مجموعة ابوذيات
ضعنه وما لگينة مرعه لينه
ويطعم الزاد بعدك مر علينه
ولو بالطيف مرة مر علينه
واسولفلك زماني شسوة بيه


عطش گلبي بمحبتك ماي يتاني
وبعد ماظن ينطرك ما يتاني
تعال وشوف حالي مايتاني
بس الروح گوّه مچلبة بيه


دمعي اعليك فايض وين اكته
وتطيح دموم منه وي نكته
اناشد دوم واسأل وينك اته
تعال الفاتحة اقراهه عليه


ألگلب چم مرة فر منك وعدلك
وذنوب هواي أسجلك واعد لك
لجر ذانك واصلحنك وأعدلك
واجيبنك زحف وتبوس أدية


صرنة نجوم لكن ما لمعنه
وألف يا وسفه بختـك مالَ معنه
زعلك صار ماصخ ماله معنه
أراضيك وترد تزعل عليه

الشاعر المبدع زياد البصراوي