس ولا حنه
لو نبته وحده تظل مزهر يظل لاحنه
دنياك ياصاحبي لعبة ورق والزار
ماتلحم فتوكها لا با لخياطه والزار
شدينه كل الحزم وموزرين اوزار
كل هذا وإلكم كَلب لا رفرف ولاحنـه
*****
اضيفت بواسطة:Ashjaan | البريد الالكتروني: linaalshekh@yahoo.com
|
|
طارت طيور السعد ما وگع بس طيري
وماكو لحن للحزن يا صاح بس طوري
اكتب مغثا واسى من اليوم بسطوري
غالي وجفاني وعصر گلبي بغيابه عصر
ومحد مثل حالتي اصبح بهذا العصر
انى اگدر انسى الصبح وانسى الظهر والعصر
اجاني الغروب واحبابي مالهم طاري
اضيفت بواسطة:ابو يمامه | البريد الالكتروني: wameedhalani@yahoo.com
|
|
تحيه خاصه خي العزيز محمود العاني في مدينه الموصل وهذا الزهيري اله
هم المعاهد يا صاحب الگلب القى سم
وهمو گلبي ككثرت ما نقص منها قسم
بس ما عوف انا خوتي ياصاح هذا قسم
ونسهر لراحة مود نرعاه ونباري
ونصير جار الوكت يا صاح ونباري
ولوماكو ولد من الشركاط وانباري
والله يا صاحبي نا اسكن انا القسم
وتحيه خاصه الى اهل الشركاط وتحيه خاصه الى اهل الانبار الطيبين
اضيفت بواسطة:ابو يمامه | البريد الالكتروني: wameedhalani@yahoo.com
|
|
ياصاح بالك تثق بلي يكلك هلة
يضحك على بجاك مافاد دمع وهلة
اطلب زماني تظل مايوم ليلك هلة
من غير شفت النذل خان بمحبتك دوة
حب اليحبك صدق والي بغرامك دوة
الخان حبك وفي مالوا الزمان ودوة
ازرع بدارو لغم وانسف البيت وهلة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
الله اليجازي هلك بحراب خلوني
خلوني تحسر على ملكاك خلوني
اسوة ودليلي بجفة وبالعكل خلوني
وسكنت طول العمر جوة الحشة اة ألك
منهة دليلي ذبل ما طيب راحة هلك
يول اني كل يوم اذل النفس واجي وكل الهلك
خلوني اشوفوا كبل ما موت خلوني
اضيفت بواسطة:احمد الغريب المحمدي | البريد الالكتروني: aorora2003@yaho.com
|
|
يامن فلا أنبك ودي وحناني وطب
هل يدي جرح الكًلب لا وصفه فادت وطب
حالي منهد فركًتك لاهو تشافى وطب
عاشرت كل الملل سلام وكفرها وصب
ياهو الأكًصده غرز سهمه بدليلي وصب
بسرداب ولفي إحفظت وعليه ساتر وصب
تاليها واشي غفل ليه إعتناله وطب
اضيفت بواسطة:Ashjaan | البريد الالكتروني: l_80_@hotmail.com
|
|
