|
يالماشي صوب النجف اخذ الوصل بالغه للمالكوله وصف اهل اللغه باللغه كله يراعي الفخر فضلك منو البالغه ثوب الولايه الم مفصل فصال وخام والعاف دربك تره تيه طريجه وخام ايات تشهد الك ياعلي ويشهد خم طه على روس الخلك فضلك علي بلغه
اضيفت بواسطة:قيصر | البريد الالكتروني: qr-md76@yahoo.com
|
|
|
ياصاح ماظل حلو بس مر000ضوكنة طعم الصبر وان الصبر بس مر000عيوني شتهت شوفتك يامنيتي بس مر000روحي بفركتك مايوم الفرح مرها000ولهانة في حبكم والشوك مرمرها000الدنيا حلاها حلو بس الظيم مرمرها000ياحبيبي لو سيرت بديارنا بس مر 000 تحياتي للجميع
اضيفت بواسطة:عاشق الذكريات | البريد الالكتروني: لا يوجد
|
|
من هم دليلي الحزن زود حزن ونهم
باسباب ذاك الگبل نركض وراه ونهم
چانو بعيني جبل ياصاحبي وانهم
جوه الوطيه بثلث ارباع وازياده
ونارك بگلبي اشعلهه وحيل وزياده
قسمت گلبي على العشاك وزياده
انطيه هديه للي يجيب اخبار لي منهم
اضيفت بواسطة:حيدر ابو حمودي الانباري | البريد الالكتروني: haidir_2006@yahoo.com
|
|
الروح كانت قبل اسباب وانهنتي
وهسه اني بجفاي شفت الضيم وانهنتي
شكد نصحتك واوجه بيك وانهنتي
مافاد بيك النصح كلبك علي منكلب
وكفي بسجل العمر مابيه تره منكلب
شفت اني غيرك بنت وحبيته من كلب
ويوم علي كربت دحكت وانهنتي
اضيفت بواسطة:قناص الحب | البريد الالكتروني: albahar_nt@yahoo.com
|
|
تميت احومي على شوفك بس اروحن وارد
وابغي وصالك واروم من المراشف وارد
مفروض ذكرك علينه باللوايح ورد
من حيث بسمك تتم فروضنا والدعى
ورضوان حسن الحواري بوجنتك ودعه
الورد قدم لوائح واشتكى وادعى
يگول انته الورد وشون تشتم ورد
اضيفت بواسطة:ashraf_alra7al | البريد الالكتروني: لا يوجد
|
|
حنظل خلاف المشو ياصاح حك الهم
بيدي زرعت الوفه ولا ضاع حك الهم
حكهم سعاده وانا مغبون حك الهم
جازوني حك الربى خلوني حاير والف
وياحيف عكب المضه للغير صارو ولف
ضليت شبه الهرم شايل بجيسي والف
اركض واجر بالتتن بالراس حك الهم
اضيفت بواسطة:احمد الغريب المحمدي | البريد الالكتروني: لا يوجد
|
|
بجروحي يلعب لعب بس هالجرح خله
وياوكت بس يلچم راد الكلب خله
من كثر ضيم الهوى صاب العكل خله
ما اعتب عالهوى وياك چيما طاب
بس اعتب عالجدم حيف عالبيتك طاب
داويت جرحه بدي وبعكلي لمن طاب
ومن صار بيه جرح حفنه ملح خله
اضيفت بواسطة:احمد الغريب المحمدي | البريد الالكتروني: لا يوجد
|
|
كون الله جدك ملك انسه وملك جنه
طبينه سوح الشعر صلنه وبعد جنه
وردينه والكل مثل عابس اخذ جنه
حبك على كل عقل يبن الولي مرهه
ويحسين أحس خدمتك مثل العسل مرهه
عمي يالتحمل أجنازتي لطف كربلا مرهه
جنة مثل حضرته ما ظن تصح جنه
اضيفت بواسطة:وسام الرافدين | البريد الالكتروني: w79r78@yahoo.com
|
|
احبك ما احب غيرك ولا احد
ان الي بوسط گلبي خليتك بلا حد
لو رايد تنسى وتعاشر غير احد
كول ولا تظن ازعل عليكم
بعد الي جرى ما مر عليكم
حقنه لو نزعل عليكم
تبقى الحبيب وما يسكن غيرك احد
اضيفت بواسطة:الغصون | البريد الالكتروني: لا يوجد
|
|
هذا الزهيري مهدى لشهد الشمريه من بغداد وتحياتي القلبه الها
دخيل الله عشكج يالغريبه شمر
ومن بعدج الحزن مره عليه شمر
اريد اكفكف عن ذرعاني وشمر
وحارب زمان عن الغالين بعدني
ماخنت العهد وعالوفا وياكم بعدني
ياريت الومن ينعاد مره وبيعدني
شيعي من اهل بغداد وهم من عرب شمر
اضيفت بواسطة:حمد الفراتي/ الانبار/ القائم | البريد الالكتروني: alforaty_2005@yahoo.com
|
|
الــــــــــــــــــــــــــــطـــــــــــــــــــــــــــــف
كلبـي الـك دفتـر شعـر واسمـك لَكلبـي جلـد
ايوب مَل الصَبـر وانـت اعلـى صَبـرَك جلـد
لَلـطـم وادك سـيـدي وبطَـفَـك انـــزع جـلــد
بعيوني رسمك ضوه راودني صحوه اوطف
فيضنـي حبـك نَبـع نيـرانـي بَخـهـا اوطــف
جم طف لَطَفك طفه جم طـف ذبحنـا اوطـف
جم شمر جانه اوشمـر جلدونـه لَجلَـك جلـد
اضيفت بواسطة:زهير الجابري | البريد الالكتروني: iraq_alrafdin@yahoo.com
|
|
يامن دليل المحـب مـن فرﮔتـك ينسـال
دمع الحزن عالوجن يالمهدي ظـل ينسـال
بﮔرابه ظل صارمك ليـه ننتظـر ينسـال
أنفض اتراب الصبر والصارمك رب ألـه
وأصدع بصوت العدل حيث البصررب أله
جدك علي عالعـدل رب العـدل رب ألـه
والكل يشبل الحسن عن نصرتـك ينسـال
.................................
حب النبي وعترته ابگلبي انغرس والعصر
بالدهر يقسم قسم باري الخـلگ والعصـر
لو عبد يعبد صبح مغرب عشـه والعصـر
لاچن نكر عترتـه احمـد الهـادي وآلـه
شنهو العذر بالحشر بالآخـره منهـو إلـه
والما يوالي الطهر فاطمـه وعقـد الولـه
ما ينجه من الگبر مـن ظلمتـه والعصـر
....................................
مايوم ثغر المحـب ضاحـج ظهـر نابلـه
وليل الطوارف دمـه مـن الجفـن نابلـه
جم دوب شخصك يظل موج الامـل نابلـه
للفرج مامـش درب مابينـت بـاب ألـه
صاح العراق بحزن مـن كربلـه وبابلـه
يايوم تفنـي الظلـم والغـدر والبـي بلـه
واللي بلانه..بسخط غيـض العـدل نابلـه
....................................
للشاعر ابو رضا السماوي
اضيفت بواسطة:زهير الجابري | البريد الالكتروني: iraq_alrafdin@yahoo.com
|
|
حــــط ورقــتــك والـقـلــم واكــتـــب عــلـــيْ مـايــلــي
دجــلــه وفــــرات انــوخــذ بــــس بــالاســـم مـايــلــي
والگال بــأســمــي ايــحــكــم مـــاجــــاك لا مــايــلـــي
حـطـنــي وحـقـوقــي الــوجــه كــــل الــدوايــر خـــــام
جـــوعـــان يــاهــالامــم عـــريـــان عـــايـــز خـــــــام
بـاگونــه وحـنــه انـعــرف مـــن يــــوم بــــاگو خــــام
ون غــاب صــوت الـشـعـب راعـــي الـشــرف مـايـلـي
للشاعر احمد ابو طبيخ
اضيفت بواسطة:زهير الجابري | البريد الالكتروني: iraq_alrafdin@yahoo.com
|
|
شنهو الجرى يا ترف وجهك عليه ثكل
وهم الذي على الكلب ياصاح زاد وثكل
ومن عكب ذاك الوصل جدمك عليه ثكل
كلت تعبان الترف ما كدر ليه يمر
وجرعت مر الوكت وجرعت حبك امر
اطلب تدلل علي انت تأمرني امر
بس ليه عندك رجى لا تبيع ابراسي ثكل
اضيفت بواسطة:حماده العراقي | البريد الالكتروني: mhamd_2008_love@yahoo.com
|
|
ما مرة كلبي سلاك وصار منكلبي
وكل ما اذكرك احس شتعل منكل بي
سنين واني على جمرك ومنكلي بي
انثر دروبك ورد ولكاك بئس انتة
ومحد سكن هل كلب يا زين بس انتة
يول اني الهويتك شلعت العين بس انتة
صديت عني وشلعت عروك منكل بي
الله اليجازي هلك بحراب خلوني
خلوني تحسر على ملكاك خلوني
اسوة ودليلي بجفة وبالعكل خلوني
وسكنت طول العمر جوة الحشة اة ألك
منهة دليلي ذبل ما طيب راحة هلك
يول اني كل يوم اذل النفس واجي وكل الهلك
خلوني اشوفوا كبل ما موت خلوني
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
هاذي الابيات تصيح الى الاخ الحديثي وارجو ان ينقيل البيت على اكمل وجه وبصورة كامله
الوكت گلبو علينه بلوك منصبه
مامره شفنه الفرح مر يمنه من صوبه
يذري يذري سموموعلينه تگول منصوبه
ينطي الخلايك هنه وانطانا بئس احنه
وحالف علينه نظل احباب بس احنه
فرحانه كل البشر بالعيد بس احنه
نعيد بفواتح حزن وبيوت منصوبه
ما ظل طعم للفرح والعيد من تلنة
جف الحزن لهظم وابعدنة من تلنة
ندورعمرنة المضة من اولنة من تلنة
نيران تسوة الكلب ورت كفاة وجاي
ومن حر لهبنة الجمر منة يتوكة وجاي
ياعيدعليش اتعبت نفسك ليمنة وجاي
يا عيد محنة الك يا عيد منتلنة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
الى الاخ عمر تصحيح بيت الزهيري بدايه قصيدة ميلو بينا
وارجو ان ينقل الزهيري بكامل الصورة الشعريه
سميت انوح بحزن مهموم انعي وارد
على هل الغوالي الكبل جانولي مثل الورد
اغرف اغرف يكلبي من بحورالمرارة وارد
ليما يسلك عنين بچاك وآلاف آفة
ما أطلبت ضعنهم حيف علية وافة
يا داراهلنة جذب لولج معاهم وفة
ما جان بيجي نبت عكب الغوالي ورد
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
ابچي ياگلب وخفف عن جرحك الهايم
حتى الزمن نگلب ضدك وصار هايم
هيج كل جرح ماضي رجع هايم
ولاتگدر ياگلب تغيير للزمن طبعه
من يوم انا نولدت هذا الزمن طبعه
اخذ مني الفرح وانطاني طبعه
وخلى گلبي بالحزن والقهر هايم
اضيفت بواسطة:الشاعره العراقيه | البريد الالكتروني: alshaira_com@yahoo.com
|
|
الى من يهمه الأمر
بمنشاري لنحت كلمة اهواك وانشرهة
وياما دمعتي يبلهة الشوك وانشرهة
قابل بمحبتك يجيني بخيرهة بشرهة
لنك ملكت الجسد من جدمي لشعاري
واهواك حد ماصرت دستوري واشعاري
وان مارضيت بكلمة اهواك بشعاري
لطبع احبك على الانترنيت وانشرهة
اضيفت بواسطة:احمد الغريب المحمدي | البريد الالكتروني: aorora2003@yahoo.com
|
|
هذه زهيريات العيد للشاعر المبدع مالك الحزين ..
من صوبه ..
الوكت گلبو علينا بلوك من صبه
ومامره شفنا الفرح هل يمنه من صوبه ( من الجهه )
يذري سمومو علينا تگول من صوبه (صوبه تدفئه)
ينطي الخلايج هنا وانطانا بؤس احنا
وحالف علينا نظل اصحاب بؤس احنا
فرحانه كل البشر بالعيد بس احنا
نعيد بفواتح حزن وبيوت منصوبه
...........................
ماظل طعم للفرح والعيد منلنه
جف الحزن للهضم وابعدنه من تلنه
دور عمرنا المضى منا اولنه من تلنه (تالينه . احرنا)
نيران تسوى الگلب ورت گفاه وجاي
ومن حر لهبنا الجمر يتوگه منه وجاي
عيد علش تعبت نفسك علينه وجاي
ياعيد محنا الك يا عيد منت النه
تحياااتي ابن حديثه
مصطفى سامي الحديثي
اضيفت بواسطة:مصطفى سامي الحديثي | البريد الالكتروني: prince_haditha@yahoo.com
|
|
