موقع العراق - البوابة العراقية الاكبر على شبكة الانترنت

  • الرئيسية
    		•  الجمعة 09/05/2008

    • المنتدى
    الدردشة
    دليل المواقع العراقية
    مباشر من العراق
    شكو ماكو
    اغاني للعراق
    صور العراق
    خريطة الموقع



    قصيدة اتمنه ياموطني
    اتمنه ياموطني ... اتمنه ياموطني ...

    ترجع مثل ما جنت

    حنه اوصواني او شمع ..

    واعيون من تنفتح .

    تعصر فرحهه ندى

    او تشرب سحاب الدمع ..

    واتمنه...

    اشوف الصبح ...

    بيه تنرسم صورتك ..

    ورده اعله شفة نبع ...

    يا خذ عطرهه الهوه ...

    وايدك شذاهه دوه ..

    يم كل كلب منفجع ..

    اتمنه ...

    اشوف الجبل متحزم امن السعف

    والاعضميه تجي .

    .باول اذان الفجر

    للكاظميه ابشغف..

    واتكلهه ..

    اندهي الولد .بغدادهم فرعت واتريد شيلة شرف ..

    ماتحمل ام الخدر تكضي عمرهه سبي

    وابليلهه تختنك

    واتصابح الاجنبي ..

    ترف اوجذب تحتمل تسحك عليهه السرف ..

    اتمنه ..

    اطب مندلي ..

    واكعد ابديرة هلي ...

    واطبعلي بوسة عشك ..

    وحده اعله وجنة عمر ..

    او وحده اعله وجنة علي ..

    والكه ..

    الرمادي حضن ..

    مامرة طور الحزن ..

    وابرقته ينفتح وايلوح اعله النجف ..

    اتمنه..

    امشي ابوطن ..

    مابيه اثر للجرح ..

    اولابيه صوره ال امس

    وابكل ..

    محله اطب والكه الفرح مزدحم

    مابين حنه اوعرس ..

    وابغيمة العاطفه

    الكه المحنه مطر ..

    وانجوم زركه اوكمر ..

    واطيور فوك الشجر ..

    ماتنحكم بالحبس ..

    واتمنه ...

    اطب البلد ..

    اوما اشوف اي مشكله ..

    او بالرطبه ازورن علي

    وابنينوى كربله ..

    والشطرة..

    من تختنك

    تشتم عبير الدبس

    الله ياموطني ..

    ميزات الك هاكثر

    عد الدول تندرس ..

    مايك دوه الكل جرح ..

    شمسك ضوة الكل شمس ..

    كاعك نضيرة عدن..

    سحرك دوه الكل نفس

    طينك ذهب من ذهب

    او ما يسوة غيرك فلس

    مايسوة غيرك فلس
    الشاعر الدكتور فلاح الزيدي

    اقسام شكو ماكو ♦ اخبار منوعة
    ♦ برامج الكمبيوتر
    ♦ معلومات عامة
    ♦ سيرة ذاتية
    ♦ فن تشكيلي
    ♦ شعر شعبي
    ♦ مواقع مفيدة
    ♦ اخبار رياضية
    شعر شعبي
    قصيدة (أمي) - للشاعر غانم الفياض

    امي .. امي سجادة صلاتي
    بليل الولاية الغريبة

    و امي اجمل لوحة بعيون الحبيبة

    امي الولاية الوحيدة التنطي كلشي ... تنطي كلشي بلا ضريبة

    امي تاريخ العراق بين ايديها

    امي يا طير الاشوفة يكول سلملي عليها

    امي ما تعرف تعاتب و العتاب يضيع باول ضحكة من نكبل عليها

    بس تموت من القهر بالعيد اذا محد يجيها

    و احنة ننذب شوكـ و نعرف حزنها
    مثل ما جنا كبل وكت الطفولة ننام بس نندل ثديها

    و امي بأيام الحرب دمعتها ساتر
    يمنة جانت عينها و نسمع بجيها

    و آني اتحدى اليدور ذاكرة كل الحروب
    و ما يشوف عيون ام و دمعة بيها

    الشاعر غانم الفياض

    لتحميل القصيدة فديو صوت و صورة
    اضغط هنا - الحجم 2.77 ميكا 


    المصدر: تم اضافة القصيدة من قبل المشرف مصطفى الحسينيhttp://www.iraqws.com/vb/showthread.php?t=27837
    عدد القراء: 4425   |   تاريخ الاضافة: 09-01-2008
    ارسل الموضوع الى صديق .. انسخ اللنك ادناه و ارسله

    مواضيع ذات صلة
    		 من صور العراق
    مرقد الامام الكاظم عليه السلام
    مرقد الامام الكاظم عليه السلام

    اقسام اخرى

    النشرة البريدية
    ضع بريدك في النشرة البريدية ليصلك جديد الموقع
    البريد الإلكتروني:

    مباشر من العراق
    موقع العراق ©2005-2007تصميم و برمجة و استضافة: حمورابي لتقنيات الويب